ລິ້ງ ສຳຫລັບເຂົ້າຫາ

ບັນດາເຈົ້າໜ້າທີ່ ຢູໂຣບ ແລະສະຫະລັດ ເຕືອນ ການຂົ່ມຂູ່ ທີ່ຮ້າຍແຮງ ຈາກພວກກໍ່ການຮ້າຍ


ທະຫານພົນຮົ່ມຂອງBelgianລາດຕາເວັນຢູ່ນອກ ສຳນັກງານໃຫຍ່ຂອງຄະນະກຳມິການຢູໂຣບ ໃນໃຈກາງ ນະຄອນBrussels ວັນທີ 17 ມັງກອນ 2015.

ບັນດາ​ລັດຖະມົນຕີ​ຕ່າງປະ​ເທດ​ຂອງ​ສະຫະພາບ​ຢູ​ໂຣບ ພົບ​ປະ
ກັນ​ຢູ່​ທີ່​ນະຄອນBrussels ​ໃນ​ວັນ​ຈັນ​ມື້​ນີ້ ຫຼັງ​ຈາກ​ການ​ໂຈມ
​ຕີ​ມາ​ຫລາຍ​ບັ້ນ​ທີ່​ເຮັດ​ໃຫ້​ຜູ້​ຄົນ​ເສຍ​ຊີວິດ​ໃນ​ຝຣັ່ງ ​ແລະ​ການ
​ບຸກ​ໂຈມ​ຕີ​ຕໍ່ຕ້ານ​ພວກ​ກໍ່​ການ​ຮ້າຍ​ໃນ Belgium.

ບັນດາ​ລັດຖະມົນຕີ​ເຫຼົ່າ​ນີ້ ຈະໂອ້​ລົມ​ສົນທະນາ​ກັນເລື້ອງທາງ​
ເລືອກ​ຕ່າງໆ ​ໃນ​ຂະນະ​ທີ່​ກຸ່ມ​ຂອງ​ຕົນ​ກະກຽມ​ເພື່ອ​ຈັດກອງ
ປະຊຸມ​ສຸດ​ຍອດ​ພິ​ເສດຂຶ້ນ​ໃນ​ເດືອນ​ໜ້າ ທີ່​ຈະ​ໃຊ້​ເວລາ​ໃສ່​
ການ​ຕໍ່ສູ້​ກັບ​ພວກ​ກໍ່​ການ​ຮ້າຍ​ນັ້ນ.

ສະຖານະ​ການ​ໃນ​ຢູ​ໂຣບສ່ວນ​ຫຼາຍ​ຍັງ​ຢູ່​ໃນ​ສະພາບ​ເຄັ່ງ​ຕຶງ
​ແລະ​ຢູ່​ໃນ​ທ່າ​ຕຽມ​ພ້ອມ​ຢ່າງ​ສູງ ຂະນະ​ທີ່​ລັດຖະມົນຕີ​ກະຊວງ
​ຍຸຕິ​ທຳ​ຂອງ Belgium ກ່າວ​ວ່າ ບຸກຄົນ​ທີ່​ຖືກ​ກ່າວ​ຫາ​ວ່າ ​ເປັນ
ຫົວໜ້າວາງ​ແຜນ​ໂຈມ​ຕີ​ຂອງ​ພວກ​ກໍ່​ການ​ຮ້າຍ​ໃນ​ສັບປະດາ
​ແລ້ວ​ນີ້ ​ທີ່ໄດ້​ຂັດຂວາງໄວ້​ກ່ອນ​ນັ້ນຍັງ​ຊອກ​ຫາ​ໂຕ​ບໍ່​ເຫັນ​ເທື່ອ.

ທ່ານ Koen Greens ກ່າວ​ວ່າ ຜູ້​ຕ້ອງ​ສົງ​ໄສ​ຄົນ​ນີ້ ບໍ່​ຮວມຢູ່​ໃນ​ພວກ​ບຸກຄົນ 4 ຄົນ​ທີ່
​ຖືກ​ຈັບ​ກຸມ​ໃນ Greece ບ່ອນ​ທີ່​ມີ​ການ​ເຊື່ອ​ກັນ​ວ່າ ຜູ້ກ່ຽວ​ໄດ້​ຫລົບໜີ​ໄປ​ຢູ່​ຫັ້ນ. ​ແຕ່​ພວກ​ໄອ​ຍະ​ການ Belgium ຍັງ​ວາງ​ແຜນ​ທີ່​ຈະ​ຂໍ​ຮ້ອງ​ໃຫ້ Greece ສົ່ງ​ໂຕ​ຄົນ​ນຶ່ງ​ໃນ​ບັນດາ
​ພວກ​ທີ່​ຖືກ​ຈັບ​ກຸມ​ທີ່​ມີ​ສ່ວນ​ພົວພັນ​ກັບ​ການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ​ທີ່​ຖືກ​ຂັດຂວາງ
ໄວ້​ກ່ອນ​ນັ້ນ.

ສື່​ມວນ​ຊົນ Belgium ​ໄດ້​ລະບຸ​ຊື່​ຫົວໜ້າ​ວາງ​ແຜນ​ທີ່​ຕ້ອງການ​ໂຕ​ນັ້ນ ​ແມ່ນ​ນາຍ Abdel
hamid Abaaoud ​ໄວ 27 ປີ ​ເປັນ​ພົນລະ​ເມືອງ Belgium ​ເຊື້ອສາຍ​Morocco ທີ່​ຖືກ
​ສົງ​ໄສ​ວ່າ ​ເປັນ​ຜູ້ນຳ​ພາ​ກຸມ​ອິສລາມ​ຫົວ​ຮຸນ​ແຮງ​ໃນ​ເມືອງ Verviers ​ໃນ​ພາກ​ຕາ​ເວັນ
​ອອກ​ຂອງ Belgium ນັ້ນ. ບັນດາ​ເຈົ້າ​ໜ້າ​ທີ່​ກ່າວ​ວ່າ ກຸ່ມ​ດັ່ງກ່າວ​ກຳລັງ​ຈະ​ເປີດ​ສາກ​
ການ​ໂຈມ​ຕີ​ຄັ້ງ​ໃຫຍ່​ຂອງ​ກຸມ​ກໍ່​ການ​ຮ້າຍ​ຕໍ່​ເປົ້າ​ໝາຍ​ແຫ່ງ​ຕ່າງໆ​ຂອງ​ຕຳຫຼວດ ກ່ອນ​ພວກ​ເຈົ້າ​ໜ້າ​ທີ່​ຕຳຫລວດ​ບຸກ​ເຂົ້າ​ໄປ​ໃນ​ບ່ອນ​ລີ້​ຊ່ອນ​ຂອງ​ພວກ​ເຂົາ​ໃນ​ວັນ​ພະຫັດ ​ໂດຍ​ໄດ້​ສັງ
ຫານ​ພວກ​ເຂົາ 2 ຄົນ​ໃນ​ການ​ຍິງ​ຕໍ່ສູ້​ກັນຢ່າງ​ດຸ​ເດືອດ​ນັ້ນ.

​ໃນ​ຂະນະ​ດຽວ​ກັນ ຢູ​ໂຣບຍັງ​ກຳ​ລັບ​ມີ​ຄວາມ​ຮູ້ສຶກ​ສັບສົນ​ຈາກ​ການ​ໂຈມ​ຕີ​ຂອງ​ພວກ​ກໍ່​
ການ​ຮ້າຍ​ໃນ​ປາຣີ​ໃນ​ຕົ້ນ​ເດືອນ​ນີ້​ຢູ່ ທີ່​ໄດ້​ສັງຫານ​ຜູ້​ຄົນ​ໄປ 12 ຄົນ​ທີ່​ຫ້ອງການ​ວາລະສານ Charlie Hebdoມ ​ເຈົ້າ​ໜ້າ​ທີ່​ຕຳຫຼວດ​ຄົນ​ນຶ່ງ ​ແລະ​ປະຊາຊົນ 4 ຄົນ​ໃນ​ຕະຫຼາດ​ຂອງ​ຊາວ​ຢີວ​ແຫ່ງ​ນຶ່ງ​ນັ້ນ.

XS
SM
MD
LG