ລິ້ງ ສຳຫລັບເຂົ້າຫາ

ມີການຮັກສາຄວາມປອດໄພ ຢ່າງໜາແໜັ້ນ ຢູ່ໃນທົ່ວໂລກ ໃນການສະຫຼອງ ຕ້ອນຮັບປີໃໝ່ 2016


ການຈູດບັ້ງໄຟດອກ ທີ່ນະຄອນຊິດນິ ປະເທດອອສເຕຣເລຍ​ ເພື່ອຕ້ອນຮັບການມາເຖິງ ຂອງປີ​ 2016.

ການຈູດບັ້ງໄຟດອກ ທີ່ນະຄອນຊິດນິ ປະເທດອອສເຕຣເລຍ​ ເພື່ອຕ້ອນຮັບການມາເຖິງ ຂອງປີ​ 2016.

ການຮັກສາຄວາມປອດໄພແມ່ນໄດ້ມີການເຂັ້ມງວດ ໃນບັນດາ
ເມືອງຕ່າງໆໃນທົ່ວໂລກ ເພາະວ່າ ອາດມີການຂົ່ມຂູ່ຈາກພວກ
ກໍ່ການຮ້າຍ ໃນຂະນະທີ່ພວກເຂົາເຈົ້າຕຽມການສະຫຼອງ
ໃນທີ່ສາທາລະນະ ຂອງການເລີ້ມຕົ້ນປີໃໝ່ນີ້.

ນະຄອນຊິດນີ ອ໊ອສເຕຣເລຍ ຈະເປັນເມືອງທຳອິດຂອງຫຼາຍໆ
ເມືອງທີ່ຈະເປັນຜູ້ເລີ້ມສະຫຼອງ ປີ 2016 ດ້ວຍການຍິງສະຫຼອງ
ບັ້ງໄຟດອກ ທີ່ຍິ່ງໃຫຍ່ອະລັງການທີ່ສຸດ​ເປັນປະຫວັດການ
ຊຶ່ງບັ້ງໄຟດອກມີນຳໜັກທັງ​ໝົດ 7 ໂຕນ ແລະໃຊ້ເງິນໃນຈຳນວນ
5 ລ້ານ 1 ແສນ ໂດລ່າ ໃນການສະແດງເປັນ​ເວລາ 12 ນາທີເທົ່າ
ນັ້ນ.

ແຕ່ວ່ານະຄອນ Jakata ໃນອິນໂດເນເຊຍ ແມ່ນຢູ່ໃນການຮັກສາການຢ່າງເຂັ້ມງວດໃນປີນີ້
ຫຼັງຈາກທີ່ທາງຕຳຫຼວດ ໄດ້ພົບເຫັນແຜນທີ່ອາດເປັນການໂຈມຕີກໍ່ການຮ້າຍໃນນະຄອນ
ຫຼວງຂອງອິນໂດເນເຊຍ ໃນຊ່ວງເທດສະການສະຫຼອງປີໃໝ່ນີ້.

ເຈົ້າຄອງກຳແພງນະຄອນ Brussel ໄດ້ຍົກເລີກການສະຫຼອງປະຈຳປີ ຄືນກ່ອນວັນຂຶ້ນປີ
ໃໝ່ ທີ່ນະຄອນຫຼວງຂອງປະເທດເບລຢ້ຽມ ຍ້ອນການຂົ່ມຂູ່ການກໍ່ການຮ້າຍ. ເຈົ້າຄອງກຳ
ແພງນະຄອນ ທ່ານ Yvan Mayeur ໄດ້ກ່າວວ່າ ອິງຕາມສູນກາງວິໄຈດ້ານວິກິດການ ນັ້ນ
ແມ່ນວ່າ ບໍ່ສາມາດກວດກາພວກຜູ້ຄົນຈຳນວນຫຼາຍສິບພັນຄົນທີ່ຈະພາກັນມາສະຫຼອງປີໃໝ່
ດ້ວຍການຊົມການຈູດບັ້ງໄຟດອກ.

ພວກຕຳຫຼວດ ປະຈຳດານໃນ Grand Place ນະຄອນ Brussels, 30 ທັນວາ, 2015, ຫຼັງຈາກໄດ້ມີການຈັບກຸມ ຊາຍ 2 ຄົນ ໃນ Belgium ໃນວັນອາທິດແລະວັນຈັນ, ທັງສອງຜູ້ຕ້ອງສົງໄສ ໃນການໂຈມຕີ Brussels ໃນການສະຫຼອງຄືນນຶ່ງກ່ອນວັນຂຶ້ນປີໃໝ່, ທີ່ທາງໄອຍະການກາງໄດ້ກ່າວໄວ້.

ພວກຕຳຫຼວດ ປະຈຳດານໃນ Grand Place ນະຄອນ Brussels, 30 ທັນວາ, 2015, ຫຼັງຈາກໄດ້ມີການຈັບກຸມ ຊາຍ 2 ຄົນ ໃນ Belgium ໃນວັນອາທິດແລະວັນຈັນ, ທັງສອງຜູ້ຕ້ອງສົງໄສ ໃນການໂຈມຕີ Brussels ໃນການສະຫຼອງຄືນນຶ່ງກ່ອນວັນຂຶ້ນປີໃໝ່, ທີ່ທາງໄອຍະການກາງໄດ້ກ່າວໄວ້.

ໃນຂະນະດຽວກັນນີ້ ຕຳຫຼວດເບລຢ້ຽມ ໄດ້ປະກາດໃນວັນພະຫັດມື້ນີ້ວ່າ ພວກເຂົາເຈົ້າ
ໄດ້ຈັບກຸມຜູ້ຕ້ອງສົງໄສ ຄົນທີ 10 ໃນການໂຈມຕີທີ່ປາຣີ ​ເມື່ອວັນທີ 13 ພະຈິກ ທີ່ຍັງຜົນໃຫ້ມີ 130 ຄົນ ເສຍຊີວິດນັ້ນແລ້ວ. ຕຳຫຼວດເບລຢ້ຽມ ໄດ້ຈັບກຸມອີກ 2 ຄົນ ໃນຕົ້ນສັບປະດານີ້ ທີ່ສົງໄສວ່າ ໄດ້ວາງແຜນໂຈມຕີກໍ່ການຮ້າຍໃນຄ່ຳຄືນວັນຂຶ້ນປີໃໝ່ ໃນອັນທີ່ເອີ້ນວ່າ ເປັນ “ສັນຍາລັກ” ຂອງ​ປະ​ເທດນັ້ນ.

ພວກຫົວຮຸນແຮງກຸ່ມອິສລາມ 4 ຄົນ ຜູ້ທີ່ໄດ້ສັງຫານ 130 ຜູ້ຄົນ ໃນການໂຈມຕີຫຼາຍໆບັ້ນ ໃນປາຣີ ໃນເດືອນພະຈິກ ແມ່ນມາຈາກເບລຢ້ຽມ.

ຕຳຫຼວດ New York ຕຽມການລາດຕະເວນ ທີ່ຈະຕຸລັດ Times ໃນນະຄອນ Manhattan, New York, 27 ທັນວາ, 2015.

ຕຳຫຼວດ New York ຕຽມການລາດຕະເວນ ທີ່ຈະຕຸລັດ Times ໃນນະຄອນ Manhattan, New York, 27 ທັນວາ, 2015.

​ນະຄອນປາຣີ ກໍໄດ້ຍົກເລີກການສະຫຼອງ ການຈູດບັ້ງໄຟດອກເຊັ່ນກັນ ແລະຕັດຮອນແຜນ
ການສະແດງໃນຕອນຄ່ຳຄືນ ປິດກັ້ນຖະໜົນຫຼັກ Champs Elysees ໃຫ້ລົດຜ່ານໄປມາໄດ້ ໃນ 1 ຊົ່ວໂມງ ແທນທີ່ຈະເປັນ 3 ຊົ່ວໂມງ. ແຕ່ວ່າການສະແດງ​ແສງ​ສີ ທີ່​ອານຸສາ​ວະລີ
Arc de Triomphe ຈະເປັນໄປຕາມແຜນການ. ເຈົ້າຄອງກຳແພງນະຄອນປາຣີທ່ານນາງ Anne Hidalgo ໄດ້ບອກກັບ ວາລະສານ ລາຍ 2 ສັບປະດາ Journal du Dimanche ຂອງຝຣັ່ງ ວ່າ ຝຣັ່ງຈຳເປັນທີ່ຈະໄດ້ຮັກສາສັນຍາລັກຂອງການສະຫຼອງປີໃໝ່ ເພື່ອສະແດງ
ໃຫ້ຊາວໂລກ ເຫັນວ່າ ຕົນໄດ້ສືບຕໍ່ຟື້ນຟູຈາກການຖືກໂຈມຕີກໍ່ການຮ້າຍຄັ້ງຫຼ້າສຸດນັ້ນ.

XS
SM
MD
LG