ລິ້ງ ສຳຫລັບເຂົ້າຫາ

ເກີດຄວາມເຄັ່ງຕຶງ ໃນເຂດຊາຍແດນ ຂອງສອງເກົາຫຼີ ລຸນຫຼັງ ການທົດລອງ ນິວເຄລຍ


ທະຫານເກົາຫຼີໃຕ້ ລາດຕະເວນເບິ່ງຮົ້ວໜາມຈັບ ໃນເຂດເມືອງ Paju ໃກ້ຊາຍແດນເກົາຫຼີເໜືອ.

ທະຫານເກົາຫຼີໃຕ້ ລາດຕະເວນເບິ່ງຮົ້ວໜາມຈັບ ໃນເຂດເມືອງ Paju ໃກ້ຊາຍແດນເກົາຫຼີເໜືອ.

ຜູ້ນຳ​ຂອງ​ເກົາຫຼີ​ເໜືອ ທ່ານ​ກິມຈົງ​ອຸນ ​ໄດ້​ຮັບ​ຂອງຂວັນ​ວັນ​ເກີດ
​ທີ່​ໜ້າ​ລຳ​ຄານ ​ໃນວັນ​ສຸກ​ມື້ນີ້ ​ເວລາ​ເກົາຫຼີ​ໃຕ້​ເລີ້ມການ​ອອກ​ອາ
ກາດ​ທາງ​ໂທລະ​ໂຄ່ງ​ຢູ່​ຕາມ​ເຂດຊາຍ​ແດນ​ຄືນ​ອີກ​.

​ເພື່ອ​ເປັນ​ການ​ຕອບ​ໂຕ້ ກອງທັບ​ເກົາຫຼີ​ເໜືອ ​ໄດ້​ເພີ້ມກຳລັງ​ທະ
ຫານ ​ທີ່​ປະຈຳການ​ຢູ່​ໃນ​ເຂດໃກ້​ຊາຍ​ແດນ​ຕື່ມ​ຂຶ້ນ ​ແລະ​ກຳລັງ
​ເກົາຫລີໃຕ້​ກໍ​ຢູ່​ໃນ​ທ່າ​ກຽມພ້ອມສຸດ​ຂີ​ດ.

ການ​ເລີ້ມອອກ​ອາກາດໂດຍ​ທາງ​ຕາໜ່າງໂທລະ​ໂຄ່ງທີ່​ຕັ້ງຢູ່​ໃນ
​ເຂດ​ຊາຍ​ແດນ​ຂອງ​ເກົາຫຼີ​ໃຕ້​ເລາະ​ລຽບ​ຕາມ​ເຂດ​ປອດ​ທະຫານ
​ໄດ້​ພາ​ໃຫ້​ເກີດ​ຄວາມ​ເປັນ​ໄປ​ໄດ້​ທີ່​ຈະ​ມີ​ການ​ປະ​ເຊີນ​ໜ້າ​ທາງ​ທະ
ຫານ​ກັບ​ເກົາຫຼີ​ເໜືອ.

​ໃນ​ວັນ​ສຸກ​ມື້ນີ້ ອັງກິດໄດ້​ຮ້ອງ​ຂໍ​ໃຫ້​ເກົາ​ຫລີ​ໃຕ້​ໂຈະ​ການ​ອອກ​ອາກາດ​ທາງ​ໂທລະ​ໂຄ່ງ​ໄວ້​
ກ່ອນ​ເພື່ອ​ບໍ່​ໃຫ້​ເປັນ​ການ​ເພີ້ມທະວີ​ຄວາມ​ເຄັ່ງ​ຕຶງ​ຢູ່​ຕາມ​ເຂດ​ຊາຍ​ແດນ.

ຕໍ່​ມາ​ໃນ​ວັນ​ສຸກ​ມື້ນີ້​ກໍ​ມີ​ລາຍ​ງານ​ວ່າ ​ເກົາຫຼີ​ເໜືອ​ເອງ​ກໍ​ໄດ້​ເລີ້ມການ​ອອກ​ອາກາດທາງ​ໂທ
ລະ​ໂຄ່ງຂ້າມ​ຊາຍ​ແດນ​ຂອງ​ຕົນ​ເພື່ອ​ຕອບ​ໂຕ້​ຕໍ່​ການ​ອອກ​ອາກາດ​ຂອງ​ເກົາ​ຫຼີ​ໃຕ້​ ອີງ​ຕາມ​
ລາຍ​ງານ​ຂອງ​ອົງການ​ຂ່າວ​ຢອນ​ຮັບ​ທີ່​ກຸງ​ໂຊ​ລ.

​ໃນ​ເດືອນ​ສິງຫາ​ປີ​ກາຍ​ນີ້ ​ເກົາຫລີໃຕ້​ໄດ້ເລີ້ມ​ການ​ອອກ​ອາກາດ​ທາງ​ໂທລະ​ໂຄ່ງ​ຂອງ​ຕົນ​
ເປັນ​ເທື່ອ​ທຳ​ອິດ ​ໃນ​ຮອບ 11 ປີເພື່ອ​ເປັນ​ການ​ຕອບ​ໂຕ້​ຕໍ່​ການວາງ​ລະ​ເບີດ​ຝັງ​ດິນຢູ່​ເຂດ
ປອດ​ທະຫານ​ໂດຍ​ເກົາຫຼີ​ເໜືອ.​ ຫຼັງ​ຈາກ​ນັ້ນທັງ​ສອງ​ຝ່າຍ​ໄດ້ຍິງ​ປືນ​ໃຫຍ່​ໂຈມ​ຕີ​ກັນແລະ
​ທ່ານ​ກິມຈົງ​ອຸນ​ໄດ້​ປະກາດ​ສະພາບ​ຄ້າຍຄື​ກັບ​ສົງຄາມ ​ແຕ່​ການ​ຂັດ​ແຍ້​ງ​ໃນ​ຂອບ​ເຂດ​ທີ່​
ກວ້າງຂວາງ ​ສາມາດ​ຫລີກ​ລ່ຽງ ​ໄດ້​ເວລາ​ສອງ​ປະ​ເທດ​ເກົາຫຼີ ​ໄດ້​ຕົກລົງຢຸດ​ເຊົາ​ການ​ທ້າ​
ທາຍ​ເກາະ​ຜິດ​ແລະ​ຮ່ວມ​ມື​ກັນ​ໃນ​ການ​ແລກປ່ຽນ​ແລະ​ຈັດ​ໃຫ້​ບັນດາ​ຄອບຄົວ​ທີ່​ພັດ​ພາກ
ໄດ້​ພົບ​ພໍ້​ກັນ.

XS
SM
MD
LG