ດາຣາເທັນນິສຣັດເຊຍນາງ Maria Shavapova ກ່າວວ່າ ນາງ
ບໍ່ສາມາດຜ່ານການກວດຢູ່ທີ່ພິທີເປີດການແຂ່ງຂັນກິລາເທັນນິສ
ອອສເຕຣເລຍເມື່ອເດືອນມັງກອນທີ່ຜ່ານມາເນື່ອງຈາກຢາທີ່ນາງ
ໄດ້ໃຊ້ມາເປັນເວລາ 10 ປີດ້ວຍເຫດຜົນດ້ານສຸຂະພາບ.
ນາງ Sharapova ກ່າວຕໍ່ກອງປະຊຸມນັກຂ່າວ ທີ່ນະຄອນLos
Angeles ໃນວັນຈັນວານນີ້ວ່າຢາທີ່ມີຊື່ວ່າ meldonium ຫາກໍ
ໄດ້ເພີ້ມເຂົ້າໃນບັນຊີລາຍຊື່ຢາຊູກຳລັງທີ່ຖືກຫ້າມໂດຍອົງການ
ຕໍ່ຕ້ານການໃຊ້ຢາຊູກຳລັງ ຫຼື WADA ເມື່ອຕົ້ນປີນີ້.
ນາງກ່າວວ່າ ນາງບໍ່ໄດ້ເບິ່ງ e-mail ທີ່ເຕືອນຄັ້ງຫລ້າສຸດກ່ອນທີ່
ນາງໄດ້ໃຊ້ດັ່ງກ່າວ.
ເນຶ່ອງຈາກການລະເມີດນີ້ນາງ Shavapora ອາຍຸ 28 ປີ ທີ່ໄດ້ເປັນແຊມປ້ຽນເຖິງຫ້າເທື່ອ ກຳລັງປະເຊີນໜ້າກັບການຫ້າມບໍ່ໃຫ້ແຂ່ງຂັນເປັນການຊົ່ວຄາວ ໂດຍສະຫະພັນເທັນນິສສາກົນ ທີ່ອາດຈະກີດກັ້ນນາງບໍ່ໃຫ້ເຂົ້າແຂ່ງຂັນ ຕາງໜ້າໃຫ້ປະເທດຂອງນາງ ຢູ່ໃນການແຂ່ງຂັນກິລາໂອລິມປິກ ຊຶ່ງຈະມີຂື້ນທີ່ ນະຄອນ Rio.
ທ່ານ Steve Simon ຫົວໜ້າສະມາຄົມເທນິສແມ່ຍິງ ໄດ້ອອກຖະແຫລງການ ຮ້ອງນາງ Sharapova ວ່າເປັນ “ແມ່ຍິງທີ່ມີຄວາມສື່ສັດອັນສູງສົ່ງ” ແຕ່ກໍກ່າວວ່າ “ມັນເປັນຄວາມຮັບຜິດຊອບຂອງນັກກິລາແຕ່ລະຄົນທີ່ຕ້ອງຮູ້ວ່າສິ່ງໃດທີ່ເຂົາເຈົ້າເອົາເຂົ້າໃສ່ໃນຮ່າງກາຍ ແລະຮູ້ວ່າມັນໄດ້ຮັບອະນຸຍາດຫຼືບໍ່.
ໃນຕອນແລງວັນຈັນວານນີ້ ຫ້ອງການບໍລິສັດຜະລິດເຄື່ອງນຸ່ງກິລາ Nike ຢູ່ສະຫະລັດ ໄດ້ປະກາດວ່າ ຕົນໄດ້ຍົກເລີກການເປັນຜູ້ອຸບປະຖໍາໃຫ້ແກ່ນາງ Sharapova ໂດຍກ່າວວ່າ
“ມັນເປັນທີ່ເສົ້າສະລົດໃຈ ແລະຕື່ນຕົກໃຈຈາກລາຍງານຂ່າວ.” ນາງ Sharapova ໄດ້ຊະ
ນະການແຂ່ງຂັນດ່ຽວ ຄັ້ງ ນັບຕັ້ງແຕ່ນາງໄດ້ຊະນະແຊ້ມ Wimbledon ຊຶ່ງເວລານັ້ນນາງ
ມີອາຍຸ 17 ປີ ທີ່ສ້າງຄວາມຕຶ່ນເຕັ້ນໂດ່ງດັງໃນປີ 2004 ແລະໄດ້ຮັບເງິນເຖິງ 36 ລ້ານໂດ
ລາໃນເວລານັ້ນ ຊຶ່ງສ່ວນໃຫຍ່ໄດ້ມາຈາກການໂຄສະນາ.