ລິ້ງ ສຳຫລັບເຂົ້າຫາ

ມີການຄົ້ນພົບຢາໃໝ່ ທີ່ປົວໄດ້ ທັງເຊື້ອ TB ແລະເຊື້ອ HIV (ວີດີໂອລາວ/ອັງກິດ)

  • Vidushi Sinha

ວັນນະໂຣກ ຫລືໂຣກປອດແຫ້ງ ຍັງເປັນຕົວສັງຫານຊີວິດຄົນລາຍໃຫຍ່ທີ່ສຸດ ໃນໝູ່ຄົນທີ່ຕິດເຊື້ອໄວຣັສ HIV ທີ່ພາ ໃຫ້ເປັນໂຣກເອດສ໌ນັ້ນ. ແຕ່ວ່າ ພວກຄົນມີເຊື້ອ HIV ທີ່ມີການຕິດເຊື້ອໂຣກປອດແຫ້ງ ທີ່ອາດເປັນອັນຕະລາຍເຖິງ ຕາຍໄດ້ນັ້ນ ບໍ່ສາມາດປົວໃຫ້ຫາຍດີໄດ້ ຍ້ອນວ່າພວກຢາສອງຢ່າງທີ່ໃຊ້ສະເພາະຕ້ານກັບພະຍາດສອງຢ່າງນີ້ ມີປະ ຕິກິລີຍາຕ້ານກັນ ຫລືມີຜົນຂ້າງຄຽງທີ່ເປັນພິດເປັນໄພ ເມື່ອໃຊ້ຮ່ວມກັນ. ມາບັດນີ້ ການໃຊ້ຢາໃໝ່ສອງສາມຢ່າງປະ ສົມປະສານກັນ ໄດ້ພິສູດໃຫ້ເຫັນ ວ່າ ມີປະສິດທິຜົນສູງກວ່າ ຢູ່ໃນການທົດລອງໃຊ້ປິ່ນປົວທາງຄລີນິກ ສໍາລັບທັງ ການປົວວັນນະໂຣກ ຫລື TB ເປັນການ ສະເພາະ ແລະການປິ່ນປົວຄົນປ່ວຍທີ່ມີເຊື້ອ HIV ທີ່ຕິດເຊື້ອ TB ນໍາ. ຜູ້ສື່ ຂ່າວວີໂອເອ Vidushi Sinha ມີລາຍລະອຽດ ເລື້ອງນີ້ ຊຶ່ງດາຣາຈະນໍາມາສະເໜີທ່ານ.

ພວກນັກຄົ້ນຄວ້າ ເອີ້ນພວກຢາໃໝ່ທີ່ໃຊ້ປະສົມປະສານກັນນີ້ວ່າ ເປັນການຄົ້ນພົບສິ່ງໃໝ່ຫລືເປັນຄວາມກ້າວໜ້າ ໃນການປິ່ນປົວ
ວັນນະໂຣກ. ຄືຢູ່ໃນການທົດລອງປິ່ນປົວທາງຄລີນິກນັ້ນ ພວກ
ຢາເຫລົ່ານັ້ນ ໄດ້ຂ້າເຊື້ອໂຣກ TB ຢູ່ໃນຄົນປ່ວຍທີ່ມີເຊື້ອ HIV
ໄດ້ຫລາຍກ່ວາ 99% ພາຍໃນເວລາສອງອາທິດ. ດຣ. ແດນ
ແອັວ ເວີຣິດ (Dan Everitt) ເປັນຜູ້ນຶ່ງໃນພວກນັກຄົ້ນຄວ້າທີ່
ທໍາການສຶກສາຄົ້ນຄວ້າຢາໃໝ່ດັ່ງກ່າວນັ້ນ ແລະເປັນເຈົ້າໜ້າທີ່
ການແພດອາວຸໂສ ໃນສະຫະພັນວັນນະໂຣກ, ຊຶ່ງເປັນກຸ່ມເອກະ
ຊົນທີ່ສົ່ງເສີມການພັດທະນາວິທີການໃໝ່ໆສໍາລັບປິ່ນປົວເຊື້ອ
ໂຣກ TB.  ທ່ານກ່າວວ່າ ການໃຊ້ຢາດັ່ງກ່າວນີ້ປະສົມ
ປະສານ ກັນແມ່ນເປັນຂ່າວດີສໍາລັບຫລາຍໆລ້ານຄົນ ທີ່ຕິດ
ທັງເຊື້ອໂຣກ TB ແລະເຊື້ອ HIV. ທ່ານກ່າວວ່າ:
"ສໍາລັບລະບົບການປິ່ນປົວດ້ວຍຢານີ້ ພວກເຮົາບໍ່ຄາດວ່າ ຈະມີປະຕິກິລິຍາ ຕອບໂຕ້ທີ່ ເປັນບັນຫາຕໍ່ພວກຢາທີ່ໃຊ້ປົວເຊື້ອ HIV. ສ່ວນຢາທີ່ໃຊ້ປົວເຊື້ອ TB ໃນຄົນປ່ວຍທີ່ຕິດເຊື້ອ HIV ຢູ່ໃນປັດຈຸບັນນີ້ ແມ່ນເຮັດໃຫ້ມີປະຕິກິລິຍາ ຕອບໂຕ້ ທີ່ເປັນບັນຫາຫລາຍ ແລະຫຍຸ້ງຍາກຕໍ່ຢາທີ່ໃຊ້ປົວການຕິດເຊື້ອ HIV."

ທ່ານໝໍ (ຊ້າຍ) ສົນທະນາກັບພະຍາບານກ່ຽວກັບອາການຂອງ ຄົນປ່ວຍຜູ້ນຶ່ງທີ່ຕິດທັງເຊື້ອ HIV ແລະTB ທີ່ອາຟຣິກາໃຕ້
ທ່ານໝໍ (ຊ້າຍ) ສົນທະນາກັບພະຍາບານກ່ຽວກັບອາການຂອງ ຄົນປ່ວຍຜູ້ນຶ່ງທີ່ຕິດທັງເຊື້ອ HIV ແລະTB ທີ່ອາຟຣິກາໃຕ້

ດຣ. ກອດຟຣີດ ເຮີນຊອລ (Gottfried Hirnchall) ຜູ້ຊີ້ນໍາໂຄງ
ການ HIV/AIDS ຂອງອົງການອະນາໄມໂລກ ຫລື WHOໄດ້
ກ່າວຕໍ່ວີໂອເອ ໂດຍຜ່ານທາງອິນເຕີແນັດ ຫລືສະໄກພ໌ວ່າ: ການ
ຕິດທັງເຊື້ອ TB ແລະ HIV ນໍາກັນນັ້ນ ແມ່ນເປັນເລື້ອງທໍາມະດາ
ທີ່ສຸດ ຈົນວ່າການບໍ່ປິ່ນປົວເຊື້ອ TB ໃຫ້ຄົນປ່ວຍທີ່ຕິດເຊື້ອ HIV
ນັ້ນ ຈະກາຍເປັນການພາດໂອກາດໄປໃນການປ້ອງກັນສຸຂະ
ພາບຂອງສາທາລະນະຊົນ. ດຣ. ເຮີນຊອລ ກ່າວວ່າ:
"ສະນັ້ນ ພວກເຮົາຢາກຈະນໍາເອົາການບໍລິການດ້ານການ
ປິ່ນປົວ HIV ແລະໂຄງການ HIV ໃຫ້ເຂົ້າມາຕິດແທດກັບ
ການບໍລິການແລະໂຄງການປິ່ນປົວເຊື້ອ TB ຫລາຍຂຶ້ນ."


ດຣ. ແອັວເວີຣິດ ກ່າວອີກວ່າ ການໃຊ້ຢາໃໝ່ດັ່ງກ່າວນີ້ ປະສົມປະສານກັນແມ່ນຈະສະ ໜອງການປິ່ນປົວໄດ້ໄວກວ່າ ແລະງ່າຍກວ່າ ແລະຈະແກ້ໄຂບັນຫາສະພາບການດື້ຢາ ທີ່ ນັບມື້ເພີ້ມທະວີ ຂຶ້ນ ຢູ່ໃນພວກຄົນປ່ວຍທີ່ມີທັງເຊື້ອ TB ແລະ HIV ນັ້ນ.
"ຖ້າຫາກເຮົາວາດພາບເບິ່ງວ່າ ມີຢາ 5 ຫາ 7 ຢ່າງສໍາລັບປົວ ເຊື້ອ TB ແລະ ມີ ອີກ 3 ຢ່າງສໍາລັບປົວການຕິດເຊື້ອ HIV; ພ້ອມທັງມີຢາອື່ນອີກ 2-3 ຢ່າງ ກໍຖືວ່າ
ເປັນຢາຈໍານວນຫລວງຫລາຍແລ້ວ ພ້ອມທັງປະຕິກິລິຍາຕອບໂຕ້ກັນ ແລະຜົນ
ຂ້າງຄຽງທັງໝົດນັ້ນອີກ. ແຕ່ວ່າ ສໍາລັບຢາໃໝ່ນີ້ ພວກເຮົາຫວັງວ່າ ຈະເປັນການ ລະບົບປິ່ນປົວທີ່ໃຊ້ຢາພຽງ 3 ຢ່າງເປັນເວລາ 4 ເດືອນ ຊຶ່ງຈະເປັນບາດກ້າວໄປ
ທາງໜ້າຢ່າງໃຫຍ່ ບາດກ້າວນຶ່ງ ສໍາລັບຄົນມີເຊື້ອ HIV ທີ່ປ່ວຍເປັນປອດແຫ້ງ
ທີ່ກິນຢາຫລາຍໆ ຢ່າງພ້ອມກັນ ໃນເວລານີ້."


ຄະນະຜູ້ຂຽນລາຍງານການສຶກສາຄົ້ນຄວ້ານີ້ເວົ້າວ່າ ການໃຊ້ຢາສາມຊະນິດປະສົມກັນ ດັ່ງກ່າວ ຍັງໃຫ້ຄວາມຫວັງໃນການກໍາຈັດຄວາມຈໍາເປັນສໍາລັບການສັກຢາ ໃນການ ປິ່ນປົວເຊື້ອ TB ທີ່ດື້ຢາຫລາຍຢ່າງ ແລະ ເຊື້ອ TB ທີ່ດື້ຢາຢ່າງຮ້າຍແຮງທີ່ສຸດນັ້ນ ແລະ
ມັນຍັງສາມາດທີ່ຈະຕັດຄ່າການປິ່ນປົວພະຍາດວັນນະໂຣກ ລົງໄດ້ປະມານ 90% ອີກດ້ວຍ.

ເບິ່ງວີດິໂອກ່ຽວກັບເລື້ອງນີ້ເປັນພາສາລາວ

XS
SM
MD
LG