ລິ້ງ ສຳຫລັບເຂົ້າຫາ

ການເຈລະຈາ ກ່ຽວກັບ ຂະບວນການ ສັນຕິພາບ ອັຟການິສຖານ ໄດ້ໄຂຂຶ້ນໃນ ປາກິສຖານ


ທະຫານບົກ ແຫ່ງຊາດຂອງ ອັຟການິສຖານຄົນໜຶ່ງ ນັ່ງພັກຜ່ອນຫຼັງຈາກໄດ້ເດີນທາງຮອດຄ້າຍຢູ່ນອກເມືອງ Kunduz, ພາກເໜືອຂອງນະຄອນຫຼວງ ກາບູລ, ອັຟການິສຖານ.

ທະຫານບົກ ແຫ່ງຊາດຂອງ ອັຟການິສຖານຄົນໜຶ່ງ ນັ່ງພັກຜ່ອນຫຼັງຈາກໄດ້ເດີນທາງຮອດຄ້າຍຢູ່ນອກເມືອງ Kunduz, ພາກເໜືອຂອງນະຄອນຫຼວງ ກາບູລ, ອັຟການິສຖານ.

ປາກິສຖານ ກຳລັງຈັດການເຈລະຈາ 4 ຝ່າຍໃນວັນຈັນມື້ນີ້ ກ່ຽວ ກັບ ການຟື້ນຟູ ຂະບວນການສັນຕິພາບ ອັຟການິສຖານ. ເຂົ້າຮ່ວມໃນການເຈລະຈາລວມມີ ປະເທດ ອັຟການິສຖານ, ຈີນ ແລະ ສະຫະລັດ.

ທ່ານ Sartaj Aziz ຜູ້ຊີ້ນໍາດ້ານການຕ່າງປະເທດຂອງທ່ານ Nawaz Sharif ນາຍົກລັດຖະມົນຕີ ປາກິສຖານ, ໄດ້ເປັນຄົນກ່າວ ເປີດກອງປະຊຸມແລະເວົ້າວ່າ “ຈຸດປະສົງຕົ້ນຕໍຂອງຂະບວນການປອງດອງກັນແມ່ນເພື່ອສ້າງເງື່ອນໄຂເພື່ອ ນຳເອົາກຸ່ມ ຕາລີບານ ມາໂຕະເຈລະຈາ ແລະ ສະເໜີສິ່ງຈູງໃຈເຊິ່ງສາມາດ ຊັກຈູງໃຫ້ ພວກເຂົາຢູ່ ເຫີນຫ່າງການໃຊ້ຄວາມຮຸນແຮງເປັນເຄື່ອງມື ເພື່ອສະ ແຫວງຫາເປົ້າ ໝາຍທາງດ້ານ ການເມືອງ.”

ການຂະຫຍາຍຕົວຂອງການກໍ່ການຮ້າຍໂດຍພວກ ຕາລີບານ ໃນ ອັຟການິສຖານ ໃນລະ ຫວ່າງປີທີ່ຜ່ານມາ ໄດ້ກໍ່ໃຫ້ເກີດຄວາມເປັນຫ່ວງພາຍໃນ ພາກພື້ນ ແລະ ສາກົນວ່າ ການຕໍ່ສູ້ ໃນລະດູໃບໄມ້ປົ່ງທີ່ໃກ້ຈະມາເຖິງນີ້ ອາດຈະ ນຳໄປສູ່ການນອງເລືອດ ແລະ ຄວາມບໍ່ໝັ້ນຄົງ ໜັກກວ່າເກົ່າ ໃນປະເທດທີ່ຖືກ ທຳລາຍດ້ວຍສົງຄາມນີ້.

XS
SM
MD
LG