ລິ້ງ ສຳຫລັບເຂົ້າຫາ

ກຸ່ມຕາລີບັນ ແນເປົ້າໝາຍ ໃສ່ລົດສະຖານທູດ ເທີກີ ທີ່ຄາບູລ


ເຈົ້າໜ້າທີ່ຮັກສາຄວາມປອດໄພ ເທີກີ ແລະອັຟການິສຖານ ສຳຫລວດເບິ່ງລົດ ທີ່ໄດ້ຮັບຄວາມເສຍຫາຍຈາກການວາງລະເບີດ ສະລະຊີບ ທີ່ຄາບູລ ອັຟການິສຖານ ວັນທີ 26 ກຸມພາ 2015.

ເຈົ້າໜ້າທີ່ຮັກສາຄວາມປອດໄພ ເທີກີ ແລະອັຟການິສຖານ ສຳຫລວດເບິ່ງລົດ ທີ່ໄດ້ຮັບຄວາມເສຍຫາຍຈາກການວາງລະເບີດ ສະລະຊີບ ທີ່ຄາບູລ ອັຟການິສຖານ ວັນທີ 26 ກຸມພາ 2015.

ຜູ້​ວາງ​ລະ​ເບີດ​ສະລະ​ຊີບ​ຕາ​ລີ​ບັນ​ຄົນ​ນຶ່ງ ຂັບ​ລົດ​ທີ່ບັນຈຸ​ວັດຖຸ​
ລະ​ເບີດຂອງ​ຜູ້ກ່ຽວ​ ແລ່ນ​ຕຳ​ຂະບວນລົດ​ຂອງ​ສະຖານທູ​ດ
​ເທີ​ກີ ໃນ​ນະຄອນຫຼວງຂອງ​ອັຟກາ​ນິສຖານ​ໃນ​ເຊົ້າ​ວັນ​ພະຫັດ
​ມື້​ນີ້ ເຮັດ​ໃຫ້​ປະຊາຊົນ​ຢ່າງ​ໜ້ອຍ 2 ຄົນ​ເສຍ​ຊີວິດ.

​ໂຄສົກ​ຕຳຫຼວດ​ທີ່​ນະຄອນຫຼວງ​ຄາ​ບູລ ກ່າວ​ຕໍ່​ວີ​ໂອ​ເອ ວ່າ ຄົນ
ເທີ​ກີ​ຄົນນຶ່ງ​ແມ່ນ​ຮວມຢູ່​ໃນ​ພວກ​ທີ່​ເສຍ​ຊີວິດ​ໃນ​ການ​ໂຈມ​ຕີ​
ຄັ້ງ​ນີ້ ທີ່​ໄດ້​ເກີດ​ຂຶ້ນ​ຢູ່ນອກ​ສະຖານທູດຂອງ​ເທີ​ກີ​ ໃນ​ໃຈກາງ​
ນະຄອນຫຼວງຄາ​ບູລ ບໍ່ໄກ​ຈາກ​ທຳນຽບປະທານາທິບໍດີ​ຂອງ​
ອັຟກາ​ນິສຖານ.

ຮອງ​ລັດຖະມົນຕີ​ກະຊວງ​ພາຍ​ໃນ​ຂອງ​ອັຟກາ​ນິສຖານ ທ່ານ Ayub Salangi ກ່າວ​ຕໍ່​ບັນ
ດາ​ນັກ​ຂ່າວ​ຢູ່ສະຖານ​ທີ່​ເກີດ​ເຫດ​ວ່າ “​ເປົ້າ​ໝາຍຂອງ​ການ​ໂຈມ​ຕີ​ແມ່ນ​ແນ​ໃສ່​ລົດ​
ຂອງ​ສະຖານທູດ​ເທີ​ກີ​.”

ກອງທັບ​ເທີ​ກີ ກ່າວ​ວ່າ ການ​ໂຈມ​ຕີ​ດັ່ງກ່າວ ​ໄດ້​ແນ​ໃສ່​ລົດ​ຄັນ​ນຶ່ງ​ທີ່​ບັນທຸກ​ທີ​ມຮັກ​ສາ​ຄວາມ​ປອດ​ໄພ​ໃຫ້​ແກ່​ທູດ​ເທີ​ກີ ທ່ານ Ismail Aramaz ນັ້ນ.

ກຸ່ມ​ຕາ​ລີ​ບັນ ​ໄດ້​ອ້າ​ງ​ເອົາ​ຄວາມ​ຮັບຜິດຊອບ​ຢ່າງ​ໄວ ​ແຕ່​ກ່າວ​ວ່າ ຕົນໄດ້​ແນ​ເປົ້າ​ໃສ່​ລົດ​ຄຸ້ມກັນ​ທະຫານ​ສະຫະລັດ​ຄັນ​ນຶ່ງ.

ຖະ​ແຫຼ​ງການ​ຂອງ​ກຸ່ມ​ຕາ​ລີ​ບັນ ກ່າວ​ວ່າ “​ເປົ້າ​ໝາຍຂອງ​ການ​ໂຈມ​ຕີ​ໃນມື້​ນີ້​ທີ່ຄາ​ບູລ ​ແມ່ນຂະບວນ​ລົດ​ຄຸ້ມ​ກັນ​ທະຫານ​ສະຫະລັດ​ ສະຖານທູດ ຫຼື​ຄົນ​ຊາດ​ອື່ນໆ​ບໍ່​ໄດ້​ແມ່ນ​ເປົ້າ​ໝາຍ.”

ລາຍງານຂ່າວ​ໂທລະພາບ​ສະ​ແດງ​ໃຫ້​ເຫັນ​ລົດ​ຫຸ້ມເກາະ 2 ຄັນ ທີ່​ໃສ່​ປ້າຍ​ນັກ​ການ​ທູດ​ເທີ​ກີ ​ແລະ​ຄົນ​ນຶ່ງ​ທີ່​ໄດ້​ຮັບ​ບາດ​ເຈັບ​ກຳລັງ​ຫາມ​ອອກ​ຈາກ​ລົດຄັນ​ນຶ່ງ.

ອັນ​ນີ້​ນັບ​ວ່າ​ເປັນ​ການ​ໂຈມ​ຕີ​ຂອງ​ພວກ​ກະບົດເທື່ອ​ທຳ​ອິດ​ທີ່​ຮູ້ຈັກ​ກັນ ທີ່​ໄດ້ແນ​ເປົ້າ​ໝາຍ​ໃສ່ເທີ​ກີ​ ໃນ​ນະຄອນຫຼວງ​ຄາ​ບູລ ​ແລະ​ເປັນ​ເທື່ອ​ທີສອງ​ທີ່ຂະບວນ​ລົດ​ຄຸ້ມ​ກັນ​ຂອງ​ໜ່ວຍ​ປະກອບ​ພາລະກິດ​ທາງ​ການ​ທູດ​ຖືກ​ໂຈມຕີ ​ໂດຍ​ພວກຫົວ​ຮຸນ​ແຮງຕາ​ລີ​ບັນ ​ໃນ​ຫວ່າງ​ບໍ່​ເທົ່າໃດ​ເດືອນ​ຜ່ານ​ມາ​ນີ້.​ ໃນ​ເດືອນ​ພະຈິກ​ກາຍ​ນີ້ ລົດ​ຂອງ​ສະຖານທູດ​ອັງກິດ​ຄັນ​ນຶ່ງກໍ​ໄດ້
​ຖືກ​ໂຈມ​ຕີ​ໂດຍ​ຜູ້​ວາງ​ລະ​ເບີດ​ສະລະ​ຊີບ.

XS
SM
MD
LG