ຜູ້ນຳກະບົດ ທາລິບານ ໃນອັຟການິຖານ ໄດ້ເຫັນພ້ອມການ
ເຈລະຈາທາງດ້ານການເມືອງ ກັບ ລັດຖະບານ Kabul ແລະ
ບັນດາປະເທດຕ່າງໆ ເພື່ອຊອກຫາຊ່ອງທາງ ໃຫ້ສົງຄາມທີ່
ດຳເນີນມາເປັນເວລາ 14 ປີ ສີ້ນສຸດລົງດ້ວຍຄວາມສັນຕິ.
ຜູ້ນຳທາລິບານ Mullah Omar ໄດ້ກ່າວໃນຄຳອວຍພອນ
ປະຈຳປີ ເນື່ອງໃນ ໂອກາດວັນບຸນ Eid ໂດຍໃຫ້ເຫດຜົນ
ກ່ຽວກັບການເຮັດສົງຄາມ ຂອງກຸ່ມດັ່ງ ກ່າວໃນອັຟການິສ
ຖານ ແຕ່ວ່າ ຖະແຫລງການໃນວັນພຸດມື້ນີ້ ໄດ້ສະເໜີໃຫ້
ເຫັນແບບບໍ່ເຄີຍມີມາກ່ອນ ໂດຍການກ່າວປ້ອງກັນ ການ
ພົວພັນຫວ່າງມໍໆມານີ້ກັບຄະນະເຈລະຈາອັຟການິສຖານ
ແລະຊາວຕ່າງປະເທດ.
ຜູ້ນຳທາລິບານ ທີ່ຢູ່ຢ່າງໂດດດ່ຽວ ກ່າວວ່າ ການເຈລະຈາເປັນຍຸດທະສາດ ທີ່ ຖືກຕ້ອງ
ທາງສາສະໜາ ທີ່ແນໃສ່ການຂັບໄລ່ທະຫານຕ່າງປະເທດອອກຈາກ ອັຟການິສຖານ
ແລະສະຖາປະນາລັດອິສລາມ “ທີ່ຂາວສະອາດ” ໃນປະເທດ ດັ່ງກ່າວ.
ທ່ານ Omar ກ່າວວ່າ “ເພາະສະນັ້ນ ຈຸດປະສົງຢູ່ເບຶ້ອງຫລັງການເມືອງຂອງພວກເຮົາ
ຕະຫລອດທັງພະຍາຍາມບາກບັ່ນ ພ້ອມທັງຕິດຕໍ່ ແລະມີປະ ຕິກິລິຍາກັບ ບັນດາປະ
ເທດຕ່າງໆຂອງໂລກ ແລະຊາວອັຟການຂອງພວກເຮົາ ແມ່ນເພື່ອນຳມາ ຊຶ່ງການສີ້ນສຸດ
ໃນການຢຶດຄອງ ແລະສະຖາປະນາ ລະບົບການປົກຄອງສາສະໜາອິສລາມທີ່ເປັນເອກ
ກະລາດຂຶ້ນໃນປະເທດຂອງພວກເຮົາ.”
ໃນການໃຫ້ຄວາມເຫັນທີ່ປາກົດວ່າ ໄດ້ແນໃສ່ການແກ້ໄຂຄວາມເປັນຫ່ວງ ໂດຍສະເພາະ ກ່ຽວກັບເລື້ອງ ສິດທິຜູ້ຍິງ ແລະສິດທິຂອງພວກຊົນກຸ່ມນ້ອຍນັ້ນ ທ່ານຍັງກ່າວວ່າ “ພວກ
ເຮົາຮັບຮູ້ຢ່າງເປັນທາງການ ສິດທິຢ່າງຖືກຕ້ອງຊອບທຳ ຂອງຊາວອັຟການທັງໝົດ ຮວມ ທັງບັນດາຊົນກຸ່ມນ້ອຍ ວ່າເປັນໜ້າທີ່ທາງສາສະໜາ ຂອງພວກເຮົາ.”