ລິ້ງ ສຳຫລັບເຂົ້າຫາ

ໄຕ້ຫວັນ ຊອກຫາ ຕະຫຼາດ ລາຍຍ່ອຍ ໃນເງົາມືດ ຂອງ ຈີນ


ໃນ​ຂະນະ​ທີ່ອິດ​ທິພົນ​ຂອງ​ເສດຖະກິດ​ ຈີນ ຂະຫຍາຍຕົວ​ຂຶ້ນ, ​ບັນດາ​ປະ​ເທດ​ທີ່ຢູ່ໃກ້​ຄຽງແມ່ນກຳລັງ​ປະ​ເຊີນ​ໜ້າ​ກັບສິ່ງທ້າທາຍ​ຫຼາ​ຍຢ່າງ ໃນຂະນະພວກ​ເຂົາ​ຕໍ່ສູ້​ ເພື່ອ​ຮັກສາ​ຄວາ​ມສາມາດ​ໃນ​ການແຂ່ງ​ຂັນ. ເສ​ດຖະກິດ​ຂອງ ໄຕ້​ຫວັນ ກໍ​ຄື​ກັບ​ຫຼາຍ​ປະ​ເທດ​ອື່ນໆ​ຢູ່​ໃນ​ພາກ​ພື້ນໄດ້​ຮັບຜົນ​ກະທົບ​ຢ່າງ​ແຮງເມື່ອ ​2 ຫາ 3 ປີ​ທີ່​ຜ່ານ​ມາ ​ແລະສິ່ງ​ທີ່ເອີ້ນ​ວ່າ ກຸ່ມ​ອຸປະກອນ ລ້ຳ​ຍຸກ ​ອັນ​ເປັນ​ທີ່​ນິຍົມ​ກັນ​ສ່ວນ​ໃຫຍ່ ຫຼື​ວ່າ Red Supply Chain ​ໄດ້​ເຮັດ​ໃຫ້​ຄວາມ​ສາ ມາດ ​ແລະ​ໂອກາດ​ໄດ້​ຮັບ​ຄວາມ​ສູນ​ເສຍ. ​ແຕ່​ແມ່ນ​ກະທັ້ງ​ແນວ​ນັ້ນ, ບາງ​ຄົນ​ກໍ​ຍັງ​ຊອກ​ຫາ​ວິທີ​ເພື່ອ​ສ້າງຊື່ສຽງສຳລັບ​ຕະຫຼາດ​ລາຍ​ຍ່ອຍ ​ແລະ ​ເຕີບ​ໂຕ​ເຖິງ​ແມ່ນ​ວ່າ​ຈະ​ຢູ່ໃນ​ເງົາ​ມືດ​ຂອງ​ ຈີນ​ ກໍ​ຕາມ. ນັກ​ຂ່າວວີ​ໂອ​ເອ Bill Ide ມີ​ລາຍ​ງານ​ຈາກ ​ໄຕ້​ຫວັນ ​ເຊິ່ງ ພຸດທະ​ສອນ ຈະ​ນຳ​ລາຍ​ລະອຽດ​ມາສະ​ເໜີ​ທ່ານ.

ຄອບຄົວ​ຂອງ​ທ່ານ Hou Chau-pai ​ໄດ້​ປູກ​ໝາກ​ຖົ່ວ Edamame ຫຼື ໝາກ​ຖົ່ວ​ເຫຼືອງມີ ຂົນ​ໃນ​ພາກ​ໃຕ້​ຂອງ ໄຕ້​ຫວັນມາ​ຫຼາຍ​ທົດສະ​ວັດ​ແລ້ວ.

ການ​ແຂ່ງຂັນ​ທີ່​ຮຸນ​ແຮງ​ຈາກ ຈີນ ​ໃນ​ຈຸດໜຶ່ງ​ໄດ້​ຕັດການ​ສົ່ງ​ອອກຂອງ ໝາກຖົ່ວ​ທີ່​ມີ​ລົດ​ຊາດແຊບ​ນີ້ຂອງ ​ໄຕ້​ຫວັນ ​ໄປ ຍີ​ປຸ່ນ ລົງເປັນ​ເຄິ່ງ ໜຶ່ງ, ​ແຕ່​ວ່າຕອນ​ນີ້ ​ໄຕ້​ຫວັນ ​ໄດ້​ຍຶດຄືນ​ຕຳ​ແໜ່​ງຂອງ​ຕົນ ​ໃນ​ຖານະ ຂອງ​ຜູ້ນຳ​ໜ້າການ​ຈຳໜ່າຍ. ທ່ານ Hou ກ່າວ​ວ່າ ມັນ​ຍາກ​ຫຼາຍ​ທີ່​ຈະ​ແຂ່ງຂັນ​ກັບ​ຈີນ, ​ແຕ່​ວ່າ​ເ​ພື່ອນບ້ານຂະໜາດໃຫຍ່​ຂອງ ​ໄ​ຕ້ຫວັນ​ ກໍ​ມີ​ຈຸດ​ບອດ ເຊັ່ນກັນ.

ທ່ານ Hou Chau Pai ກ່າວ​ວ່າ “ຫຼາຍ​ຄົນໃນ​ ຈີນ ຄິດ​ວ່າຍ້ອນ​ພຽງ​ແຕ່ ຈີນ ​ເປັນ​ປະ​ເທດ​ທີ່​ໃຫຍ່ ທຸກ​ສິ່ງ​ທີ່​ພວກ​ເຂົາ​ຕ້ອງ​ເຮັດ​ແມ່ນ​ຕອບ​ສະໜອງ​ຄວາມ​ຕ້ອງກາ​ນພາຍ​ໃນ​ປະ​ເທດ​ເທົ່າ​ນັ້ນ. ຄວາມ​ຄິດ​ເຫັນ ສ່ວນ​ໜ້ອ​ຍສຳລັບ​ການ​ເປີດ​ຊ່ອງ​ທາງ​ໃໝ່ ຫຼື ຕະຫຼາດ ຫຼື ປັບປຸງ​ຄຸນ​ນະພາບ​ຂອງຜະລິດ​ຕະພັນ ​ເພາະວ່າ ຄົນ​ສ່ວນ​ໜ້ອຍ​ເຫັນ​ການ​ກະສິກຳ​ເປັນ​ດັ່ງ​ກັບ​ໂອກາດການ​ລົງທຶນ​ໃນ ຈີນ.”

ສຳລັບ​ຊາວສວນດັ່ງ​ທ່ານ Hou, ການ​ສະໜັບສະໜູນ​ຂອງ​ລັດຖະບານ ​ແລະ ຄວາມ​ພະຍາ ຍາມ​ຢ່າງຕໍ່​ເນື່ອງໃນ​ການ​ໃຊ້​ເຄື່ອງ​ຈັກ ​ເພື່ອ​ເພີ່ມ​ຜົນ​ຜະລິດ ​ແລະ ການ​ຜະລິດ​ໝາກ​ຖົ່ວ​ເຫຼືອງ​ແບບໃໝ່​ແມ່ນ​ມີ​ຄວາມ​ສຳຄັນ​ຫຼາຍ.

ທ່ານ Chou Kuo-lung ນັກ​ຄົ້ນ​ຄວ້າ​ລັດຖະບານ ​ຈາກ​ສະພາ​ກະສິ ກຳໄຕ້​ຫວັນ ກ່າວ​ວ່າ ນະວັດຕະກຳໃໝ່​ ໄດ້ຊ່ວຍໃຫ້ຜູ້​ປູກ​ໝາກ​ຖົ່ວ Edamame ຂອງໄຕ້​ຫວັນ ຈາກ​ການ​ຖືກ​ກວາດ​ລ້​າງໄປ.

ທ່ານ Chou Kuo-Lung ນັກ​ຄົ້ນຄວ້າ​ໝາກ​ຖົ່ວ Edamame ກ່າວວ່າ “ພວກເຮົາບໍ່ໄດ້ ຢ້ານໃນການແຂ່ງຂັນກັບ ຈີນ. ສິ່ງທີ່ພວກ ເຮົາຢ້ານທີ່ສຸດແມ່ນ ພວກເຮົາບໍ່ມີ ຄວາມກ້າວໜ້າ ແລະ ຕິດຄ້າງຢູ່ກັບສະພາບທີ່ເຄີຍເຮັດມາແຕ່ກ່ອນ.”

ການກະສິກຳບໍ່ແມ່ນພາກສ່ວນດຽວທີ່ບັນດາບໍລິສັດໄດ້ໃຊ້ນະວັດຕະກຳໃໝ່ເພື່ອສ້າງຕະ ຫຼາດລາຍຍ່ອຍ ແລະ ຫຼີກລ່ຽງການແຂ່ງຂັນໃນ ຜະລິດຕະພັນທີ່ມີມາດຕະຖານສູງ, ໃນຂົງ ເຂດທີ່ ຈີນ ມີຄວາມໄດ້ ປຽບ.

ທ່ານ Liang Kuo Yuan ຈາກສະຖາບັນການຄົ້ນຄວ້າ Yuanta Polaris ກ່າວວ່າ ຕະຫຼາດລາຍຍ່ອຍຂອງ ໄຕ້ຫວັນ ຄວນເອົາໃຈ ໃສ່ໃນຜະລິດຕະພັນດ້ວຍປະລິມານທີ່ ນ້ອຍ, ແຕ່ມີຄວາມຫຼາກຫຼາຍ ແລະ ສາມາດປັບປ່ຽນໃຫ້ຖືກໃຈຜູ້ຊື້ໄດ້.

ຕົວຢ່າງໜຶ່ງກໍແມ່ນບໍລິສັດ Gogoro, ບໍລິສັດຜະລິດລົດຈັກສະກູດເຕີໄຟຟ້າ ທີ່ອະດີດຜູ້ ບໍລິຫານ ບໍລິສັດໂທລະສັບມືຖື HTC ໄດ້ນຳອອກ ຈຳໜ່າຍ. ລົດດັ່ງກ່າວໄດ້ສະກິດຄວາມ ກ້າຫານໃນການຜະລິດຂອງ ໄຕ້ຫວັນ ແລະ ຄວາມຊ່ຽວຊານໃນການໃຊ້ເທັກໂນໂລຈີຂັ້ນ ສູງ ແລະ ບໍ່ເໝືອນກັບລົດສະກູດເຕີໄຟຟ້າສ່ວນໃຫຍ່, ໝໍ້ໄຟຂອງມັນສາມາດປ່ຽນໄດ້ຢູ່ສູນ ສາກໄຟຂອງມັນ.

ລັດຖະບານຂອງທ້ອງຖິ່ນ ໄດ້ສະເໜີເງິນສະໜັບສະໜູນໃຫ້ກັບຜູ້ທີ່ຊື້ ລົດດັ່ງກ່າວນັ້ນ, ແຕ່ ວ່າຈະໄວຊ່ຳໃດ ທີ່ມັນຈະໄດ້ຮັບຄວາມນິຍົມຊົມ ຊອບນັ້ນແມ່ນຍັງບໍ່ທັນຊັດເຈນເທື່ອ. ສຳ ລັບຕອນນີ້, ຄວັນ ແລະສຽງ ຂອງລົດ ແມ່ນເບິ່ງຄືວ່າ ຈະຍັງເປັນມາດຕະຖານຄືເກົ່າຢູ່ ແຕ່ ວ່າຜູ້ບໍລິຫານງານຂອງບໍລິສັດ ຫວັງວ່າໃນທີ່ສຸດກໍຈະສາມາດວາງຂາຍໃນ ຕະຫຼາດຕ່າງ ປະເທດເຊັ່ນກັນ.

ສະແດງຄວາມເຫັນໃຫ້ເບິ່ງ

XS
SM
MD
LG