ບັນດາພະນັກງານກູ້ໄພ ໃນໄຕ້ຫວັນ ໄດ້ກອບກູ້ເອົາສົບ ທັງໝົດ
ຂອງຜູ້ທີ່ໄດ້ຮັບເຄາະຮ້າຍ ຈາກເຫດແຜ່ນດິນໄຫວ ເມື່ອບໍ່ດົນ
ມານີ້ ອອກມາໄດ້ໝົດແລ້ວ.
ສົບຄົນສຸດທ້າຍແມ່ນໄດ້ຖືກນຳອອກມາໃນວັນເສົາວານນີ້
ຈາກຕຶກຫ້ອງເຊົ່າ 17 ຊັ້ນທີ່ໄດ້ພັງລົງຈົນລຽບໃນເມືອງ
Tainan, ເຊິ່ງເປັນເມືອງທີ່ມີຜູ້ອາໄສຢູ່ 2 ລ້ານຄົນ.
ບັນດາເຈົ້າໜ້າທີ່ກ່າວວ່າ 116 ຄົນໄດ້ເສຍຊີວິດໃນເຫດແຜ່ນ
ດິນໄຫວທີ່ມີຄວາມແຮງ 6 ຈຸດ 4 ນີ້. ເຊິ່ງຄົນສ່ວນໃຫຍ່ໄດ້ເສຍ
ຊີວິດໃນຕຶກຫ້ອງເຊົ່າ Wei-guan ທີ່ໄດ້ພັງລົງມານັ້ນ. ບໍລິສັດ
ພັດທະນາຕຶກອາຄານ ແລະ ຜູ້ຊາຍອີກສອງຄົນ ທີ່ກ່ຽວຂ້ອງກັບການສ້າງໂຄງຮ່າງ ຂອງ
ຕຶກແມ່ນໄດ້ຖືກຈັບກຸມ ກ່ຽວກັບຄວາມສົງໄສໃນການຄາດຕະກຳຖານປະໝາດເລິ້ນເລີ້.
