ນາຍພົນໄຕ້ຫວັນ ຜູ້ທີ່ໄດ້ຂາຍຄວາມລັບ ໃຫ້ກັບສາຍລັບແມ່ຍິງຈີນຄົນນຶ່ງນັ້ນ ໄດ້ຖືກ
ຕັດສິນໂທດ ຈໍາຄຸກຕະຫຼອດຊີວິດ ໃນຖານເປັນສອດແນມ.
ເຈົ້າໜ້າທີ່ກ່າວວ່າ ພົນຕີ Lo Hsien-che ສາມາດຂໍອຸທອນໄດ້ຕໍ່ຄໍາຕັດສິນໂທດດັ່ງ
ກ່າວ ທີ່ມີຂຶ້ນໃນວັນຈັນມື້ນີ້.
ລາຍງານຂ່າວກ່າວວ່າ ທ່ານ Lo ໄດ້ຖືກດຶງດູດໃຫ້ໄປຕິດບ່ວງຄາລົມຫວານຂອງສາຍລັບ
ຜູ້ຍິງຈີນຄົນນຶ່ງ ຊໍ້າແລ້ວຊໍ້າອີກ ຂະນະທີ່ທ່ານປະຈໍາການຢູ່ໃນປະເທດໄທ ໃນປີ 2002
-2005. ກະຊວງປ້ອງກັນປະເທດກ່າວວ່າ ທ່ານ Lo ໄດ້ສົ່ງຂໍ້ມູນທີ່ຫຼໍ່ແຫຼມສໍາຄັນຕ່າງໆ
ໃຫ້ຜູ້ກ່ຽວ ເພື່ອແລກປ່ຽນກັບສິນບົນ 5 ຄັ້ງດ້ວຍກັນ.
ທາງກະຊວງປ້ອງກັນປະເທດ ບໍ່ໄດ້ໃຫ້ລາຍລະອຽດກ່ຽວກັບຂໍ້ມູນລັບ ທີ່ທ່ານ Lo ໄດ້
ມອບໃຫ້ສາຍລັບນັ້ນ. ແຕ່ ທ່ານ Lo ໄດ້ດໍາລົງຕໍາແໜ່ງເປັນຫົວໜ້າພະແນກໂທລະຄົມ
ມະນາຄົມແລະຂໍ້ມູນອີເລັກໂທຣນິກຂອງກອງທັບ ແລະທ່ານສາມາດເຂົ້າເຖິງຂໍ້ມູນທີ່ຫຼໍ່
ແຫຼມ ກ່ຽວກັບລະບົບອາວຸດຕ່າງໆນັ້ນ.