ລິ້ງ ສຳຫລັບເຂົ້າຫາ

ໄຕ້ຫວັນ ທໍາການ ຊ້ອມລົບຄັ້ງໃຫຍ່ (ສະໄລດ໌/ວີດີໂອ )


ການ​ຝຶກຊ້ອມປະ​ຈໍາປີ​ຢູ່​​ໃນ​ຊ່ອງ​ແຄບ​ໄຕ້​ຫວັນ ​ແມ່ນ​ໂຮມ​ທັງ
​ການ​ທົດ​ລອງຍິງ ຈະ​ຫລວດ ລຸ່ນ Thundbolt​-2000 ຫລາຍໆ​
ລູກ​ພ້ອມ​ກັນ ​

ການ​ຝຶກຊ້ອມປະ​ຈໍາປີ​ຢູ່​​ໃນ​ຊ່ອງ​ແຄບ​ໄຕ້​ຫວັນ ​ແມ່ນ​ໂຮມ​ທັງ ​ການ​ທົດ​ລອງຍິງ ຈະ​ຫລວດ ລຸ່ນ Thundbolt​-2000 ຫລາຍໆ​ ລູກ​ພ້ອມ​ກັນ ​

ໄຕ້​ຫວັນ ​ໄດ້​ເລີ້ມທໍາ​ການຊ້ອມ​ລົບຄັ້ງ​ໃຫຍ່​ ເປັນ​ເວລາ​ຫ້າ​ມື້
ທີ່​ມີຈຸດປະສົງ ສະ​ແດງ​ໃຫ້​ເຫັນ​ຄວາມ​ສາມາດ ​ໃນ​ການ​ປ້ອງ​
ກັນ​ຕົນ​ເອງ ຕ້ານ​ການໂຈມ​ຕີ​ໃດໆ ຈາກ ຈີນ​ແຜ່ນດິນ​ໃຫຍ່.

ການ​ຝຶກຊ້ອມປະ​ຈໍາປີ​ຢູ່ໃນ​ຊ່ອງ​ແຄບ​ໄຕ້​ຫວັນ ​ແມ່ນ​ໂຮມ​ທັງ
​ການ​ທົດ​ລອງຍິງ ຈະ​ຫລວດ ລຸ່ນ Thundbolt​-2000 ຫລາຍໆ​
ລູກ​ພ້ອມ​ກັນ ​ທີ່​ມີ​ເປົ້າ​ໝາຍເພື່ອ ກໍາຈັດ​ເຮືອ​ຂອງ​ສັດຕູ ກ່ອນ​
ມັນ​ຈະ​ເຂົ້າ​ມາ​ເຖິງແຄມ​ຝັ່ງ. ບັນດາ​ລົດ​ຖັງ ປືນ​ໃຫຍ່ ​ແລະ​ເຮືອ
ບິນ​ເຮ​ລີ​ຄອບ​ເຕີໂຈມ​ຕີ ​ກໍໄດ້​ເຝິກຊ້ອມ​ຍິງ​ຖະຫລົ່ມ​ໃສ່​ເປົ້າ​
ໝາຍຕ່າງໆ​ ຢູ່​ໃນທະ​ເລ.


ປະທາ​ນາ​ທິບໍດີ Ma Ying-jeou ຜູ້ທີ່​ສົ່ງ​ເສີມ​ໃຫ້​ມີ​ການ​ສ້າງ​ຄວາມສໍາພັນ​ ທີ່​ອົບ​ອຸ່ນ​ຂື້ນ ກັບ​ກຸ​ງປັກ​ກິ່ງ ​ໄດ້ໄປ​ສັງ​ເກດ​ການດ້ວຍ​ຕົນ​ເອງ ​ເບິ່ງ​ການ​ຊ້ອມ​ລົບ​ທີ່ໃຊ້​ລູກປືນ​ແທ້ນັ້ນ. ​
ໃນ​ການກ່າວ​ຕໍ່​ບັນດາ​ທະ​ຫານ​ກ່ອນໄຂ​ການ​ຊ້ອມ​ລົບ​ນັ້ນ ທ່ານ​ເວົ້າ​ວ່າ ການ​ຝຶກ​ຊ້ອມ​
ແມ່ນ​ເພື່ອ​ເປັນ​ການເຕືອນ​ຄວາມ​ຊົງຈໍາ​ ກ່ຽວ​ກັບ​ໄພ​ຂົ່ມຂູ່ຂອງ​ຈີນ ທີ່​ກໍາລັງ​ໂຜ່​ໂຕ​ຂື້ນ​ມາ​ຢ່າງ​ໄວວາ​ນັ້ນ.

ທ່ານ ມາ ຍິ່ງ ຈິ​ວ ກ່າວ​ວ່າ “​ເສດຖະກິດ​ຂອງ​ຈີນ ​ໄດ້ເຕີບ​ໂຕ​ຂື້ນຢ່າງ​ວ່ອງ​ໄວ​ໃນບໍ່​ເທົ່າ​
ໃດ​ປີ​ທີ່​ຜ່ານ​ມາ ​ແລະ​ເຂົາ​ເຈົ້າ​ກໍໄດ້​ພາກັນ​ປັບປຸງ​ກໍາລັງ​ທະຫານ​ຢ່າງ​ບໍ່​ຢຸດ​ຢັ້ງ. ​
ເພາະສະ​ນັ້ນ ພວກ​ເຮົາກໍ​ຕ້ອງເສີມ​ສ້າງກໍາລັງ​ປ້ອງ​ກັນ​ຂອງ​ພວກ​ເຮົາ ​ໃຫ້​ເຂ້​ມ​ແຂງ​
ຂຶ້ນ ເພື່ອ​ປ້ອງ​ກັນໄພ​ຂົ່ມຂູ່​ຈາກຈີນ ​ແລະ​ເພື່ອ​ຮັກສາ​ສັນຕິພາບ ​ແລະ​ສະຖຽນ​ລະ​ພາບ​ ລະ​ຫວ່າງ ​ໄຕ້​ຫວັນ ​ແລະ​ຈີນ ນັ້ນ​ໄວ້.”


ການ​ຊ້ອມ​ລົບຄັ້ງ​ນີ້ ທີ່ຮວມ​ທັງ ກອງທັບອາກາດ​ ກອງທັບ​ບົກ ​ແລະ​ກອງທັບ​ເຮືອ ຂອງ
ໄຕ້​ຫວັນ ​ແມ່ນ​ເປັນ​ຄັ້ງທີ່​ໃຫຍ່​ສຸດ ນັບ​ແຕ່​ໃນ​ປີ 2008 ມາ. ​ການ​ຊ້ອມ​ລົບ​ມີຂື້ນ​ທີ່ໝູ່​ເກາະ
Penghu ທີ່​ຕັ້ງ​ຢູ່​ລະຫວ່າງເຄິ່ງກາງ ຈີນແຜ່ນດິນ​ໃຫຍ່ ​ແລະເກາະ​ໄຕ້​ຫວັນ ​ແລະມີ​ຂື້ນ​
ພຽງ​ແຕ່​ນຶ່ງ​ມື້​ ຫລັງ​ຈາກຈີນໄດ້​ເຜີ​ຍ​ແຜ່​ ລາຍ​ງານປະ​ຈໍາປີຂອງ​ຕົນກ່ຽວ​ກັບ​ການ​ປ້ອງ​ກັນ
ຫລືທີ່​ເອີ້ນ​ວ່າ ສະມຸດ​ປົກ​ຂາວ ຊຶ່ງຮ້ອງ​ຄວາ​ມເປັນ​ເອກ​ກະລາດ​ຂອງໄຕ້​ຫວັນ ວ່າ “​ເປັນ
ໄພ​ຂົ່ມຂູ່​ໃຫຍ່​ທີ່​ສຸດ​ ຕໍ່ການ​ພັດທະນາຄວາມ​ສໍາພັນ​ທີ່​ສັນຕິ ຂ້າມຊ່ອງ​ແຄ​ບ​ໄຕ້​ຫວັນ​ນັ້ນ.”

XS
SM
MD
LG