ລິ້ງ ສຳຫລັບເຂົ້າຫາ

ກຸ່ມຕໍ່​ຕ້ານ ຊີເຣຍ ປະກາດ​ ການເສຍຊີວິດ ຂອງ ຜູ້ບັງຄັບບັນຊາ


ແຜນ​ທີ່ ຊີ​ເຣຍ
ພວກ​ກະບົດຊີ​ເຣຍກ່າວ​ວ່າ ຜູ້​ບັງຄັບ​ບັນຊາ ທີ່​ມີ​ຊື່​ສຽງ​ຄົນ​ນຶ່ງໄດ້​
ເສຍ​ຊີ​ວິດຫລັງ​ຈາກ​ໄດ້​ຮັບ​ບາດ​ເຈັບ​ອາທິດ​ແລ້ວ​ນີ້ຢູ່​ທີ່​ບ່ອນ​ລົບ
​ເລວ​ກັນ​ໜັກ​ທີ່ເມືອງ Aleppo​ ທາງພາກ​ເໜືອ.

ທ່ານ Abdul-Qadir Saleh ເປັນ​ຜູ້​ບັນຊາ​ການທະຫານ ອິສລາມ
al-Tawhid ທີ່​ຖືກໄດ້​ປະກາດວ່າເສຍ​ຊີວິດ​ ​ໃນ​ວັນ​ຈັນ​ມື້​ນີ້.

ທ່ານ ​ໄດ້​ຖືກ​ນໍາ​ໄປ​ໂຮງໝໍ ​ໃນ​ເຕີກກີ ພາຍຫຼັງ​ການ​ໂຈ​ມຕີ​ ກຸ່ມ
ຜູ້ນໍາໂດຍ​ກໍາລັງ​ຊີ​ເຣຍ​ ໃນວັນ​ພະຫັດ​ແລ້ວ​ນີ້ ທີ່​ໄດ້​ສັງຫານ​ຜູ້​ບັນ
ຊາ​ການ​ອີກ​ນຶ່ງ​ຄົນ. ຄາດ​ວ່າ​ກຸ່ມ​ດັ່ງກ່າວ​ ມີ​ນັກ​ລົບ​ຢ່າງໜ້ອຍ 8
ພັນ​ຄົນ.

ທະຫານຂອງ ປະທານ​າທິບໍດີ Bashar al-Assad ​ໄດ້​ທໍາ​ຄວາມ
​ຄືບ​ໜ້າ​ຫວ່າງ​ມໍໆ​ມານີ້ທີ່​ເມືອງ Aleppo ທີ່​ເປັນ​ເມຶ​ອງ​ໃຫຍ່​ສຸດ​
ຂອງ​ປະ​ເທດ.

ພ້ອມດຽວ​ກັນ​ໃນວັນ​ຈັນມື້​ນີ້ ຮອງ​ອະທິບໍດີ ກະຊວງ​ການ​ຕ່າງປະ​ເທດ ຊີ​ເຣຍ ທ່ານ Fasal Mekdad ກໍາລັງ​ນໍາພາ​ຄະນະ​ຜູ້​ແທນ ​ໄປ​ເຈລະຈາ​ທີ່ ກຸງ​ມົສກູ ກັບ ກະຊວງ​ການ ຕ່າງປະ​ເທດ ຣັດ​ເຊຍ ກ່ຽວ​ກັບ​ແຜນ​ການ​ປະຊຸມ​ສັນຕິ​ພາບຂອງ​ຊິ​ເຣຍ.
XS
SM
MD
LG