ກຸ່ມແນວໂຮມຝ່າຍຄ້ານແຫ່ງຊາດຊີເຣຍ ໄດ້ປະກາດແຜນທີ່
ຈະສ້າງຕັ້ງ ລັດຖະບານຊົ່ວຄາວຂຶ້ນ ຢູ່ໃນເຂດທີ່ພວກກະບົດ
ຍຶດໄດ້ ໃນປະເທດດັ່ງ ກ່າວ.
ໂຄສົກຂອງພວກຝ່າຍຄ້ານຄົນນຶ່ງໄດ້ປະກາດໃນວັນສຸກວານ
ນີ້ຫຼັງຈາກ ການປະຊຸມທີ່ກຸງໄຄໂຣ ກ່ຽວກັບວ່າຈະເປີດການ
ເຈລະຈາສະຫງົບເສິກ ກັບລັດຖະບານປະທານາທິບໍດີ Bashar al-Assad ຫຼືບໍ່.
ໂຄສົກກ່າວວ່າ ແນວໂຮມຝ່າຍຄ້ານແຫ່ງຊາດຈະພົບປະກັນທີ່ນະຄອນ Istanbul ໃນວັນທີ 2 ເດືອນມີນານີ້ເພື່ອຄັດເລືອກນາຍົກລັດຖະມົນຕີ.
ທ່ານ Assad ຍັງບໍ່ທັນໄດ້ໃຫ້ຄວາມເຫັນໃດໆ ກ່ຽວກັບການປະກາດ ທີ່ວ່ານີ້ ໃນຂະນະທີ່ຄວາມຮຸນແຮງຍັງສືບຕໍ່ແຜ່ຂະຫຍາຍຢູ່ໃນປະເທດ ດັ່ງກ່າວ.
ກຸ່ມສີ້ງຊອມສິດທິມະນຸດໃນຊີເຣຍກ່າວວ່າ ຢ່າງໜ້ອຍ 12 ຄົນໄດ້ເສຍຊີວິດ ແລະອີກຫລາຍສິບຄົນໄດ້ຮັບບາດເຈັບໃນວັນສຸກວານນີ້ ໃນການຍິງລູກສອນໄຟໂຈມຕີ ທີ່ເມືອງ Aleppo ໃນພາກເໜືອຂອງປະເທດ. ຈໍານວນຜູ້ເສຍຊີວິດຄາດວ່າຈະມີເພີ້ມຂື້ນ ຊຶ່ງຫລາຍໆຄົນຍັງເຊື່ອວ່າ ຖືກທັບຖົມຢູ່ກ້ອງຕຶກອາຄານທີ່ເພພັງລົງມານັ້ນ.
ໃນມື້ວັນສຸກ ທູດພິເສດນາໆຊາດ ທ່ານ Lahkdar Brahimi ປະນາມ ການໂຈມຕີດ້ວຍລະເບີດໃນວັນພະຫັດວ່ານນີ້ ທີ່ນະຄອນຫລວງຊີເຣຍ ຊຶ່ງໄດ້ສັງຫານຫລາຍກວ່າ 100 ຄົນ ໂດຍກ່າວວ່າ ການໂຈມຕີທີ່ວ່ານີ້ແມ່ນເທົ່າໆກັບເປັນການກໍ່ “ອາຊະຍາກໍາສົງຄາມ.”
ໂຕເລກຜູ້ເສຍຊີວິດທີ່ທ່ານ Brahimi ເວົ້າເຖິງນັ້ນ ແມ່ນສູງກວ່າ 60 ຄົນ ທີ່ລາຍງານກ່ອນໜ້ານີ້ໂດຍກຸ່ມສີ້ງຊອມສິດທິມະນຸດໃນຊີເຣຍ. ລະເບີດໄດ້ແຕກຂື້ນໃນກຸງ Damuscas ໃກ້
ກັບສຳນັກງານໃຫຍ່ຂອງພັກ Ba’ath ຊຶ່ງເປັນພັກລັດຖະບານທີ່ປົກຄອງປະເທດຢູ່ໃນ
ເວລານີ້ ທີ່ຕັ້ງຢູ່ໃນເຂດທີ່ມີປະຊາກອນອາໄສຢູ່ຢ່າງໜາແໜ້ນໃກ້ກັບຄຸ້ມ al-Mazraa
ມີລາຍງານວ່າ ຜູ້ເຄາະຮ້າຍສ່ວນຫຼາຍແມ່ນພົນລະເຮືອນຮວມທັງພວກ ເດັກນ້ອຍຈາກ
ໂຮງຮຽນແຫ່ງນຶ່ງທີ່ຕັ້ງຢູ່ໃກ້ໆນັ້ນ.
ຈະສ້າງຕັ້ງ ລັດຖະບານຊົ່ວຄາວຂຶ້ນ ຢູ່ໃນເຂດທີ່ພວກກະບົດ
ຍຶດໄດ້ ໃນປະເທດດັ່ງ ກ່າວ.
ໂຄສົກຂອງພວກຝ່າຍຄ້ານຄົນນຶ່ງໄດ້ປະກາດໃນວັນສຸກວານ
ນີ້ຫຼັງຈາກ ການປະຊຸມທີ່ກຸງໄຄໂຣ ກ່ຽວກັບວ່າຈະເປີດການ
ເຈລະຈາສະຫງົບເສິກ ກັບລັດຖະບານປະທານາທິບໍດີ Bashar al-Assad ຫຼືບໍ່.
ໂຄສົກກ່າວວ່າ ແນວໂຮມຝ່າຍຄ້ານແຫ່ງຊາດຈະພົບປະກັນທີ່ນະຄອນ Istanbul ໃນວັນທີ 2 ເດືອນມີນານີ້ເພື່ອຄັດເລືອກນາຍົກລັດຖະມົນຕີ.
ທ່ານ Assad ຍັງບໍ່ທັນໄດ້ໃຫ້ຄວາມເຫັນໃດໆ ກ່ຽວກັບການປະກາດ ທີ່ວ່ານີ້ ໃນຂະນະທີ່ຄວາມຮຸນແຮງຍັງສືບຕໍ່ແຜ່ຂະຫຍາຍຢູ່ໃນປະເທດ ດັ່ງກ່າວ.
ກຸ່ມສີ້ງຊອມສິດທິມະນຸດໃນຊີເຣຍກ່າວວ່າ ຢ່າງໜ້ອຍ 12 ຄົນໄດ້ເສຍຊີວິດ ແລະອີກຫລາຍສິບຄົນໄດ້ຮັບບາດເຈັບໃນວັນສຸກວານນີ້ ໃນການຍິງລູກສອນໄຟໂຈມຕີ ທີ່ເມືອງ Aleppo ໃນພາກເໜືອຂອງປະເທດ. ຈໍານວນຜູ້ເສຍຊີວິດຄາດວ່າຈະມີເພີ້ມຂື້ນ ຊຶ່ງຫລາຍໆຄົນຍັງເຊື່ອວ່າ ຖືກທັບຖົມຢູ່ກ້ອງຕຶກອາຄານທີ່ເພພັງລົງມານັ້ນ.
ໃນມື້ວັນສຸກ ທູດພິເສດນາໆຊາດ ທ່ານ Lahkdar Brahimi ປະນາມ ການໂຈມຕີດ້ວຍລະເບີດໃນວັນພະຫັດວ່ານນີ້ ທີ່ນະຄອນຫລວງຊີເຣຍ ຊຶ່ງໄດ້ສັງຫານຫລາຍກວ່າ 100 ຄົນ ໂດຍກ່າວວ່າ ການໂຈມຕີທີ່ວ່ານີ້ແມ່ນເທົ່າໆກັບເປັນການກໍ່ “ອາຊະຍາກໍາສົງຄາມ.”
ໂຕເລກຜູ້ເສຍຊີວິດທີ່ທ່ານ Brahimi ເວົ້າເຖິງນັ້ນ ແມ່ນສູງກວ່າ 60 ຄົນ ທີ່ລາຍງານກ່ອນໜ້ານີ້ໂດຍກຸ່ມສີ້ງຊອມສິດທິມະນຸດໃນຊີເຣຍ. ລະເບີດໄດ້ແຕກຂື້ນໃນກຸງ Damuscas ໃກ້
ກັບສຳນັກງານໃຫຍ່ຂອງພັກ Ba’ath ຊຶ່ງເປັນພັກລັດຖະບານທີ່ປົກຄອງປະເທດຢູ່ໃນ
ເວລານີ້ ທີ່ຕັ້ງຢູ່ໃນເຂດທີ່ມີປະຊາກອນອາໄສຢູ່ຢ່າງໜາແໜ້ນໃກ້ກັບຄຸ້ມ al-Mazraa
ມີລາຍງານວ່າ ຜູ້ເຄາະຮ້າຍສ່ວນຫຼາຍແມ່ນພົນລະເຮືອນຮວມທັງພວກ ເດັກນ້ອຍຈາກ
ໂຮງຮຽນແຫ່ງນຶ່ງທີ່ຕັ້ງຢູ່ໃກ້ໆນັ້ນ.
