ຄະນະຕາງໜ້າໃຫ້ກຸ່ມຕໍ່ຕ້ານລັດຖະບານ ທີ່ສຳຄັນຂອງຊີເຣຍ ມີ
ກຳນົດທີ່ຈະເດີນທາງໄປເຖິງນະຄອນ Geneva ໃນວັນເສົາມື້ນີ້.
ຍັງບໍ່ທັນແຈ້ງຂາວເທື່ອວ່າ ບັນດາສະມາຊິກຂອງສະພາເຈລະຈາ
ລະ ດັບສູງ ທີ່ເອີ້ນຫຍໍ້ວ່າ HNC ທີ່ໄດ້ຮັບການໜູນຫລັງໂດຍຊາ
ອຸດີ ອາຣາເບຍ ອາດຈະຕັດສິນໃຈເຂົ້າຮ່ວມໃນການເຈລະຈາສັນ
ຕິພາບໂດຍ ກົງ ທີ່ມີຈຸດປະສົງເພື່ອຍຸດຕິສົງຄາມຢູ່ໃນຊີເຣຍ.
ບັນດາເຈົ້າໜ້າທີ່ສະຫະປະຊາຊາດ ໄດ້ເປີດການເຈລະຈາທີ່ປະເທດ
ສະວິດ ເຊີແລນໃນວັນສຸກວານນີ້ເຖິງແມ່ນວ່າກຸ່ມ HNC ໄດ້ບອຍ
ຄອດບໍ່ຍອມ ເຂົ້າຮ່ວມກໍຕາມ.
ການເຈລະຈາເລິ້ມຂື້ນດ້ວຍການປະຊຸມຢູ່ທີ່ຫ້ອງການສະຫະປະຊາຊາດ ລະຫວ່າງທູດພິ
ເສດ ຮັບຜິດຊອບເລື້ອງຊີເຣຍ ທ່ານ Staffan de Mistura ແລະຜູ້ຕາງໜ້າລັດຖະບານ
ຊີເຣຍນຳພາໂດຍເອກອັກຄະລັດ ຖະທູດຊີເຣຍ ປະຈຳສະຫະປະຊາຊາດ ທ່ານ Bashar
Ja’afari.
ຫລັງຈາກການພົບປະກັນແລ້ວ ທ່ານ de Mistura ກ່າວວ່າ ທ່ານຫວັງວ່າ ຈະພົນປະກັບ
ບັນດາຜູ້ຕາງໜ້າຂອງກຸ່ມ HNC ໃນວັນອາທິດມື້ອື່ນນີ້.
ທ່ານ De Mistura ກ່າວວ່າ “ຂ້າພະເຈົ້າມີເຫດຜົນທີ່ເຊື່ອວ່າ ເຂົາ ເຈົ້າ ພະຍາຍາມຢ່າງ
ແທ້ຈິງ ແລະເພາະສະນັ້ນ ຈະຢູ່່ໃນທ່າທີ ອາດຈະເປັນວັນອາທິດມື້ອື່ນ ທີ່ຈະເລີ້ມຕົ້ນການ
ສົນທະນາກັນກັບເຂົາເຈົ້າ ເພື່ອຈະມີຄວາມສາມາດດຳເນີນການເຈລະຈາພາຍໃນກັບ
ຊີເຣຍ.”
ກຸ່ມ HNC ໄດ້ກ່າວວ່າ ຕົນຈະບໍ່ເຂົ້າຮ່ວມການເຈລະຈາຫລັງຈາກການ ຮຽກຮ້ອງຂອງ
ພວກເຂົາເຈົ້າຮ ບໍ່ໄດ້ຮັບການສະໜອງຕອບຢ່າງເປັນທີ່ພໍໃຈ ເພື່ອໃຫ້ຢຸດເຊົາການໂຈມ
ຕີທາງອາກາດໃສ່ພົນລະເຣືອນ ໂດຍລັດຖະບານຊີເຣຍ ແລະຣັດເຊຍ ແລະຍົກເລີກການ
ປິດລ້ອມຢູ່ໃນເຂດທີ່ເຂົາເຈົ້າຄວບຄຸມ.
