ລິ້ງ ສຳຫລັບເຂົ້າຫາ

ຄາດວ່າ ວິກິດການຊີເຣຍ ຈະຄອບງໍາ ກອງປະຊຸມ G20 (ວີດິໂອ/ສະໄລດ໌)


ປະທານາທິບໍດີ Barack Obama (ຊ້າຍ) ພົບປະກັບ ນາຍົກລັດຖະມົນຕີຍີ່ປຸ່ນ ທ່ານ Shinzo Abe (ຂວາ) ທີ່ກອງປະຊຸມສຸດຍອດ G20 ຢູ່ເມືອງ St. Petersburg, ວັນທີ 5 ກັນຍາ 2013.

ປະທານາທິບໍດີ Barack Obama (ຊ້າຍ) ພົບປະກັບ ນາຍົກລັດຖະມົນຕີຍີ່ປຸ່ນ ທ່ານ Shinzo Abe (ຂວາ) ທີ່ກອງປະຊຸມສຸດຍອດ G20 ຢູ່ເມືອງ St. Petersburg, ວັນທີ 5 ກັນຍາ 2013.

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ເດີນທາງ​ໄປ
​ຮອດ​ຣັດ​ເຊຍ​ແລ້ວ ​ເພື່ອ​ເຂົ້າ​ຮ່ວມ​ກ​ອງປະຊຸມ​ຂອງ​ບັນດາ​ຜູ້​ນໍາ
​ໂລກ ທີ່​ຄາດ​ວ່າ​ຈະ​ຖືກຄອບ​ງໍາ​ ​ໂດ​ຍການ​ອະພິ​ປາຍຖົກກຽງ​ກັນ
​ກ່ຽວ​ກັບ ​ການ​ໂຈມ​ຕີ​ໂດຍກອງທັບ​ສະຫະລັດ ຕໍ່​ຊີ​ເຣຍ ທີ່​ອາດ
​ຈະ​ມີ​ຂິ້ນ​ໄດ້​ນັ້ນ.

ຄວາມ​ຈິງ​ແລ້ວ ​ເລື້ອງ​ວິ​ກິດ​ການ​ຊີ​ເຣຍ ບໍ່​ໄດ້​ຢູ່​ໃນ​ລາຍການທາງ
ການ​ຂອງ​ກອງ​ປະຊຸມ​ສຸດ​ຍອດ​ເສດຖະກິດ​ໂລກ ຂອງ​ກຸ່ມ G-20
ຢູ່​ນະຄອນ St. Petersburg ​ແຕ່​ກໍ​ຄາດ​ວ່າ ບັນດາ​ຜູ້​ນໍາ​ຈະຍົກ
​ຂຶ້ນ​ມາ​ສົນທະນາ​ກັນ ​ຢູ່​ນອກ​ກອງ​ປະຊຸມ.

ທ່ານ ​ໂອ​ບາ​ມາ ກໍາລັງ​ປຸກລະດົມ​ເອົາ​ການ​ສະໜັບສະໜຸນ​ໃນ​ຂັ້ນ​ກວ້າງຂວາງ ທັງ​ຢູ່​ໃນ​
ປະ​ເທດ​ແລະ​ຕ່າງປະ​ເທດ ສໍາ​ລັບການ​ໂຈມ​ຕີ​ທາງ​ທະຫານ​ຕໍ່​ຊີ​ເຣຍ ທີ່​ໄດ້​ໃຊ້​ອາວຸດເຄມີ
​ໂຈມ​ຕີ​ປະຊາຊົນ​ຂອງ​ຕົນ ຕາມ​ທີ່​ມີ​ການ​ກ່າວ​ຫາ​ກັນ​ນັ້ນ.


ນຶ່ງ​ມື້ກ່ອນ​ກອງ​ປະຊຸມ ຄືໃນ​ວັນ​ພຸດ​ວານ​ນີ້ ຄະນະ​ກໍາມະການ​ສໍາຄັນ​ຄະນະ​ນຶ່ງຂອງສະ
ພາ​ສູງສະຫະລັດ ​ໄດ້ລົງມະຕິ​ເຫັນ​ດີ​ນໍາແຜນການ​ໃຫ້​ສະຫະລັດ​ທໍາ​ການ​ໂຈມ​ຕີ​ແບບມີ​
ຂອບ​ເຂດຈໍາກັດ ທີ່​ບໍ່​ໃຫ້​ດົນ​ກາຍ 90 ມື້. ​ແຕ່​ມາດ​ຕະການ​ດັ່ງກ່າວທີ່​ບໍ່ອະນຸຍາດໃຫ້​ສົ່ງ
​ທະຫານ​ສະຫະລັດ​ເຂົ້າ​ໄປ​ໃນ​ຊີ​ເຣຍນັ້ນ ຍັງ​ຈະ​ຕ້ອງ​ໄດ້ຜ່ານ​ທັງ​ສອງ​ສະພາເສຍກ່ອນ.

ທ່ານ​ໂອ​ບາ​ມາ​ກ່າວ​ໃນ​ວັນ​ພຸດ​ວານ​ນີ້​ ​ໃນ​ລະຫວ່າງ​ການ​ຢ້ຽມຢາມ​ສະ​ວີ​ເດັນ​ນັ້ນວ່າ ຄວາມ​ໜ້າ​ເຊື່ອ​ຖື​ຂອງ​ປະຊາ​ຄົມນາໆ​ຊາດ​ແມ່ນ​ເປັນ​ເດີມ​ພັນ ​ແລະ​ຈະ​ໄດ້​ຮັບ​ຄວາມ​ເສຍ​ຫາຍ ຖ້າ​ຫາກ​ບໍ່​ມີ​ການ​ຕອບ​ໂຕ້​ຕໍ່​ພຶດຕິການ​ດັ່ງກ່າວ ຂອງ​ປະທານາທິບໍດີ​ຊີ​ເຣຍ ທ່ານ Bashir al-Assad ນັ້ນ.


XS
SM
MD
LG