ບັນດານັກເຄື່ອນໄຫວ ກ່າວວ່າ ພວກກະບົດໄດ້ສັງຫານທະຫານ 23 ຄົນ ໃນ
ການປະທະກັນໃກ້ໆກັບເມືອງ Rastan ຊຶ່ງເປັນວັນທີ່ໄດ້ຮັບ ຄວາມເສຍຫາຍ
ຮ້າຍແຮງສຸດມື້ນຶ່ງ ຂອງກໍາລັງທະຫານຝ່າຍລັດຖະ ບານໃນການລຸກຮືຂື້ນຕໍ່ຕ້ານ
ລັດຖະບານເປັນເວລາ 14 ເດືອນທີ່ຜ່ານມາຢູ່ໃນຊີເຣຍ.
ການສູ້ລົບໄດ້ເກີດຂື້ນ ຫລັງຈາກເມືອງນຶ່ງທີ່ຕັ້ງຢູ່ທາງເໜືອຂອງເມືອງ Homs
ປະມານ 25 ກິໂລແມັດ ໄດ້ຖືກທະຫານຊີເຣຍຍິງໂຈມຕີຢ່າງໜັກ. ມີປະຊາຊົນຈໍາ
ນວນນຶ່ງໄດ້ຮັບບາດເຈັບ ແລະລົດທະຫານຫຼາຍ ຄັນ ໄດ້ຖືກທໍາລາຍໃນລະຫວ່າງ
ການປະທະກັນ.
ການສູ້ລົບໃນຄັ້ງນີ້ ຍັງໄດ້ສ້າງຄວາມເສຍຫາຍເພີ່ມຕື່ມໃຫ້ແກ່ສັນຍາຢຸດຍິງທີ່ມີມາ
ໄດ້ນຶ່ງເດືອນ ຊຶ່ງໄດ້ເກີດຄວາມເຄັ່ງຕຶງຂຶ້ນຍ້ອນມີການປະ ທະກັນຕະຫຼອດມາລະ
ຫວ່າງພວກກະບົດແລະທະຫານລັດຖະບານແລະ ການໂຈມຕີພົນລະເຮືອນ ໂດຍ
ທະຫານຊີເຣຍ. ບັນດາຜູ້ສັງເກດການຂອງສະຫະປະຊາຊາດເກືອບ 200 ຄົນຢູ່ໃນ
ຊີເຣຍ ກໍາລັງພາກັນພະ ຍາຍາມຫາທາງລະງັບຄວາມຮຸນແຮງ.
ສະຫະລັດ ຢູໂຣບ ແລະບັນດາປະເທດອາຣັບ ໃນຂົງເຂດອ່າວເປີເຊຍ ຢາກໃຫ້
ປະທານາທິບໍດີຊີເຣຍ ທ່ານ Bashar al-Assad ລາອອກຈາກຕໍາແໜ່ງ ແຕ່ວ່າ
ຣັດເຊຍ ຊຶ່ງເປັນພັນທະມິດຂອງທ່ານໄດ້ກີດກັ້ນ ການເອົາມາດຕະການໜັກຂຶ້ນ
ຕໍ່ຊີເຣຍ ຢູ່ໃນສະພາຄວາມໝັ້ນຄົງຂອງ ອົງການສະຫະປະຊາຊາດ.
ຮອງລັດຖະມົນຕີກະຊວງການຕ່າງປະເທດຣັດເຊຍ ທ່ານ Gennady Gatilov
ໄດ້ກ່າວປ້ອງກັນການຈັດສົ່ງອາວຸດໄປໃຫ້ຊີເຣຍ ຕໍ່ການຕິ ຕຽນຂອງປະເທດ
ຕາເວັນຕົກໂດຍກ່າວວ່າ ກໍາລັງຂອງລັດຖະບານຈຳ ເປັນຕ້ອງໄດ້ປ້ອງກັນຕົນເອງ
ຈາກພວກກະບົດ ທີ່ໄດ້ຮັບອາວຸດຈາກຕ່າງປະເທດນັ້ນ.
ທີ່ກຸງບຣັສເຊີລສ ໃນວັນຈັນວານນີ້ ສະຫະພາບຢູໂຣບໄດ້ຕໍ່ອາຍຸການ ຫ້າມອອກ
ວິຊ່າ ແລະການກັກຊັບສິນ ຕໍ່ບຸກຄົນໃໝ່ອີກສາມຄົນແລະ 2 ບໍລິສັດ ທີ່ພົວພັນກັບ
ລັດຖະບານຊີເຣຍ. ປັດຈຸບັນນີ້ ບັນຊີລາຍຊື່ການລົງໂທດຂອງສະຫະພາບຢູໂຣບ
ແມ່ນຮວມທັງພວກສະໜັບສະໜຸນທ່ານ Assad 128 ຄົນ ພ້ອມທັງ 43 ບໍລິສັດ
ທະນາຄານ ແລະອົງ ການຈັດຕັ້ງຕ່າງໆຂອງຊີເຣຍ.