ລິ້ງ ສຳຫລັບເຂົ້າຫາ

ທູດພິເສດ ນາໆຊາດ ເດີນທາງໄປ ເທີກີ


ກະສັດ Abdullah (ຂວາ) ແຫ່ງຊາອຸດີ ອາຣາເບຍ ຊົງພົບປະ ກັບທູດພິເສດນາໆຊາດ ທ່ານ Lakhdar Brahimi ທີ່ພະລາດຊະວັງໃນນະຄອນ Jeddah (12 ຕຸລາ 2012)

ກະສັດ Abdullah (ຂວາ) ແຫ່ງຊາອຸດີ ອາຣາເບຍ ຊົງພົບປະ ກັບທູດພິເສດນາໆຊາດ ທ່ານ Lakhdar Brahimi ທີ່ພະລາດຊະວັງໃນນະຄອນ Jeddah (12 ຕຸລາ 2012)

ທູດສັນຕິພາບນາໆຊາດ ທ່ານ Lakhdar Brahimi ເດີນທາງໄປ
ເຖິງນະຄອນອິສຕັນບູລໃນວັນເສົາມື້ນີ້ ເພື່ອປຶກສາຫາລືກ່ຽວກັບ
ຄວາມເຄັ່ງຕຶງທີ່ເພີ້ມທະວີຂຶ້ນ ລະຫວ່າງເທີກີແລະຊີເຣຍຊຶ່ງເປັນ
ເພື່ອນບ້ານກ່ຽວກັບສິນຄ້າທີ່ເທີກີຢຶດໄວ້ຈາກເຮືອບິນຂອງຊີເຣຍ.

ເທີກີໄດ້ບັງຄັບໃຫ້ເຮືອບິນຂອງຊີເຣຍລຳນຶ່ງລົງຈອດໃນມື້ວັນພຸດ
ຜ່ານມານີ້ ຂະນະທີ່ພວມເດີນທາງແຕ່ກຸງມົສກູ ຫານະຄອນຫຼວງ
ດາມັສກັສ. ເທີກີ ໄດ້ກ່າວປ້ອງກັນ ກ່ຽວກັບ ການຕັດສິນໃຈຂອງ
ຕົນທີ່ບັງຄັບໃຫ້ເຮືອບິນຊີເຣຍລົງຈອດ ໂດຍເວົ້າວ່າ ເຮືອບິນລຳ
ດັ່ງກ່າວບັນທຸກອຸບປະກອນທາງທະຫານ ແລະກະສຸນປືນໄປໃຫ້
ລັດຖະບານຊີເຣຍ.

ເຈົ້າໜ້າທີ່ຊີເຣຍໄດ້ປະຕິເສດວ່າ ເຮືອບິນລຳນີ້ບໍ່ໄດ້ລຳລຽງອຸບ
ປະກອນທາງທະຫານໃດໆເລີຍ. ຣັດເຊຍ ຊຶ່ງເປັນປະເທດພັນທະມິດທີ່ສຳຄັນຂອງປະທາ
ນາທິບໍດີຊີເຣຍ ທ່ານ Bashar al-Assad ຕ້ອງການຄຳອະທິບາຍຈາກເທີກີໂດຍເວົ້າວ່າ ການກະທຳດັ່ງກ່າວເປັນໄພຂົ່ມຂູ່ຕໍ່ຊີວິດແລະຄວາມປອດໄພຂອງຜູ້ໂດຍສານທີ່ເດີນທາງ ໄປນຳເຮືອບິນລຳນັ້ນ.

ໃນມື້ວັນສຸກວານນີ້ ທ່ານ Brahimi ໄດ້ໂອ້ລົມກັບກະສັດ Saudi Arabia ກ່ຽວກັບສະຖາ ນະການໃນຊີເຣຍ. ໃນການພົບປະ ທີ່ນະຄອນ Jedda ນັ້ນ ບຸກຄົນທັງສອງໄດ້ເຫັນພ້ອມ ນຳກັນເຖິງຄວາມຈຳເປັນທີ່ຈະຍຸຕິການນອງເລືອດແລະການໃຫ້ຄວາມໃຫ້ຄວາມຊ່ອຍເຫຼືອ ແກ່ຊາວຊີເຣຍຈຳນວນຫຼາຍລ້ານຄົນທີ່ໄດ້ຮັບຜົນກະທົບຈາກຄວາມຮຸນແຮງຢູ່ໃນປະເທດ
ດັ່ງກ່າວ.
XS
SM
MD
LG