ລິ້ງ ສຳຫລັບເຂົ້າຫາ

ຕ່າງປະເທດ ສັນຍາວ່າ ຈະໃຫ້ ເງິນຊ່ວຍເຫຼືອ ອົບພະຍົບ ຊີເຣຍ


ພາບກຣາຟ ສະແດງໃຫ້ເຫັນຈໍານວນເງິນ ທີ່ຕ່າງປະເທດໃຫ້ຄໍາໝັ້ນສັນຍາວ່າ ຈະປະກອບສ່ວນ ຊ່ວຍບັນເທົາທຸກແກ່ຊາວອົບພະຍົບຊີເຣຍ ທີ່ໄດ້ຮັບຜົນກະທົບຈາກ ສົງຄາມກາງເມືອງໃນປະເທດຂອງເຂົາເຈົ້າ.

ພາບກຣາຟ ສະແດງໃຫ້ເຫັນຈໍານວນເງິນ ທີ່ຕ່າງປະເທດໃຫ້ຄໍາໝັ້ນສັນຍາວ່າ ຈະປະກອບສ່ວນ ຊ່ວຍບັນເທົາທຸກແກ່ຊາວອົບພະຍົບຊີເຣຍ ທີ່ໄດ້ຮັບຜົນກະທົບຈາກ ສົງຄາມກາງເມືອງໃນປະເທດຂອງເຂົາເຈົ້າ.

ບັນດາຕ່າງປະເທດທີ່ໃຫ້ການບໍລິຈາກ ໃຫ້ຄໍາໝັ້ນສັນຍາວ່າ
ຈະໃຫ້ເງິນຊ່ວຍເຫລືອກ້ອນໃໝ່ 1 ພັນ 500 ລ້ານໂດລາ ສຳ
ລັບການປະຕິບັດງານຂອງອົງການສະຫະປະຊາຊາດ ເພື່ອບັນ
ເທົາທຸກຊາວຊີເຣຍຈາກຄວາມຍາກລໍາບາກ ທີ່ເປັນຜົນກະທົບ
ຈາກສົງຄາມກາງເມືອງໃນ ປະເທດຂອງເຂົາເຈົ້າ.

ຄູເວດ ແລະ ສະຫະລັດ ອາຣັບ ເອເມີເຣັສ ແລະຊາອຸດິດ ອາຣາ
ເບຍ ຕ່າງກໍສະເໜີວ່າ ຈະໃຫ້ການຊ່ວຍເຫລືອ 300 ລ້ານໂດລາ
ເພື່ອໃຫ້ ເປັນທຶນການປະຕິບັດງານທາງດ້ານມະນຸດສະທໍາຂອງ ອົງການສະຫະປະຊາຊາດສໍາລັບຊ່ວຍເຫລືອຊາວຊີເຣຍ. ການ
ໃຫ້ຄໍາໝັ້ນສັນຍາດັ່ງ ກ່າວໄດ້ມີຂຶ້ນ ທີ່ກອງປະຊຸມບັນດາປະເທດ ໃຫ້ການຊ່ວຍເຫລືອສາກົນຢູ່ຄູເວດ ໃນວັນພຸດວານນີ້.

ປະທານາທິບໍດີບາຣັກ ໂອບາມາ ເວົ້າໃນວັນອັງຄານຜ່ານມາວ່າ ສະຫະລັດຈະປະກອບ ສ່ວນ 155 ລ້ານໂດລາ ໃນຂະນະທີ່ປະເທດບາ ເຣນສັນຍາວ່າ ຈະໃຫ້ການຊ່ວຍເຫລືອ 25 ລ້ານໂດລາ ແລະເຢຍລະ ມັນ ຊຶ່ງເປັນປະເທດສະມາຊິກຂອງສະຫະພາບຢູໂຣບ ຫລື EU ປະເທດນຶ່ງນັ້ນ ໄດ້ບໍລິຈາກ 13 ລ້ານໂດລາ. ສ່ວນ 27 ປະເທດສະ ມາຊິກຂອງ EU ທີ່ຍັງເຫລືອນັ້ນ ໄດ້ເພີ້ມຈໍານວນທີ່ໄດ້ສັນຍາໄວ້ແລ້ວ ຂຶ້ນເປັນສອງເທົ່າເພື່ອຊ່ວຍຊີເຣຍ ໃຫ້ເປັນປະມານ 270 ລ້ານໂດລາ.

ໃນຕອນປິດກອງປະຊຸມນັ້ນ ເລຂາທິການໃຫຍ່ສະຫະປະຊາຊາດ ທ່ານ Ban Ki-moon ເອີ້ນການສົມທົບທຶນດັ່ງກ່າວນີ້ວ່າ ເປັນການຕອບສະໜອງທີ່ຍິ່ງໃຫຍ່ທີ່ສຸດທີ່ບໍ່ເຄີຍມີມາ ກ່ອນຕໍ່ການປຸກລະດົມໃຫ້ຄໍາໝັ້ນສັນ ຍາຊ່ວຍເຫລືອດ້ານມະນຸດສະທໍາ.

ທ່ານ Ban ໄດ້ຮຽກຮ້ອງໃຫ້ພັກຝ່າຍຕ່າງໆທີ່ເຮັດສົງຄາມຢູ່ໃນຊີເຣຍ ຈົ່ງຢຸດເຊົາການ ສູ້ລົບກັນໂດຍຮ້ອງສະຖານະການຢູ່ໃນປະເທດດັ່ງກ່າວນັ້ນວ່າ ເປັນ “ຄວາມຫາຍານະ.” ທ່ານເຕືອນວ່າ ໃນຂະນະນີ້ການອົບ ພະຍົບຫລົບໄພຂອງຊາວຊີເຣຍ ໄປຍັງປະເທດ ເພື່ອນບ້ານນັ້ນ ມີທ່າທີ ວ່າຈະເພີ້ມຄວາມຮ້າຍແຮງຂຶ້ນ.
XS
SM
MD
LG