ລິ້ງ ສຳຫລັບເຂົ້າຫາ

ເນໂຕ້ປະຕິເສດທີ່ຈະ ເຂົ້າແຊກແຊງໃນຊີເຣຍ

  • ສິງ ບູຣົມມະວົງ

ເລຂາທິການໃຫຍ່ກຸ່ມເນໂຕ້ ທ່ານ Anders Fogh Rasmussen ກ່າວຕໍ່ບັນດານັກຂ່າວທີ່ກຸງ Tripoli, ລີເບຍ.
ວັນທີ 31 ຕຸລາ 2011.l

ເລຂາທິການໃຫຍ່ກຸ່ມເນໂຕ້ ທ່ານ Anders Fogh Rasmussen ກ່າວຕໍ່ບັນດານັກຂ່າວທີ່ກຸງ Tripoli, ລີເບຍ. ວັນທີ 31 ຕຸລາ 2011.l


















ກຸ່ມ​ເນ​ໂຕ້​ກ່າວ​ວ່າ ຕົນ​ບໍ່​ມີ​ເຈດ​ຕະນາ​ທີ່​ຈະ​ທໍາ​ການ​ເຄື່ອນ​ໄຫ​ວທາງທະຫານ​ໃນ​ຊີ​ເຣຍ ຫລັງ​ຈາກ​ຢຸດ​ການ​ໂຈມ​ຕີ​ທາງ​ອາກາດ​ໃນ​ລີ​ເບຍ​ມາ​ເປັນ​ເວລາ 7 ​ເດືອນ ເພື່ອ​ປົກ​ປ້ອງພວກ​ພົນລະ​ເຮືອນ​ນັ້ນ.

ທ່ານ Anders Fogh Rasmussen ​ເລຂາທິການ​ໃຫຍ່​ອົງການ​ເນ​ໂຕ້ ກ່າວ​ໃນ​ວັນ​ຈັນ​ວານ​ນີ້​ວ່າ ກຸ່ມ​ພັນທະ​ມິດໄດ້​ປະຕິ​ເສດ​ຕໍ່​ການທີ່​ຈະເຂົ້າ​ໄປ​ທໍາ​ການແຊກ​ແຊງ​ໃດໆ ​ຢູ່ໃນ​ຊີ​ເຣຍນັ້ນ. ທ່ານ Rasmussen ​ໄດ້​ປະນາມ​ການ​ປາບ​ປາມ​ພວກ​ປະ​ທ້ວງ​ຕໍ່ຕ້ານ​ລັດຖະບານຂອງ​ປະທາ ນາ​ທິບໍດີ Bashar al-Assad ທີ່​ໄດ້​ເຮັດ​ໃຫ້ປະຊາຊົນ​ເສຍ​ຊີວິດ​ໄປ​ຫລວງຫລາຍ ​ແລະ​ຮຽກຮ້ອງ​ໃຫ້​ລັດຖະບານ ຮັບ​ເອົາ​ອັນ​ທີ່​ທ່ານ​ເອີ້ນ​ວ່າ “ຄວາມ​ປາດ​ຖະໜາ​ທີ່​ຖືກຕ້ອງ​ຊອບ​ທໍາ​” ຂອງປະຊາ​ຊົນ​ຊີ​ເຣຍ.

ທ່ານ Assad ​ໄດ້​ກ່າວ​ເຕືອນ​ປະຊາ​ຄົມນາໆ​ຊາດ ​ບໍ່​ໃຫ້​ເຂົ້າ​ໄປ​ແຊກ​ແຊງ​ໃນ​ຊີ​ເຣຍ ​ໂດຍ​ກ່າວ​ວ່າ ການ​ເຄື່ອນ​ໄຫວ​ໃດໆແມ່ນຈະ​ສ້າງ​ຄວາມ​ແຕກ​ແຍກ​ຂຶ້ນ​ໃນ​ພາກ​ຕາ​ເວັນ​ກາງ​.

ສະຫະ​ປະຊາ​ຊາດ​ກ່າວ​ວ່າ ຈໍານວນ​ຜູ້​ຄົນ​ເສຍ​ຊີວິດທັງ​ໝົດ​ຈາກ​ການປາບ​ປາມ​ພວກ​ປະ​ທ້ວງ​ຕໍ່ຕ້ານ​ລັດຖະບານ​ຊີ​ເຣຍ ມາ​ເປັນ​ເວລາ 7 ​ເດືອນ​ນັ້ນໄດ້​ເພີ່ມ​ຂຶ້ນ​ເປັນ 3000 ຄົນ​ແລ້ວ.

XS
SM
MD
LG