ຊີເຣຍກ່າວວ່າ ນາຍົກລັດຖະມົນຕີເທີກີ ທ່ານ Ahmet Davu-
toglu ໄດ້ທຳການເຄື່ອນໄຫວ ທີ່ເປັນ “ການຮຸກຮານຢ່າງ
ຈະແຈ້ງເປີດແປນ” ໃນວັນອາທິດວານນີ້ ໂດຍການຂ້າມ
ຊາຍແດນເຂົ້າໄປ ຢ່າງບໍ່ໄດ້ຮັບອະນຸຍາດຈາກຊີເຣຍ ເພື່ອ
ເຂົ້າໄປຢ້ຽມຢາມສຸສານປະຫວັດສາດແຫ່ງນຶ່ງນັ້ນ.
ອົງການຂ່າວ SANA ແຫ່ງລັດຊີເຣຍ ກ່າວວ່າ ທ່ານ Davutoglu
ໄດ້ “ລະເມີດຢ່າງຮ້າຍແຮງ ຕໍ່ກົດໝາຍແລະສົນທິສັນຍາສາກົນ
ຫຼາຍສະບັບ” ເວລາທ່ານເດີນທາງໄປຍັງສຸສານຂອງກະສັດ Suleyman ພໍ່ຕູ້ຂອງມື້ລາງຜູ້ກໍ່ຕັ້ງອານາຈັກ Ottoman ຂຶ້ນນັ້ນ. ສະຖານທີ່ແຫ່ງນີ້ ຕັ້ງຢູ່ໃນຂົງເຂດAshma ຂອງຊີເຣຍ ປະມານ 250 ຫຼັກກິໂລແມັດ ຫ່າງຈາກຊາຍແດນເຂົ້າໄປ.
ອົງການຂ່າວ SANA ເອີ້ນການຢ້ຽມຢາມດັ່ງກ່າວວ່າ ເປັນການສະແດງຢ່າງໂລດໂຜນ ເພື່ອ
ສ້າງຂ່າວ ກ່ອນໜ້າການເລືອກຕັ້ງຂອງເທີກີ ທີ່ຈະມີຂຶ້ນໃນໄວໆນີ້.
ຊີເຣຍ ໄດ້ຈົ່ມວ່າມາກ່ອນແລ້ວ ໃນເດືອນກຸມພາຜ່ານມາ ເວລາພວກທະຫານເທີກີ ປະຕິບັດ
ການ ເພື່ອຍົກຍ້າຍຂຸມຝັງສົບດັ່ງກ່າວ ອອກໄປຈາກເຂດໜຶ່ງທີ່ຢູ່ພາຍໃຕ້ການຄວບຄຸມຂອງພວກຫົວຮຸນແຮງລັດອິສລາມ ມາຕັ້ງຢູ່ໃນສະຖານທີ່ໃນປັດຈຸບັນນີ້. ຂຸມຝັງສົບດັ່ງກ່າວໄດ້ຖືກ
ຍົກຍ້າຍມາກ່ອນແລ້ວ ໃນຊຸມປີ 1970 ຍ້ອນໄພນ້ຳຖ້ວມ ເວລາມີການສ້າງເຂື່ອນກັ້ນແມ່ນ້ຳ Euphrates ຂຶ້ນນັ້ນ.
ເທີກີ ແລະຊີເຣຍ ໄດ້ມີສາຍພົວພັນທີ່ເຄັ່ງຕຶງກັນມາ ຕະຫຼອດສົງຄາມກາງເມືອງເປັນເວລາ
4 ປີ ຂອງຊີເຣຍນັ້ນ ຊຶ່ງເທີກີໃຫ້ການສະໜັບ ສະໜຸນແກ່ພວກກະບົດ ທີ່ຄັດຄ້ານປະທານາ
ທິບໍດີ Bashar al-Assad. ບັນດາເຈົ້າໜ້າທີ່ຊີເຣຍ ໄດ້ກ່າວຫາເທີກີ ວ່າ ໃຫ້ການສະໜັບ
ສະໜຸນ “ພວກກໍ່ການຮ້າຍ” ອັນເປັນຄຳສັບທີ່ພວກເຂົາເຈົ້າໃຊ້ໝາຍເຖິງ ພວກນັກຕໍ່ສູ້ຕ້ານລັດຖະບານທັງໝົດນັ້ນ.
