ລິ້ງ ສຳຫລັບເຂົ້າຫາ

ເດັກນ້ອຍ ຊີເຣຍ ເປັນຜູ້ເຄາະຮ້າຍ ທີ່ຖືກຫລົງລືມ (ວີດີໂອ)


ຊາວອົບພະຍົກຊີເຣຍ ອູ້ມລູກເຂົາເຈົ້າສອງຄົນ ຢືນຢູ່ຕໍ່ໜ້າທຸງ ຝ່າຍຕໍ່ຕ້ານ.
ລາຍ​ງານ​ໃໝ່​ສະບັບ​ນຶ່ງ​ກ່າວ​ວ່າ ​ເດັກນ້ອຍ​ຊີ​ເຣຍເກືອບ​ສອງ​
ລ້ານ​ຄົນ ຕ້ອງການຄວາມຊ່ວຍເຫລືອ​ດ້ານ​ມະນຸດສະ​ທໍາ ​ສອງ​
ປີຫລັງ​ຈາກ​ທີ່​ໄດ້ເກີດ​ບັນຫາ​ຂັດແຍ້​ງ ​ທີ່​ສົ່ງ​ຜົນ​ສະທ້ອນຕໍ່​ການ​
ຢູ່ກິນ​ຂອງ​ພວກເຂົາເຈົ້າ ການ​ໄປ​ໂຮງຮຽນ ​ແລະ​ການມີ​ຫ້ອງ​
ນໍ້າ​ໃຊ້.

ອົງການ​ຊ່ວຍ​ເຫລືອ ​ຊື່ວ່າ Save the Children ຫລື ຊ່ວຍ​ພວກ​ເດັກນ້ອຍ ​ໄດ້​ພິມເຜີ​ຍ​ແຜ່​ລາຍ​ງານ​ໃນ​ວັນ​ພຸດ​ມື້​ນີ້ທີ່ກ່າວ​ເນັ້ນ​ເຖິງຜົນ​ສະທ້ອນ ​ຈາກວິ​ກິດ​ການ​ໃນ​ຊີເຣຍ ​ໃນ​ອັນ​ທີ່​ລາຍ​ລາຍ​ງານ​ສະບັບນີ້ ​ຮ້ອງ​ວ່າ “ຜູ້​ເຄາະ​ຮ້າຍ​ທີ່​ຖືກຫຼົງ​ລື​ມ” ຈາກ​ການ​ສູ້​ລົບ.

ລາຍ​ງານ​ກ່າວ​ວ່າ ​ໂຮງຮຽນ​ ​ແລະ​ໂຮງໝໍທັງຫຼາຍ ​ໄດ້​ຮັບ​ຄວາມ​ເສຍ ຫາຍຈາກ​ການປະ​ທະ​ກັນ​ລະຫວ່າງກຸ່ມ​ຕໍ່ຕ້ານ ​ແລະ​ນັກ​ລົບ​ຂອງ​ລັດຖະ ບານຊີ​ເຣຍ ​ແລະ “​ເກືອບ​ທຸກໆ​ຄອບຄົວ” ທີ່​ກຸ່ມ​ດັ່ງ​ກ່າວໄດ້​ໂອ້​ລົມ​ນຳ​ ​ເວົ້າ​ວ່າ ​ພວກເຂົາ​ເຈົ້າ​ບໍ່​ສາມາດ​ມີ​ໂອກາດຊົມ​ໃຊ້​ຫ້ອງ​ນໍ້າທີ່​ສະອາດ​ໄດ້ ຢ່າງ​ປອດ​ໄພ.

ລາຍ​ງານ​ຮຽກຮ້ອງ​ໃຫ້​ທຸກພັກ​ຝ່າຍ​ກ່ຽວຂ້ອງ​ໃນ​ບັນຫາ​ຂັດ​ແຍ້​ງ​ ຈົ່ງ​ອະ ນຸຍາດ​ໃຫ້ຈັດ​ສົ່ງການ​ຊ່ວຍ​ເຫລືອ​ດ້ານ​ມະນຸດສະ​ທໍາ ​ໄປໃຫ້​ຜູ້​ທີ່ມີ​ຄວາມ ຕ້ອງການ ​ໃນ​ຂະນະ​ທີ່​ຍຸຕິການ​ໃຊ້​ລະ​ເບີດ​ໃນ​ເຂດ​ທີ່​ມີ​ປະຊາຊົນ​ອາໄສ ​ຢູ່ຢ່າງໜາ​ແໜ້ນ. ນອກ​ນັ້ນ ລາຍ​ງານ​ຍັງ​ໄດ້​ຮຽກຮ້ອງ​ໃຫ້ຢຸດເຊົາການ ​ເກນ​ເອົາ​ເດັກ​ນ້ອຍໄປ​ເປັນ​ທະຫານ ຊຶ່ງ​ເປັນການ​ປະຕິບັດ​ທີ່ບັນດາ​ຜູ້​ສືບ​ສວນສະຫະ​ປະຊາ​ຊາດ ກ່າວ​ໃນຕົ້ນ​ຂອງ​ອາທິດ​ນີ້​ວ່າ ກໍາລັງ​ມີ​ການ​ນໍາ​ໃຊ້ໂດຍທັງ​ສອງ​ຝ່າຍ ຄືທະຫານລັດຖະບານ ​ແລະ​ພວກ​ຕໍ່ຕ້ານ

XS
SM
MD
LG