ລິ້ງ ສຳຫລັບເຂົ້າຫາ

ທ່ານ Brahimi ກ່າວວ່າ ອິຣ່ານ ຄວນຖືກເຊີນ ເຂົ້າຮ່ວມ ກອງປະຊຸມ ທີ່ Geneva (ວີດີໂອ/ສະໄລດ໌)


ທູດ​ພິ​ເສດຢູ​ເອັນ-ສັນນິບາດ​ຊາດ​ອາ​ຫຣັບ ປະ​ຈໍາ​ຊີ​ເຣຍ ​ເວົ້າ​ວ່າ ອິຣ່ານ ຄວນ​ຈະ​ຖືກ​ເຊີນ​ໃຫ້ ​ເຂົ້າຮ່ວມ​ໃນກອງ​ປະຊຸມ​ສັນ​ຕິພາບ ທີ່​ຈະ​ຈັດຂື້ນ​ຢູ່ Geneva ​ໃນ​ເດືອນ​ໜ້າ​ນີ້.

​ໃນ​ການ​ໃຫ້​ສໍາພາດຂ່າວ​ທີ່ Tehran ​ເມື່ອ​ວັນເສົາ​ວານ​ນີ້ ທ່ານ
Lakhdar Brahimi ​ເວົ້າ​ວ່າ ການ​ເຂົ້າຮ່ວມ​ຂອງ​ອິຣ່ານ​ໃນ​ອັນ
​ທີ່​ເອີ້ນ​ວ່າ ກອງ​ປະຊຸມ Geneva ສອງ ນັ້ນ ຖື​ວ່າ ​ເປັນ​ເລຶ່ອງທໍາ​ມະ​ຊາດ ​ແລະ ຈໍາ​ເປັນ.
ທ່ານ Brahimi ​ກ່າວ​ຕື່ມວ່າ ທ່ານ ພັນຄີ​ມູນ ​ເລຂາທິການ​ໃຫຍ່​ຢູ​ເອັນ ​ແລະ ທ່ານ Nabil
el-Araby ​ເລຂາທິການ​ສັນນິບາດ​ຊາດ​ອາຫຣັບ ກໍ​ເຊື່ອ​ເຊັ່ນ​ກັນ​ວ່າ ອິຣ່ານຄວນ​ຈະ​ເຂົ້າ
ຮ່ວມ​ກອງ​ປະຊຸມ​ບັ້ນ​ດັ່ງກ່າວນີ້​ນໍາ.

ທ່ານ Brahimi ​ໄດ້​ເວົ້າ​ເລຶ່ອງນີ້ຫຼັງຈາກ​ການ​ເຈລະຈາ​ກັບ​ທ່ານ Mohammad Javad
Zarif ລັດຖະມົນຕີ​ຕ່າງປະ​ເທ​ດອິຣ່ານ ທີ່​ໄດ້ກ່າວ ວ່າ ອິຣ່ານຢາກ​ຊ່ວຍ​ຍຸຕິ​ວິ​ກິດ​ການ
ຂອງ​ຊີ​ເຣຍ ​ໂດຍທາງ​ການທູດ

ທ່ານ Brahimi ກ່າວ​ໃນ​ຕອນ​ນຶ່ງ​ວ່າ:

“ທ່ານ​ພັນ ຄີ​ມູນ ​ເລຂາທິການ​ໃຫຍ່ຢູ​ເອັນ ພ້ອມ​ທັງ​ເລຂາ​ໃຫຍ່​ສັນ​ນິບາດຊາດ​ອາຫຣັບ ທ່ານ el-Araby ​ໂຮມ​ທັງ​ຂ້າພະ​ເຈົ້ານໍາ ​ພວກ​ເຮົາ​ທັງ​ໝົດ​ເຊື່ອ​ວ່າ
ການ​ເຂົ້າຮ່ວມຂອງອິຣ່ານ ​ໃນ​ກອງ​ປະຊຸມ​ສັນຕິພາບ ທີ່ Geneva ຖື​ວ່າ​ເປັນ ​
ເລຶ່ອງທໍາ​ມະ​ຊາດ​ແລະ​ຈໍາ​ເປັນ ​ຕະຫຼອດທັງ​ຈະ​ໃຫ້ໝາກຜົນນໍາ. ສະ​ນັ້ນ ​ພວກ​
ເຮົາກໍຫວັງ​ຢ່າງ​ຍິ່ງ ຈະ​ມີ​ການ​ເຊື້ອ​ເຊີນ​ອິຣ່ານ ໃຫ້ເຂົ້າຮ່ວມ​ໃນ​ກອງ​ປະຊຸມ​
ບັ້ນ​ນີ້​ນໍາ.”


ອິຣ່ານ ​ໄດ້​ເປັນ​ພັນທະ​ມິດ​ທີ່​ສໍາຄັນ ຂອງ​ປະທານາທິບໍດີ Bashar al-Assad ຕະຫຼອດ
ມາ ​ໃນ​ລະຫວ່າງ​ສົງຄາມ​ກາງ​ເມືອງ​ຂອງຊີ​ເຣຍ​ນັ້ນ.

ທ່ານ Brahimi ກໍາລັງຢ້ຽມຢາມ​ຂົງ​ເຂດດັ່ງກ່າວ ​ເພື່ອ​ສ້າງ​ຄວາມ​ສະໜັບສະໜຸນໃຫ້​ແກ່
ກອງ​ປະຊຸມ Geneva ສອງ ທີ່​ຈະ​ແນ​ເປົ້າໝາຍ​ໃສ່​ການ​ຈັດ​ຕັ້ງລັດຖະບານ​ຊົ່ວຄາວຂຶ້ນ
ມາບໍລິຫານ​ຊີ​ເຣຍ ​ແລະກະກຽມ​ຊີ​ເຣຍສໍາ ລັບການ​ເລືອກ​ຕັ້ງ​ເພື່ອ​ປະຊາທິປະ​ໄຕ.

ສົງຄາມ​ໃນ​ຊີ​ເຣຍ ​ໄດ້​ສັງຫານ​ຜູ້​ຄົນ​ໄປ​ແລ້ວ ຫຼາຍກວ່າ ນຶ່ງ​ແສນ​ຄົນ ​ແລະ​ເຮັດ​ໃຫ້​ອີກ
ຫຼາຍລ້ານ​ຄົນ​ພັດ​ພາກ​ຈາກ​ຖິ່ນ​ຢູ່​ອາໄສ ນັບ​ຕັ້ງ​ແຕ່​ໄດ້​ເລີ້ມ​ຕົ້ນ​ຂຶ້ນ ​ເດືອນມີນາ ປີ 2011 ​ເປັນ​ຕົ້ນ​ມາ.

XS
SM
MD
LG