ລິ້ງ ສຳຫລັບເຂົ້າຫາ

ຊີເຣຍ ສ່ຽງ​ຕໍ່​ ການ​ພາດ​ເສັ້ນ​ຕາຍ​ ສໍາ ລັບ ກຳຈັດ ອາວຸດ​ເຄມີ (ວີດີໂອ)


ຖັງບັນຈຸອາວຸດເຄມີ ທີ່ປະປ່ອຍໄວ້ ບໍ່ມີການເຝົ້າຍາມ ໃນທະເລຊາຍຊີເຣຍ

ກະຊວງ​ການ​ຕ່າງປະ​ເທດສະຫະລັດ ກ່າວ​ວ່າ ຊີ​ເຣຍ ກໍ​າລັງສ່ຽງ​ຕໍ່
​ການ​ພາດ​ເສັ້ນ​ຕາຍ​ໃນວັນ​ທີ 30 ​ເດືອນ​ມິຖຸນາ ເພື່ອໃຫ້ກໍາ ຈັດອາວຸດ​
ເຄມີຂອງຕົນ.

​ໂຄສົກ​ຂອງກະຊວງການຕ່າງປະເທດສະຫະລັດ ທ່ານ​ນາງ Jen
Psaki ກ່າວໃນ​ວັນ​ສຸກ ​ວານ​ນີ້ວ່າ ຊີ​ເຣຍມີການຊັກຊ້າຢ່າງ​ໃຫຍ່່
ກ່ຽວກັບໝາຍກຳນົດ ໃນການທຳລາຍອາ​ວຸດ​ເຄມີ.

ທ່ານ​ນາງກ່າ​ວວ່າ ເຖິງ​ຢ່າງ​ໃດ​ກໍ​ດີສະຫະລັດຈະ​ກົດ​ດັນໃຫ້ຊີ​ເຣຍ
ເອົາ​ບາດກ້າວ​ ເພື່ອເລັ່ງລັດຂັ້ນຕອນການດຳເນີນງານ ​ໃຫ້​ທັນເວ
ລາ​ກັບ​ເສັ້ນ​ຕາຍ​ນັ້ນ ແມ່ນ​ຍັງເປັນ​ໄປ​ໄດ້ຢູ່.

ທ່ານ​ນາງ Psaki ກ່າວ​ວ່າ ມາຮອດ​ວັນ​ສຸກ​ວານ​ນີ້ ໜ້​ອຍກວ່າ 1 ສ່ວນ 3 ​ຂອງເຄື່ອງອຸບປະ
ກອນອາວຸດເຄມີຂອງຊີ​ເຣຍ ​ໄດ້​ຖືກ​ຍົກ​ຍ້າຍ​ອອກ​ຈາກ​ປະ​ເທດ ​ແລະລັດຖະບານ ​ໄດ້​ພາດ​ເປົ້າໝາຍທີ່ສຳຄັນໄລຍະກາງສອງຄັ້ງ​.

ຊີ​ເຣຍ ​ໄດ້​ຕົກລົງທຳລາຍອາວຸດ​ເຄມີ​ຂອງ​ຕົນ ​ເພື່ອ​ຫລີ​ກລ້ຽງການໂຈມ​ຕີ​ທາງ​ທະຫານຈາກ ສະຫະລັດທີ່ອາດຈະມີຂຶ້ນ ຫລັງ​ຈາກ​ໄດ້ມີ​ການໂຈມ​ຕີດ້ວຍ​ອາວຸດ​ເຄມີໃສ່​ພົນລ​ະເຮືອນໃນ ເດືອນສິງຫາປີກາຍນີ້ ຢູ່​ນອກ​ນະຄອນຫລວງ Damascus. ມີຫລາຍ​ກວ່າ 1,400 ຄົນ​ໄດ້
ເສຍຊີວິດ.

ຊີ​ເຣຍ ​ໄດ້​ຖິ້ມໂທດການໂຈມຕີ​ດັ່ງກ່າວໃສ່ພວກ​ຕໍ່ຕ້ານລັດຖະບານທີ່​ພວມຕໍ່ສູ້​ເພື່ອ​ໂຄ່ນ​ລົ້ມ
ປະທານາທິບໍດີ Bashar al-Assad.

XS
SM
MD
LG