ລິ້ງ ສຳຫລັບເຂົ້າຫາ

ຣັດ​ເຊຍ​ ​ສັນຍາວ່າ​ ຈະ​​ສະໜັບສະໜູນ ຊີເຣຍ ​ຈົນກວ່າ ອາເລັບໂປ “ປອດ​ຈາກ​ພວກ​ກໍ່​ການ​ຮ້າຍ”


ພາບນີ້ ສະໜອງໂດຍ ກຸ່ມປ້ອງກັນພົນລະເຮືອນຂອງຊີເຣຍ ທີ່ເອີ້ນວ່າ White Helmets ຊຶ່ງໄດ້ຖືກຢັ້ງຢືນຄວາມເຊື່ອຖື ອີງຕາມເນື້ອໃນຕ່າງໆ ຂອງພາບ ແລະ ການລາຍງານອື່ນໆ ຂອງອົງການຂ່າວ AP, ສະແດງໃຫ້ເຫັນຊາຍໜຸ່ມ ຊີເຣຍ ນັ່ງໃກ້ກັບສົບ ຫຼັງຈາກ ລູກປືນໃຫຍ່ຕົກໃສ່ເຂດ Jub al-Quba ໃນເມືອງອາເລັບໂປ ຂອງຊີເຣຍ, ວັນທີ 30 ພະຈິກ 2016. (Syrian Civil Defense White Helmets via AP)

ພາບນີ້ ສະໜອງໂດຍ ກຸ່ມປ້ອງກັນພົນລະເຮືອນຂອງຊີເຣຍ ທີ່ເອີ້ນວ່າ White Helmets ຊຶ່ງໄດ້ຖືກຢັ້ງຢືນຄວາມເຊື່ອຖື ອີງຕາມເນື້ອໃນຕ່າງໆ ຂອງພາບ ແລະ ການລາຍງານອື່ນໆ ຂອງອົງການຂ່າວ AP, ສະແດງໃຫ້ເຫັນຊາຍໜຸ່ມ ຊີເຣຍ ນັ່ງໃກ້ກັບສົບ ຫຼັງຈາກ ລູກປືນໃຫຍ່ຕົກໃສ່ເຂດ Jub al-Quba ໃນເມືອງອາເລັບໂປ ຂອງຊີເຣຍ, ວັນທີ 30 ພະຈິກ 2016. (Syrian Civil Defense White Helmets via AP)

ຣັດ​ເຊຍ​ໄດ້​ໃຫ້​ຄຳ​ໝັ້ນສັນຍາ​ໃນ​ວັນ​ພະຫັດ​ມື້ນີ້ວ່າ ຈະ​ສືບ​ຕໍ່​ໃຫ້ການ​ສະໜັບສະໜູນ
​ແກ່​ກຳລັງ​ຂອງ​ຊີ​ເຣຍ ​ໃນ​ເມືອງ Aleppo ຈົນ​ກວ່າ​ວ່າ ຫົວ​ເມືອງ​ດັ່ງກ່າວ “ປອດ​ຈາກ​
ພວກ​ກໍ່​ການ​ຮ້າຍ.”

ການ​ໃຫ້​ຄວາມ​ເຫັນ​ຂອງ​ລັດຖະມົນຕີ​ການ​ຕ່າງປະ​ເທດ​ຣັດ​ເຊຍ ທ່ານ Sergei Lavrov
ມີ​ຂຶ້ນຫລັງ​ຈາກ​ ການ​ພົບ​ປະ​ກັບ​ ຄູ່​ຕຳ​ແໜ່​ງຝ່າຍ​ເທີ​ກີ ທ່ານ Melvut Cavusoglu ທີ່​
ກ່າວ​ວ່າ ພວກ​ນັກ​ການ​ທູດ​ທັງ​ສອງ​ ໄດ້​ຕົກລົງ​ກັນໃນ​ຄວາມຈຳ​ເປັນ ​ທີ່​ຈະ​ບັນ​ລຸ​ການ​
ຢຸດ​ຍິງຢູ່​ໃນ​ຊີ​ເຣຍ.

ທະຫານລັດຖະບານຊີເຣຍ ຄົນໜຶ່ງ ຍົກນິວມື ສັນຍາລັກ ເປັນໂຕ V ຢູ່ກ້ອງທຸງຊາດຂອງຊີເຣຍ ໃນຂະນະທີ່ແນມອອກໄປທາງພາກຕາເວັນອອກ ຂອງເມືອງ ອາເລັບໂປ ຫຼັງຈາກທີ່ກອງທະຫານ ໄດ້ເຂົ້າຄວບຄຸມ ຄຸ້ມ al-Sakhour ໃນເມືອງ Aleppo, ຂອງຊີເຣຍ,ໃນພາບໃບປິວ ສະໜອງໂດຍ ອົງການຂ່າວ SANA ຂອງທາງການ, ວັນທີ 28 ພະຈິກ 2016.

ທະຫານລັດຖະບານຊີເຣຍ ຄົນໜຶ່ງ ຍົກນິວມື ສັນຍາລັກ ເປັນໂຕ V ຢູ່ກ້ອງທຸງຊາດຂອງຊີເຣຍ ໃນຂະນະທີ່ແນມອອກໄປທາງພາກຕາເວັນອອກ ຂອງເມືອງ ອາເລັບໂປ ຫຼັງຈາກທີ່ກອງທະຫານ ໄດ້ເຂົ້າຄວບຄຸມ ຄຸ້ມ al-Sakhour ໃນເມືອງ Aleppo, ຂອງຊີເຣຍ,ໃນພາບໃບປິວ ສະໜອງໂດຍ ອົງການຂ່າວ SANA ຂອງທາງການ, ວັນທີ 28 ພະຈິກ 2016.

ຣັດ​ເຊຍ​ແລະ​ເທີ​ກີ ​ໄດ້​ໃຫ້ການ​ສະໜັບສະໜູນ​ຄົນ​ລະ​ຝ່າຍ​ໃນ​ບັນຫາ​ຂັດ​ແຍ້​ງຊີ​ເຣຍ
ຄື​ຣັດ​ເຊຍ​ເປັນ​ພັນທະ​ມິດ ​ທີ່ແຂງ​ຂັນ ​ຂອງ​ປະທານາທິບໍດີ Bashar al-Assad ​ແລະ​
ເທີ​ກີ​ໃຫ້ການ​ສະໜັບສະໜູນ ​ພວກ​ຕໍ່ຕ້ານ ທີ່ໃຊ້​ເວລາ​ຫ້າ​ປີກ​ວ່າໆ ຫາ​ທາງ​ໂຄ່ນ​ລົ້ມ
​ທ່ານ Assad.

ການ​ບຸກ​ໂຈມ​ຕີ​ຂອງ​ກອງທັບ​ຊີ​ເຣຍ​ໃນ​ເມື​ອງ Aleppo ຊຶ່ງ​ຮວມທັງ​ການ​ໂຈມ​ຕີ ທາງ​ອາກາດ​ຂອງຣັດ​ເຊຍ ​ນຳ​ນັ້ນ​ ໄດ້​ເຮັດ​ໃຫ້​ນາໆ​ຊາດ ​ມີ​ຄວາມ​ເປັນ​ຫ່ວງ​ກ່ຽວ​ກັບ ຄວາມ
​ປອດ​ໄພ​ຂອງ​ພົນລະ​ເຮືອນ​ໃນ​ກ້ຳ​ຕາ​ເວັນ​ອອກ​ຂອງ​ເມືອງ Aleppo. ຊີ​ເຣຍ​ໄດ້​ກ່າວ
​ເຖິງ​ພວກ​ນັກ​ລົບ​ຕໍ່ຕ້ານ ​ລັດຖະບານ ​ມາ​ໄດ້​ດົນ​ນານ​ແລ້ວ​ວ່າ ​ເປັນ​ພວກ​ກໍ່​ການ​ຮ້າຍ.

ແຜນທີ່ເຂດເມືອງ ອາເລັບໂປ

ແຜນທີ່ເຂດເມືອງ ອາເລັບໂປ

ຫົວໜ້າດ້ານມະນຸດສະທຳ ຂອງອົງການສະຫະປະຊາຊາດ ຮຽກຮ້ອງໄປຍັງບັນດາ ປະເທດ ທີ່ມີອິດທິພົນ ໃຫ້ເຮັດທຸກສິ່ງທຸກຢ່າງພາຍໃຕ້ອຳນາດຂອງຕົນ ເພື່ອປົກປ້ອງ ພວກພົນລະເຮືອນ ຢູ່ທາງພາກຕາເວັນອອກຂອງເມືອງ Aleppo ຊຶ່ງ​ຄັ້ງນຶ່ງ​ເຄີຍເປັນ ເມືອງໃຫຍ່ທີ່ສຸດຂອງຊີເຣຍ ຈາກການທີ່ຈະກາຍເປັນ “ປ່າຊ້າາຂະໜາດ​ຍັກ.”

ທ່ານ Stephen O’Brien ໄດ້ກ່າວຕໍ່ກອງປະຊຸມສຸກເສີນຂອງສະພາຄວມໝັ້ນຄົງ ອົງການສະຫະປະຊາຊາດ ໃນວັນພຸດວານນີ້ວ່າ ມີຫຼາຍເຖິງ 25,000 ຄົນ ໄດ້ຖືກ ຍົກຍ້າຍອອກຈາກເຂດຕ່າງໆ ໃນພາກຕາເວັນອອກຂອງເມືອງ Aleppo ທີ່ຄວບຄຸມ ໂດຍຝ່າຍຕໍ່ຕ້ານລັດຖະບານ ນັບຕັ້ງແຕ່ວັນເສົາ ເປັນຕົ້ນມາ ແຕ່ວ່າ ຕົວເລກນັ້ນ ປ່ຽນແປງໄປ “​ໃນແຕ່ລະຊົ່ວໂມງ ແລະແຕ່ລະມື້.”

ທ່ານໄດ້ກ່າວຕໍ່ສະພາດັ່ງກ່າວ ໂດຍຜ່ານການເຊື່ອມໂຍງທາງວີດີໂອ ຈາກນະຄອນ
ຫຼວງ London ວ່າ “ມີ​ຄວາມ​ເປັນໄປໄດ້ວ່າ ອີກຫຼາຍໝື່ນຄົນຈະພາກັນຫລົບໜີ ຖ້າການສູ້ລົບຍັງສືບຕໍ່ຂະຫຍາຍອອກ ແລະ ທະວີຄວາມ​ຮຸນ​ແຮງຂຶ້ນ ໃນລະຍະ ສອງສາມມື້ຈະມາເຖິງນີ້.”

ໃນຂະນະທີ່ຄວາມສົນໃຈຂອງໂລກ ໄດ້ເພັ່ງເລັງໃສ່ພົນລະເຮືອນ ຫຼາຍກວ່າ 250,000 ຄັນທີ່ຍັງຕົກຄ້າງຢູ່ໃນພາກຕາເວັນອອກຂອງເມືອງອາເລັບໂປນັ້ນ ທ່ານ O’Brien ໄດ້ ເນັ້ນຢ້ຳວ່າ ຍັງມີພົນລະເມືອງ 700,000 ຄົນຕື່ມອີກ ຢູ່ໃນແຫ່ງອື່ນທົ່ວຊີເຣຍ ທີ່ໄດ້ຖືກ ປິດລ້ອມ.

ທ່ານໄດ້ກ່າວຕື່ມວ່າ “ພວກເຂົາເຈົ້າຕົກຄ້າງຢູ່ ພວກເຂົາເຈົ້າຢ້ານກົວຫຼາຍ ໃນຂະນະ ທີ່ລະດູໜາວ ກຳລັງໃກ້ເຂົ້າມາ ແລະພວກເຂົາເຈົ້າ ກຳລັງເບິ່ງເຫດການ​ແບບ​ຂວັນ​
ຫົວ​ລຸກ ຢູ່ໃນເມືອງອາເລັບໂປ ທີ່ກຳລັງເກີດຂຶ້ນ ແລະຖາມວ່າ ພວກເຮັາຈະເປັນ
ຈຸຕໍ່ໄປ ຫຼືບໍ່?”

ທ່ານ O’Brien ໄດ້ຮຽກຮ້ອງຕໍ່ສະພາຄວາມໝັ້ນຄົງ ໃຫ້ເອົາຊະນະຄວາມ​ເຫັນ ທີ່​ແຕກ​ຕ່າງ​ກັນ​ກ່ຽວ​ກັບຊີເຣຍ ມາເປັນເວລາດົນນານ​ແລ້ວນັ້ນ ເພື່ອ “ຍຸຕິຄວາມໂຫດຮ້າຍ
ແລະ ຫລີກລ່ຽງຊະຕາກຳທີ່ຄ້າຍຄືກັນນີ້ ຈະເກີດຂຶ້ນຕໍ່ຊາວຊີເຣຍ​ ໃນແຫ່ງອື່ນ ເຊັ່ນກັນ.”

ທ່ານໄດ້ກ່າວອີກວ່າ ສາມຢ່າງທີ່ສຳຄັນສຸດຄື: ປົກປ້ອງພວກພົນລະເຮືອນ ການເຂົ້າ ເຖິງຂອງພະນັກງານຊ່ອຍເຫຼືອຢ່າງປອດໄພ ແລະປາດສະຈາກການກີດກັ້ນ ແລະ ຍຸຕິການປິດລ້ອມທັງຫຼາຍ.

ອ່ານຂ່າວນີ້ຕື່ມ ເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG