ລິ້ງ ສຳຫລັບເຂົ້າຫາ

ທ່ານນາງ Clinton ຫາລືກ່ຽວກັບ ເລື່ອງຊີເຣຍ ຢູ່ເທີກີ

  • ໄພສານ ວໍຣະຈັກ

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton (ຊ້າຍ) ແລະລັດຖະມົນຕີການຕ່າງປະເທດເທີກີ ທ່ານ Ahmet Davutoglu ພວມໂອ້ລົມກັນ ຫຼັງຈາກກອງປະຊຸມຖະແຫຼງຂ່າວ ທີ່ນະຄອນອິສຕັນບູລ ປະເທດເທີກີ (11 ສິງຫາ 2012)

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton (ຊ້າຍ) ແລະລັດຖະມົນຕີການຕ່າງປະເທດເທີກີ ທ່ານ Ahmet Davutoglu ພວມໂອ້ລົມກັນ ຫຼັງຈາກກອງປະຊຸມຖະແຫຼງຂ່າວ ທີ່ນະຄອນອິສຕັນບູລ ປະເທດເທີກີ (11 ສິງຫາ 2012)

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ​ນາງ Hillary Clinton ພວມຢູ່ທີ່​ປະ​ເທດ​ເທີ​ກີ
​ເພື່ອ​ປຶກສາ​ຫາລື​ກ່ຽວ​ກັບເລື່ອງ​ຊີ​ເຣຍ ນຶ່ງ​ມື້ຫຼັງຈາກ​ວໍ​ຊິງ​ຕັນ​ກ່າວວ່າຕົນ​ຈະ​ທຳ​ການ​ລົງ​ໂທດ
​ຮອບ​ໃໝ່​ຕໍ່​ດາ​ມັສກັສ​ແລະ​ພວກ​ສະໜັບສະໜຸນ​ຊີເຣຍ.

ທ່ານ​ນາງ Clinton ​ເດີນທາງ​ໄປ​ເຖິງ​ນະຄອນອິສຕັນ​ບູລ​ໃນ​ຕອນ​ເຊົ້າຂອງ​ວັນ​ເສົາ​ມື້ນີ້ ລຸນ​ຫຼັງ
ທີ່​ໄດ້​ສິ້ນສຸດ​ການ​ຢ້ຽມຢາມ 9 ປະ​ເທດ​ໃນ​ອາ​ຟຣິກາ​ເປັນ​ເວລາ 11 ມື້.

​ເຈົ້າໜ້າ​ທີ່​ເວົ້າວ່າ ທ່ານ​ນາງ Clinton ຈະ​ໄດ້​ພົບ​ປະ​ກັບ​ປະທານາທິບໍດີ Abdullah Gul ນາ
ຍົກລັດຖະມົນຕີ Recep Tayyip Erdogan ​ແລະ​ເຈົ້າໜ້າທີ່​ຄົນ​ອື່ນໆ​ຂອງ​ເທີ​ກີເພື່ອ​ປຶກສາ
​ຫາລື​ກ່ຽວ​ກັບ​ວ່າ ​ຈະ​ຮັບ​ມື​ແບບ​ໃດ​ກັບປະ​ເທດຊີ​ເຣຍຊຶ່ງ​ເປັນ​ເພື່ອນ​ບ້ານ​ຂອງ​ເທີ​ກີ​ນັ້ນ. ​ເທີ​ກີ
ໃຫ້​ບ່ອນ​ພັກ​ພາ​ອາ​ໄສ​ແກ່​ຊາວ​ຊີ​ເຣຍຈຳນວນ​ຫຼາຍໆ​ສິບ​ພັນ​ຄົນ ທີ່ໄດ້​ຫຼົບໜີຄວາມ​ຮຸນແຮງ​ຢູ່
ໃນ​ບ້ານ​ເກີດ​ເມືອງ​ນອນ​ຂອງ​ພວກ​ເຂົາ​ເຈົ້າ.

ທ່ານ David Cohen ​ເຈົ້າໜ້າ​ທີ່​ອະ​ວຸ​ໂສ​ຂອງ​ກະຊວງ​ການ​ເງິນ​ສະຫະລັດ ຮັບຜິດຊອບເລື່ອງ​
ສືບ​ລັບກ່ຽວ​ກັບ​ການ​ກໍ່​ການ​ຮ້າຍ​ແລະ​ການ​ເງິນ ກ່າວ​ຕໍ່​ພວກນັກ​ຂ່າວ​ໃນ​ວັນ​ສຸກ​ວານ​ນີ້ວ່າ ວໍ​
ຊິງ​ຕັນຈະ​ເຂັ້ມງວດ​ຫຼາຍຂຶ້ນກ່ຽວ​ກັບ​ການ​ລົງໂທດ​ຕ່າງໆ​ທີ່​ມີ​ຢູ່​ແລ້ວ​ພ້ອມ​ທັງ​ຈະເພີ່ມ​ການ​ລົງ​
ໂທດ​ໃໝ່​ຕື່ມ​ອີກ. ທ່ານ Cohen ​ໄດ້​ກ່າວ​ຫາ​ກຸ່ມ​ຫົວ​ຮຸ​ນ​ແຮງ Hezbollah ​ແລະ​ອີຣ່ານວ່າໃຫ້
ການ​ຊ່ອຍ​ເຫຼືອໃນ​ການ​ປາບ​ປາມ​ປະຊາຊົນ​ຊາວ​ຊີ​ເຣຍ.

XS
SM
MD
LG