ການຮັບເອົາການຢຸດຍິງຂອງຊີເຣຍ ທີ່ຮ່າງຂຶ້ນໂດຍທ່ານໂກຟີອັນນັນ ທູດພິເສດສະຫະປະຊາຊາດນັ້ນ ກໍາລັງໄດ້ຮັບການຮັບຕ້ອນ ດ້ວຍຄວາມສົງໄສໂດຍບັນດານັກການທູດຝ່າຍຕາເວັນຕົກແລະບຸກຄົນສໍາ ຄັນຂອງຝ່າຍຄ້ານຊີເຣຍ ຂະນະທີ່ການສູ້ລົບກັນຍັງດໍາເນີນຕໍ່ໄປລະ ຫວ່າງກໍາລັງຂອງລັດຖະບານແລະພວກກະບົດນັ້ນ.
ພວກສະມາຊິກຝ່າຍຄ້ານກ່າວຫາປະທານາທິບໍດີ Bashar al-Assad ທີ່ຕົກລົງຮັບເອົາແຜນການຢຸດຍິງນັ້ນ ແມ່ນເພື່ອໜ່ວງເວລາ ຂະນະທີ່ພວກທະຫານຂອງທ່ານທໍາການຕີໂຕ້ຄືນເພື່ອສັງຫານພວກຄັດຄ້ານລັດ ຖະບານໃນເຂດຕ່າງໆນັ້ນ. ທ່ານ Louay Safi ຈາກກຸ່ມ ສະພາປົກ ຄອງແຫ່ງຊາດຊົ່ວຄາວຊີເຣຍ ກ່າວໃນວັນອັງຄານວານນີ້ວ່າ ກຸ່ມຝ່າຍຄ້ານບໍ່ມີຄວາມໄວ້ໃຈໃນອໍານາດປົກຄອງໃນປັດຈຸບັນ ແລະກໍບໍ່ແນ່ໃຈວ່າເປັນຍຸດທະວິທີທາງດ້ານການເມືອງ ຫຼືການເຄື່ອນໄຫວທີ່ແທ້ຈິງນັ້ນ.
ທ່ານນາງຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດ ເອີ້ນການຮັບເອົາ
ແຜນການຂອງຊີເຣຍນັ້ນວ່າ ເປັນບາດກ້າວທໍາອິດທີ່ສໍາຄັນອັນນຶ່ງ ແລະກ່າວຕໍ່ໄປວ່າ ບັດ
ນີ້ເລື້ອງສໍາຄັນນັ້ນກໍແມ່ນການປະ ຕິບັດ ຊຶ່ງທ່ານນາງຄລິນຕັນກ່າວດັ່ງນີ້:
"ທ່ານນາງຄລິນຕັນ ກ່າວວ່າ ເມື່ອເບິ່ງປະວັດຄວາມເປັນມາຂອງທ່ານອັສສັສ ທີ່ໃຫ້ຄໍາ
ໝັ້ນສັນຍາເກີນກໍານົດ ແລະບໍ່ໄດ້ປະຕິບັດຕາມຄໍາໝັ້ນສັນຍາທີ່ໃຫ້ໄວ້ນັ້ນວ່າ ບັດນີ້ຄໍາ
ໝັ້ນສັນຍານັ້ນຈະຕ້ອງໃຫ້ສອດຄ້ອງກັບການປະຕິບັດໃນທັນທີ. ພວກເຮົາຈະຊັ່ງຊາຕີ
ລາຄາເບິ່ງຄວາມຈິງໃຈ ແລະຄວາມເອົາຈິງເອົາຈັງຂອງທ່ານອັສສັສໃນອັນທີທ່ານກະ
ທໍາບໍ່ແມ່ນ ອັນທີ່ທ່ານເວົ້າ. ຖ້າຫາກທ່ານພ້ອມແລ້ວ ທີ່ຈະປິດສາກລົງ ຍຸກສະໄໝ ອັນ
ມືດມົນໃນປະວັດສາດຂອງຊີເຣຍນັ້ນ ຊຶ່ງທ່ານອັສສັສສາມາດພິສູດໃຫ້ເຫັນໄດ້ ໂດຍ
ສັ່ງໃຫ້ພວກທະຫານຂອງອໍານາດປົກຄອງຢຸດການສູ້ລົບແລະເລີ້ມຖອນທະຫານອອກ
ຈາກຂົງເຂດທີ່ປະຊາຊົນອາໄສຢູ່ຢ່າງໜາແໜ້ນໃນທັນທີນັ້ນ."
ທ່ານນາງຄລິນຕັນໄດ້ຮຽກຮ້ອງໃຫ້ທັງຝ່າຍລັດຖະບານຊີເຣຍແລະພວກຝ່າຍຄ້ານພາ
ກັນເອົາບາດກ້າວຕ່າງໆໃນບໍ່ເທົ່າໃດມື້ຂ້າງໜ້ານີ້ ເພື່ອຢຸດເຊົາການນອງເລືອດກັນນັ້ນ.
ສະຫະປະຊາຊາດກ່າວໃນວັນອັງຄານວານນີ້ວ່າ ຈໍານວນປະຊາຊົນທີ່ເສຍຊີວິດໃນການ
ປາບປາມຂອງລັດຖະບານຊີເຣຍໄດ້ເພີ່ມຂຶ້ນເປັນ ຫຼາຍກວ່າ 9 ພັນຄົນແລ້ວ ຊຶ່ງເປັນ
ຈໍານວນປະມານ 1000 ຄົນຫຼາຍກວ່າທີ່ສະຫະປະຊາຊາດໄດ້ກະປະມານໄວ້ກ່ອນໜ້າ
ນັ້ນ.
ໃນຖ້ອຍຖະແຫຼງຕໍ່ສະພາຄວາມໝັ້ນຄົງອົງການສະຫະປະຊາຊາດນັ້ນ ທ່ານ Robert
Serry ທູດພິເສດວ່າດ້ວຍພາກຕາເວັນອອກກາງກ່າວວ່າ ຄວາມຮຸນແຮງໃນຊີເຣຍຍັງ
ສືບຕໍ່ບໍ່ມີການຜ່ອນຄາຍລົງ ແລະການປ້ອງກັນບໍ່ໃຫ້ສະຖານະການເພີ່ມຄວາມຮຸນແຮງ
ຂຶ້ນນັ້ນ ເປັນເລື້ອງທີ່ “ຣີບດ່ວນ”. ກຸງດາມັສກັສ ຖິ້ມໂທດຄວາມວຸ້ນວາຍນີ້ໃສ່ອັນທີ່ເອີ້ນ
ວ່າ ພວກກໍ່ການ ຮ້າຍທີ່ໄດ້ຮັບການໜຸນຫຼັງຈາກຕ່າງປະເທດ.