ພວກນັກສັງເກດການສະຫະປະຊາຊາດຈຸນຶ່ງນ້ອຍໆໃນຊີເຣຍ ກໍາລັງທໍາການຢ້ຽມຢາມ
ຄຸ້ມ Zabadani ໃນເຂດຊານເມືອງຫລວງດາມັສກັສໃນຄວາມຫວັງເພື່ອສ້າງຄວາມແຂງ
ແຮງໃຫ້ແກ່ຂໍ້ຕົກລົງຢຸດຍິງ ທີ່ບໍ່ສາມາດຈະຍຸດຕິການສູ້ລົບກັນມາ ເປັນເວລາ 13 ເດືອນ
ແລ້ວນັ້ນ.
ທ່ານ Neeraj Singh ໂຄສົກປະຈໍາກຸ່ມກອງໜ້າ 8 ຄົນຂອງຄະນະນັກສັງເກດການສະຫະ
ປະຊາດ ກ່າວວ່າ ຈະມີນັກສັງເກດການອີກ 2 ຄົນ ໄປສົມທົບກັບກຸ່ມຂອງທ່ານໃນວັນຈັນມື້ນີ້.
ໃນຂະນະດຽວກັນ ສະຫະພາບຢູໂຣບມີກໍານົດຈະປະກາດຫ້າມຂາຍພວກສິນຄ້າຫລູຫລາ
ໃຫ້ຊີເຣຍ ແລະອຸບປະກອນຕ່າງໆທີ່ໃຊ້ໄດ້ສອງທາງ ທີ່ສາມາດໃຊ້ໃນການປາບປາມປະ
ຊາຊົນນັ້ນ. ແຫຼ່ງຂ່າວທາງການທູດ ກ່າວວ່າ ຈະມີການລົງມະຕິຮັບເອົາມາດຕະການດ້ານ
ເສດຖະກິດເຫລົ່ານີ້ ໃນກອງປະຊຸມຂອງບັນດາລັດຖະມົນຕີຕ່າງປະເທດຂອງສະຫະພາບ
ຢູໂຣບທີ່ປະເທດ Luxembourg ໃນວັນຈັນມື້ນີ້.
ຂອບເຂດຂອງການຫ້າມຂາຍເຄື່ອງຫລູຫລານີ້ ຍັງບໍ່ທັນໄດ້ມີການກໍານົດເທື່ອ ແຕ່ວັດຖຸປະ
ສົງແມ່ນເພື່ອສົ່ງຂໍ້ຄວາມທີ່ເປັນສັນຍະລັກຕໍ່ວິຖີດໍາເນີນຊີວິດທີ່ຫລູຫລາຂອງປະທານາທິບໍດີ
Bashar al-Assad ແລະພັນລະຍາຄືທ່ານນາງ Asma ທີ່ເປັນຄົນອັງກິດນັ້ນ.
ສິນຄ້າທີ່ໃຊ້ໄດ້ທັງສອງຢ່າງ ສາມາດຮວມທັງສິ່ງຕ່າງໆ ນັບແຕ່ຍານພາຫະນະແລະຝຸ່ນ
ປຸ໋ຍແລະເຄື່ອງເຄມີອື່ນໆ.