ຣັດເຊຍກ່າວວ່າ ຕົນຈະສະໜັບສະໜຸນຮ່າງຍັດຕິສະບັບນຶ່ງຂອງສະພາຄວາມໝັ້ນຄົງສະ
ຫະປະຊາຊາດທີ່ໃຫ້ການໜຸນຫຼັງຕໍ່ແຜນການສ້າງສັນຕິພາບໃນຊີເຣຍຂອງທ່ານໂກຟີ ອັນ
ນັນ ທູດພິເສດຂອງສະຫະປະຊາຊາດນັ້ນ.
ແຕ່ລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ກ່າວໃນວັນອັງຄານມື້
ນີ້ວ່າ ສະພາຄວາມໝັ້ນຄົງຄວນຈະພິຈາລະນາຂໍ້ສະເໜີຕ່າງໆໃນຖານະເປັນພື້ນຖານອັນ
ນຶ່ງສໍາລັບການດໍາເນີນງານຕໍ່ໄປຂອງທ່ານອັນນັນ ສໍາລັບການແກ້ໄຂວິກິດການ ແລະບໍ່
ແມ່ນຄໍາຂາດບັ້ນສຸດທ້າຍ.
ສະພາຄວາມໝັ້ນຄົງຈະພົບປະກັນໃນຕອນແລງວັນອັງຄານມື້ນີ້ ທີ່ນະຄອນນີວຢອກ ເພື່ອ
ທໍາການອະພິປາຍກັນເລື້ອງຮ່າງຍັດຕິຂອງຝຣັ່ງສະບັບນຶ່ງ ທີ່ຮຽກຮ້ອງໃຫ້ເອົາມາດຕະ
ການຕ່າງໆຕື່ມອີກທີ່ເປັນໄປໄດ້ໃນອະນາຄົດ ຖ້າຫາກລັດຖະບານຊີເຣຍບໍ່ຍອມຮັບເອົາ
ແຜນການສັນຕິພາບຂອງອະດີດຫົວໜ້າອົງການສະຫະປະຊາຊາດນັ້ນ. ທ່ານອັນນັນ
ຮຽກຮ້ອງໃຫ້ມີການຢຸດຍິງກັນ ແລະການພົບປະເຈລະຈາກັນລະຫວ່າງພວກກະບົດຊີເຣຍ
ແລະລັດຖະບານ.
ຈີນແລະຣັດເຊຍ ເຄີຍໃຊ້ສິດຍັບຍັ້ງມາກ່ອນແລ້ວ 2 ຄັ້ງ ຕໍ່ຂໍ້ສະເໜີຕ່າງໆຂອງສະພາ
ຄວາມໝັ້ນຄົງກ່ຽວກັບຊີເຣຍໂດຍກ່າວວ່າ ຂໍ້ສະເໜີເຫລົ່ານັ້ນແມ່ນເຂົ້າແຊກແຊງໃນກິດ
ຈະການພາຍໃນຂອງຊີເຣຍນັ້ນ.
ໃນຂະນະດຽວກັນ ທ່ານພັນກິມູນ ເລຂາທິການໃຫຍ່ສະຫະປະຊາຊາດ ກ່າວວ່າ ສະຖາ
ນະການໃນຊີເຣຍໄດ້ກາຍມາເປັນເລື້ອງທີ່ຮັບເອົາບໍ່ໄດ້ ແລະໂຍະຍານໃຫ້ບໍ່ໄດ້.
ໃນການກ່າວຖ້ອຍຖະແຫລງຕໍ່ກໍາລັງຮັກສາສັນຕິພາບກຸ່ມນຶ່ງທີ່ອິນໂດເນເຊຍໃນວັນອັງຄານ
ມື້ນີ້ ທ່ານພັນກິມູນໄດ້ຮຽກຮ້ອງໃຫ້ສະພາຄວາມໝັ້ນຄົງຮ່ວມສາມັກຄີກັນກ່ຽວກັບເລື້ອງຊີ
ເຣຍ ໂດຍກ່າວວ່າ ພວກເຮົາຈະບໍ່ໃຊ້ເວລາຕື່ມແລະເສຍເວລາຕື່ມອີກບໍ່ໄດ້. ການຊັກຊ້າ
ເວລາຕື່ມອີກ 1 ນາທີ ຫລືຕື່ມອີກຊົ່ວໂມງນຶ່ງ ຈະໝາຍຄວາມວ່າ ປະຊາຊົນຈະເສຍຊີວິດ
ໄປຕື່ມອີກ . ອັນນີ້ມັນແມ່ນຄວາມຮັບຜິດຊອບດ້ານສິນລະທໍາແລະມີຄວາມຫຼໍ່ແຫຼມສຳຄັນ
ສຸດສໍາລັບປະຊາຄົມນາໆຊາດ.