ລິ້ງ ສຳຫລັບເຂົ້າຫາ

ສະພາຄວາມໝັ້ນຄົງ ສປຊ ພິຈາລະນາ ຮ່າງຍັດຕິໃໝ່ ກ່ຽວກັບຊີເຣຍ (ເບິ່ງວີດີໂອ)


ພວກປະທ້ວງລະບອບການປົກຄອງຂອງຊີເຣຍ ແບກຫາມທະຫານ ຊິເຣຍທີ່ໂຕນໜີ ພາກັນຮ້ອງໂຮປະນາມ ປະທານາທິບໍດີຊິເຣຍ ທ່ານ Bashar Assad ທີ່ເມືອງ Rastan ໃນແຂວງ Homs, ພາກກາງຂອງຊິເຣຍ, ໃນວັນຈັນເດືອນມັງກອນທີ 30, 2012.

ສະມາຊິກ​ສະພາ​ຄວາມ​ໜັ້ນຄົງ​ຂອງອົງການ​ສະຫະ​ປະຊາ​ຊາດ ກໍາລັງ​ພິຈາ
ລະ​ນາຮ່າງ​ຍັດຕິ​ສະບັບ​ໃໝ່​ໃນ​ວັນ​ສຸກ​ນີ້​ເພື່ອ​ຢຸດຕິການ​ນອງ​ເລືອດ​ໃນ
ຊີ​ເຣຍ ດ້ວຍ​ບົດເພີ່ມ​ຕື່ມ​ທີ່​ແນ​ໃສ່​ເພື່ອ​ເອົາຊະນະ​ການ​ຄັດຄ້ານຈາກ ຣັດ​ເຊຍ.

ບັນດາ​ນັກ​ການ​ທູດ​ຂອງ​ອົງການ​ສະຫະ​ປະ​ຊາ​ຊາດ​ກ່າວ​ວ່າ ຮ່າງ​ຍັດຕິສະບັບ
ໃໝ່​ ຈະ​ຖືກສົ່ງກັບ​ໄປ​ຫາລັດຖະບານ​ຂອງ​ເຂົາເຈົ້າ​ເພື່ອ​ຊັ່ງຊາ​ຕີລາຄາ ​ແຕ່​ຍັງ
ບໍ່​ເປັນ​ທີ່​ຈະ​ແຈ້້ງ​ເທື່ອວ່າ ການ​ດັດ​ແປງ​ແກ້​ໄຂ​ທີ່​ວ່າ​ນີ້​ຈະໄດ້​ຮັບ​ການ​ອະນຸມັດ
ຈາກສະພາຄວາມ​ໝັ້ນຄົງ​ ທີ່​ມີ​ສະມາຊິກ 15 ປະ​ເທດນັ້ນ​ຫລື​ບໍ່.

ໃນ​ວັນພ​ະຫັດ​ວານ​ນີ້ ​ພວກ​ນັກ​ການ​ທູດ​ສະຫະ​ປະຊາ​ຊາດ ​ບໍ່​ສາມາດ​ບັນລຸ​
ການ​ຕົກລົງ​ກ່ຽວ​ກັບ​ຮ່າງ​ຍັດຕິ​ຂອງ ຢູ​ໂຣບ-ອາຣັບ ​ເພື່ອ​ຍຸຕິ​ການ​ນອງເລືອດ​
ໃນຊີ​ເຣຍ ຫລັງ​ຈາກ​ທີ່ໄດ້ມີການ​ສົນທະນາ​ກັນ​ມາເປັນ​ເວລາສາມ​ຄັ້ງ​ແລ້ວ.

ຮ່າງ​ຍັດຕິ​ສະບັບກ່ອນໄດ້​ກ່າວ​ວ່​າ ສະພາຄວາມ​ໝັ້ນຄົງ “ໃຫ້ການສະໜັບສະ​ໜຸນ
ຢ່າງເຕັມທີ່” ຕໍ່ໍຂໍ້ສະເໜີຂອງສັນນິບາດອາຣັບ ເພື່ອໃຫ້ມີການ​ຫັນປ່ຽນ​ດ້ານການ
ເມືອງໃນຊິເຣຍ ແຕ່ບໍ່ໄດ້ຮວມທັງການຮຽກຮ້ອງຢ່າງ​ຈະ​ແຈ້ງ ​ໃຫ້ປະທານາທິບໍດີ
Bashar Al-Assad ມອບ​ໂອນ​ອຳນາດ ແລະຈັດຕັ້ງລັດຖະບານສາມັກຄີ​ຊາດ
ກ່ອນການເລືອກຕັ້ງ.

ເອກອັກຄະລັດຖະທູດ ຣັດເຊຍປະຈຳ​ສະຫະ​ປະຊາ​ຊາດ ທ່ານ Vitaly Churkin ໄດ້ກ່າວຢູ່ໃນກອງປະຊຸມປິດລັບຂອງອົງການ​ສະຫະ​ປະຊາຊາດ​ ໃນວັນພະຫັດ
ນີ້ວ່າ ມົສກູ ຈະ​ໃຊ້​ສິດຢັບຢັ້ງຕໍ່ຮ່າງ​ຍັດຕິ ຖ້າ​ຫາກມີ​ການ​ນຳ​ສະ​ເໜີ​ໂດຍທີ່ຍັງມີ
ຂໍ້ຄວາມວ່າ “ໃຫ້ການ​ສະໜັບສະໜຸນຢ່າງ ເຕັມທີ່” ຢູ່ນຳ.

ຣັດເຊຍ ຊຶ່ງ​ເປັນສະມາຊິກສະພາຄວາມໝັ້ນຄົງທີ່​ສາມາດ​ໃຊ້​ສິດ​ຢັບຢັ້ງ ຫຼືວີ​ໂຕ້​
ໄດ້​ນັ້ນ ໄດ້ໃຫ້ຄໍາໝັ້ນສັນຍາວ່າ ຈະປະຕິເສດຕໍ່ຮ່າງ​ຍັດຕິ​ໃດໆ​ກໍຕາມທີ່​ໃຫ້​ຮ່ອງ
ຮອຍ​ວ່າຈະ​ມີ​ການ​ປ່ຽນລະບອບການ​ປົກຄອງ​ຫຼືບໍ່​ໄດ້​ປະຕິ​ເສດຢ່າງ​ຈະ​ແຈ້ງ​ເຖິງ
ຄວາມ​ເປັນ​ໄປ​ໄດ້​ໃນ​ການ​ແຊກ​ແຊງ​ທາງ​ທະຫານ​ຂອງ​ຕ່າງປະ​ເທດ.

ທ່ານ Chrukin ໄດ້ຢືນຢູ່ສາຍກາງກ່ຽວ​ກັບ​ວ່າຣັດເຊຍ ຈະ​ໃຫ້ການ​ອະນຸມັດ​ຕໍ່​
ການ​ໃຊ້​ຄຳ​ເວົ້າ​ໃໝ່​ເຫຼົ່ານີ້ຫຼືບໍ່ ໃນຂະນະດຽວກັນ ທ່ານນາງSusan Rice ​
ເອກ​ອັກຄະ​ລັດຖະທູດສະຫະຣັດ ປະຈໍາອົງການສະຫະປະຊາຊາດ ບໍ່ໄດ້​ໃຫ້
ຄວາມ​ສຳຄັນ​ກ່ຽວ​ກັບ​ຄວາມ​ຄາດ​ຫວັງ​ດັ່ງກ່າວ ແລະກ່າວວ່າການເຈລະຈາກໍາ
ລັງດໍາເນີນຢູ່ຕໍ່ໄປ.

ເບິ່ງວີດີໂອ ຊີເຣຍຫັນໄປຂໍການຊ່ອຍເຫຼືອທາງທະຫານເພີ່ມຂຶ້ນຈາກອີຣ່ານ

XS
SM
MD
LG