ລິ້ງ ສຳຫລັບເຂົ້າຫາ

ພວກນັກເຄຶ່ອນໄຫວ ກ່າວວ່າ ທະຫານລັດຖະບານ ສັງຫານພົນລະເຮືອນ ຫລາຍກວ່າ 100 ຄົນ

  • ທອງປານ ເທບວົງສາ

ການປາບປາມຢ່າງນອງເລືອດຕຊ່ພວກປະທ້ວງໃນຊີເຣຍຍັງດໍາເນີນຕໍ່ໄປ

ການປາບປາມຢ່າງນອງເລືອດຕຊ່ພວກປະທ້ວງໃນຊີເຣຍຍັງດໍາເນີນຕໍ່ໄປ

ພວກ​ນັກ​ເຄື່ອນ​ໄຫວ​ດ້ານ​ສິດທິ​ມະນຸດຂອງຊີເຣຍກ່າວ​ວ່າ ທະ​ຫານ​ລັດຖະບານ​ໄດ້​ສັງຫານ
ພົນລະ​ເຮືອນ 100 ຄົນ ແລະ​ພວກທະຫານທີ່​ໂຕນ​ໜີ​ອີກ ຫລາຍ​ສິບ​ຄົນ​ເມື່ອ​ວັນ​ອັງຄານ
ວານ​ນີ້ ​ໃນ​ເຫດການ​ກໍ່​ຄວາມ​ຮຸນ​ແຮງ​ທີ່​ຮ້າຍແຮງ​ສຸດ​ບັນ​ນຶ່ງ ນັບ​ຕັ້ງ​ແຕ່​ໄດ້​ມີ​ການ​ລຸກ​ຮື​ຕໍ່
ຕ້ານ​ລັດຖະບານຊຶ່ງ​ເລິ່ມຂື້ນ​ໃນ ​ເດືອນ​ມີນາ​ຜ່ານ​ມາ.

ກຸ່ມ​ສິ້ງ​ຊອມ​ສິດທິ​ມະນຸດຊີ​ເຣຍ ທີ່​ມີ​ສໍານັກງານ​ໃຫຍ່​ຢູ່​ນະຄອນຫລວງ​ລອນດອນ​ຂອງ​ອັງ
ກິດ ກ່າວ​ເມື່ອ​ວັນ​ພຸດ​ມື້​ນີ້​ວ່າທະ​ຫານ​ລັດຖະບານ​ໄດ້​ສັງຫານ 111 ຄົນ ຫລັງ​ຈາກ​ທໍາ​ການ
ປິດ​ລ້ອມ​ພວກ​ພົນລະ​ເຮືອນ​ໃນ​ໝູ່​ບ້ານ Kafruwed ​ໃນ​ແຂວງ Idlib ທາງ​ພາກ​ຕາ​ເວັນ​ຕົກ
ສຽງເໜືອຂອງ​ຊີ​ເຣຍ ນັ້ນ.

ການ​ໂຈມ​ຕີ​ທີ່​ລາຍ​ງານ​ເມື່ອ​ວັນ​ອັງຄານ​ວານ​ນີ້ ມີ​ຂຶ້ນ​ໃນ​ຂະນະ​ທີ່​ພວກ​ສັງ ​ເກດ​ການ​ຕ່າງ
ປະ​ເທດ​ຕຽມ​ເຂົ້າ​ໄປ​ໃນ​ຊີ​ເຣຍ ​ໃນ​ຄວາມ​ພະຍາຍາມ​ເພື່ອ​ຍຸຕິ ຄວາມ​ບໍ່​ສະຫງົບ​ຢ່າງ​ນອງ​
ເລືອດທີ່​ດຳ​ເນີນ​ມາເປັນ​ເວລາ​ເກົ້າ​ເດືອນ​ນັ້ນ.

ນອກ​ນີ້​ແລ້ວ ພວກ​ເຫັນ​ເຫດການຍັງ​ບອກ​ກຸ່ມ​ສິ້ງ​ຊອມ​ວ່າ ທະຫານ​ຂອງ ລັດຖະບານ​ໄດ້
ປິດ​ລ້ອມພວກທະຫານ​ທີ່​ໂຕນ​ໜີກຸ່ມ​ນຶ່ງ​ໃນ​ແຂວງ Idlib ທີ່​ໄດ້ສັງ​ຫານຫລືເຮັດ​ໃຫ້​ພວກ​
ກ່ຽວ​ບາດ​ເຈັບ​ຫລາຍ​ເຖິງ 100 ຄົນ. ນອກ​ນີ້​ກໍ​ມີ​ລາຍ​ງານ ກ່ຽວ​ກັບການ​ຕາຍ​ຂອງພວກ
ພົນລະ​ເຮືອນ​ໃນ​ຂົງ​ເຂດອື່ນໆ​ນັ້ນ​ນໍາ

ການ​ກ່າວ​ອ້າງ​ຂອງກຸ່ມ​ສິ້ງ​ຊອມ ບໍ່​ອາດ​ສາມາດ​ຢືນຢັນ​ຈາກ​ແຫ​ລ່ງຂ່າວ​ອິດ​ສະຫຼະໄດ້​ເທື່ອ​
ໃນ​ເວລາ​ນີ້ ​ເນຶ່ອງຈາກ​ວ່າ ຊີ​ເຣຍຍັງ​ວາງ​ຂໍ້​ຈໍາກັດ​ຮັດແຄບ​ບໍ່​ໃຫ້ພວກ​ນັກ​ຂ່າວ​ຕ່າງປະ​ເທດ
ເຂົ້າ​ໄປ​ໃນ​ປະ​ເທດ.

ພວກ​ເຈົ້າໜ້າ​ທີ່​ສັນນິບາດ​ຊາດ​ອາຫຣັບກ່າວ​ວ່າ ພວກ​ທີ​ມງານ​ລ່ວງ​ໜ້າ ຈະ​ເດີນທາງ​ໄປ
ເຖິງ​ຊີ​ເຣຍ​ໃນ​ວັນ​ພະຫັດ​ມື້​ອື່ນ​ນີ້ ​ເພື່ອ​ຕຽມ​ພາລະກິດ​ສັງ​ເກດການ ຊຶ່ງ​ໃນ​ທີ່​ສຸດ​ແລ້ວ ​ແມ່ນ
ພົວພັນ​ກັບ​ເຈົ້າໜ້າ​ທີ່​ສັງ​ເກດ​ການຫຼາຍຮ້ອຍ​ຄົນ. ທີ​ມສັງ​ເກດ​ການ​ດັ່ງກ່າວ ມີ​ໂຮມ​ທັງພວກ
ຊ່ຽວຊານດ້ານ​ຄວາມ ປອດ​ໄພ ດ້ານ​ກົດໝາຍ ​ແລະ​ສິດທິ​ມະນຸດ

ຊີ​ເຣຍ​ຕົກລົງ​ໃຫ້​ພວກ​ນັກ​ສັງ​ເກດ​ການ​ເຂົ້າ​ໄປ​ໃນ​ປະ​ເທດ ​ພາຍ​ໃຕ້​ຄວາມ ກົດ​ດັນ​ຂອງ​ໂລກ
ເພື່ອ​ຍຸຕິ​ການປາບ​ປາມ​ຢ່າງ​ນອງ​ເລືອດ​ຕໍ່​ພວກ​ປະ​ທ້ວງ ຕໍ່ຕ້ານ​ລັດຖະບານ​ນັ້ນ.

XS
SM
MD
LG