ລິ້ງ ສຳຫລັບເຂົ້າຫາ

ສະຫະປະຊາຊາດ ລົງມະຕິ ປະນາມຊີເຣຍ (ວີດິໂອ)

  • ທອງປານ ເທບວົງສາ

ເຮືອນຊານບ້ານຊ່ອງທີ່ຖືກທໍາລາຍ ໃນຄຸ້ມ Salahedinne ຢູ່ໃນຕົວເມືອງໃຫຍ່ Aleppo ຂອງຊີເຣຍF ວັນທີ 3 ສິງຫາ 2012.

ສະມັດຊາ​ໃຫຍ່​ອົງການ​ສະຫະ​ປະຊາ​ຊາດ ​ໄດ້​ລົງ​ຄະ​ແນນ​ສຽງໃນ​ວັນ​ສຸກ​ມື້​ນີ້ ກ່ຽວກັບ
ມະຕິ​ທີ່​ຮ່າງ​ຂຶ້ນ​ໂດຍ​ຊາ​ອຸ​ດິ ອາເຣເບຍ ກ່ຽວ​ກັບ​ຊີ​ເຣຍ ​ທີ່​ບັນດາ​ນັກ​ເຄຶ່ອນ​ໄຫວ​ລາຍ​ງານ
ວ່າ ​ຍັງເກີດເຫດການ​ຄວາມ​ຮຸນ​ແຮງຢູ່​ຢ່າງ​ບໍ່​ລົດ​ລະ ​ໃນ​ການ​ລຸກ​ຮື​ຂຶ້ນຕໍ່ຕ້ານ​ປະທາ​ນ​າທິ
ບໍດີ Bashar al-Assad ມາ​ໄດ້ 17 ​ເດືອນ​ແລ້ວ​ນັ້ນ.

ກຸ່ມ​ສິ້ງ​ຊອມ​ສິດທິ​ມະນຸດ​ຊີ​ເຣຍ ທີ່​ມີ​ສໍານັກງານ​ຢູ່​ອັງກິດ ກ່າວ​ເມື່ອ​ວັນ​ສຸກ​ມື້​ນີ້​ວ່າ ມີ​
ການ​ລະດົມ​ຍິງ​ໃສ່​ຄ້າຍ​ອົບພະຍົບປາເເລັ​ສຕາຍ​ໃນ​ເມືອງຫຼວງດາ​ມັສກັສ ​ເມື່ອ​ວັນ​ພະ
ຫັດ​ວານ​ນີ້ ທີ່​ໄດ້​ສັງຫານ​ຢ່າງ​ໜ້ອຍ 21 ຄົນ ຊຶ່ງ​ກຸ່ມ ສິ້ງ​ຊອມ​ບໍ່​ໄດ້​ບອກ​ວ່າ​ຝ່າຍ​ໃດ
​ເປັນ​ຜູ້ຍິງ​ປືນ​ຄົກຫຼາຍລູກ​ນັ້ນ.

ກຸ່ມ​ສິ້ງ​ຊອມ​ດັ່ງກ່າວ​ຍັງ​ລາຍ​ງານ​ວ່າ ມີ​ການ​ປະ​ທະ​ກັນ​ຫຼາຍບັ້ນ ​ແລະ​ການ​ໂຈມ​ຕີ​ຂອງ
​ຝ່າຍ​ລັດຖະບານ​ເມື່ອ​ວັນ​ສຸກ​ມື້​ນີ້ ຢູ່​ໃນ​ເຂດ​ອື່ນໆ​ຂອງ​ຊີ​ເຣຍ ​ໂຮມ​ທັງ​ແຂວງ Hama, Idlib ​ແລະ Aleppo.

ມະຕິ​ທີ່​ບໍ່​ມີ​ຂໍ້​ຜູກ​ມັດ​ຂອງ​ອົງການ​ສະຫະ​ປະຊາຊາດ ຈະ​ປະນາມ​ທັງການ​ຊົມ​ໃຊ້​ອາວຸດ​
ໜັກ​ຂອງ​ລັດຖະບານ​ຂອງ​ທ່ານ​ອາ​ຊັດ ​ແລະ​ການ​ທີ່​ສະພາຄວາມ​ໝັ້ນຄົງ​ສະຫະ​ປະຊາ​
ຊາດ​ບໍ່​ສາມາດ​ຕົກລົງ​ກັນ​ໄດ້​ໃນ​ມາດ​ຕະການ ​ເພື່ອ​ຍຸຕິ​ເຫດການ​ກໍ່​ຄວາມ​ຮຸນ​ແຮງນີ້.

ການ​ລົງ​ຄະ​ແນນ​ສຽງ​ດັ່ງກ່າວ​ຂອງ​ສະຫະ​ປະຊາ​ຊາດ​ ມີ​ຂຶ້ນພຽງ​ມື້​ນຶ່ງ ຫຼັງຈາກ​ທ່ານ​ໂກ​ຟີ
ອັນ​ນັນ ​ໄດ້​ປະກາດ​ຂໍ​ລາ​ອອກ​ຈາກ​ຕໍາ​ແໜ່​ງທູດ​ພິ​ເສດ ສະຫະ​ປະຊາ​ຊາດ ​ແລະ​ສັນ​ນິບາດ
​ອາຫຣັບ ປະ​ຈໍາ​ຊີ​ເຣຍ ໂດຍ​ຖິ້ມ​ໂທດ​ໃສ່ ອັນທີ່​ທ່ານ​ເອີ້ນ​ວ່າ ສະພາ​ຄວາມ​ໝັ້ນຄົງ​ສະຫະ
​ປະຊາ​ຊາດ​ຂາດ​ການ​ປຸ້ມລຸມ​ເປັນອັນ​ນຶ່ງ​ອັນ​ດຽວກັນ.

ວີດິໂອລາຍງານກ່ຽວກັບ ທ່ານ ອັນ​ນັນ ປະກາດຂໍລາອອກ
ຈາກການເປັນທູດພິເສດ:

XS
SM
MD
LG