ລິ້ງ ສຳຫລັບເຂົ້າຫາ

ມີການຍິງໂຈມຕີ ໃສ່ເຂດເມືອງ Hama ຂອງຊີເຣຍ ໃໝ່ອີກ (ວີດີໂອກັບສະໄລດ໌)

  • ທອງປານ ເທບວົງສາ

ເຫດການລະດົມຍິງ ໃນເຂດພາກກາງຊີເຣຍ

ບັນດາ​ນັກ​ເຄຶ່ອນ​ໄຫວ​ຊີ​ເຣຍ ​ໄດ້​ລາຍ​ງານ​ການ​ລະດົມ​ຍິງ​ທີ່​ເກີດ​ຂື້ນໃໝ່ໆ ​ເມື່ອ​ວັນ​ພຸດ​ມື້​ນີ້ ຢູ່​ໃນ​ເຂດ​ດຽວ​ກັນ​ຂອງ​ເມືອ​ງ Hama ບ່ອນ​ທີ່​ພວກ​ໄປ ສົ່ງສະການຢ່າງ​ໜ້ອຍ 20 ຄົນ​ຖືກ​ຍິງຕາຍເມື່ອ​ວັນ​ອັງຄານ ​ໃນ​ເວລາບໍ່​ດົນ​ກ່ອນ​ລະ​ເ​ບີ​ດ​ແຄມ​ທາງ​ລູກ​ນຶ່ງ ແຕກ​ຂື້ນ​ໃກ້ໆ​ບັນດາ​ນັກ​ສັງເກດ​ການ​ສະຫະ​ປະຊາ​ຊາດ​ນັ້ນ.

ກຸ່ມ​ສິ້ງຊອມ​ສິດທິ​ມະນຸດ​ຊີ​ເຣຍ ບອກ​ວີ​ໂອ​ເອວ່າ ມີ​ສຽງ​ປືນ​ດັງ​ຂຶ້ນ ຢູ່​ເຂດ Khan Sheikhoun ທາງ​ພາກ​ກາງຂອງ​ປະ​ເທດ ​ແຕ່​ບໍ່​ຮູ້​ແຈ້ງວ່າ ​ແມ່ນໃຜ​ເປັນ​ຜູ້ຍິງ.

ກຸ່ມ​ສິ້ງ​ຊອມ​ສິດທິ​ມະນຸດ​ຊີ​ເຣຍທີ່​ມີ​ສໍານັກງານ​ຢູ່​ກຸງລອນ​ດອນ ຍັງ​ເວົ້າອີກ​ວ່າ ຢ່າງ​ໜ້ອຍ​ມີ​ຄົນ​ຖືກ​ສັງຫານສາມ​ຄົນ ​ຫລັງ​ຈາກ​ກໍາລັງ​ຮັກສາ​ຄວາມ​ປອດ​ໄພ ​ເປີດ​ສາກ​ຍິງໃສ່​ຄ້າຍ​ອົບ​ພະຍົບ​ແຫ່ງ​ນຶ່ງໃນ​ແຂວງ Daraa.

ຂະນະ​ດຽວ​ກັນ ພວກ​ນັກ​ສັງ​ເກດ​ການ​ສະຫະ​ປະຊາ​ຊາດ​ຈຳນວນ​ນຶ່ງ​ໄດ້​ພັກ ຄ້າງ​ຄືນ​ ທີ່​ຄຸ້ມ Khan Sheikhoun ພາຍ​ໃຕ້​ການ​ຄຸ້ມ​ຄອງ​ຂອງ​ພວກ​ກະບົດ ຫຼັງຈາກ​ລົດຂອງ​ພວກ​ນັກ​ສັງ​ເກດ​ການ​ຄັນ​ນຶ່ງ​ໄດ້​ຮັບ​ຄວາມ​ເສຍ​ຫາຍ ຈາກ​ເຫດ​ລະ​ເບີດ​ໃນ​ມື້ວານ​ນີ້.

ພວກ​ນັກ​ສັງ​ເກດ​ການ​ຈຸນີ້​ເປັນ​ພາກສ່ວນ​ນຶ່ງ​ ຂອງ​ກຸ່ມນັກ​ສັງ​ເກດ​ການຂະ ໜາດ​ໃຫຍ່​ຂອງ​ອົງການ​ສະຫະ​ປະຊາ​ຊາດ​ທີ່​ຢາຍກັນ​ໄປ​ປະຕິບັດ​ການ​ຢູ່​ທົ່ວ​ປະ​ເທດ​ເພື່ອ​ຊັ່ງ​ຊາຕີ​ລາຄາ​ເບິ່ງ​ການ​ປະຕິບັດ​ຕາມ​ສັນຍາ​ຢຸດ​ຍິງທີ່​ແຕກ​ຫັກ​ໄດ້​ງ່າຍ ​ລະຫວ່າງຝ່າຍລັດຖະບານແລະ​ພວກຝ່າຍ​ຄ້ານ ທີ່ໄກ່​ເກ່ຍ​ໂດຍ​ທູດ​ພິ​ເສດ​ນາໆ​ຊາດ ທ່ານໂຄ​ຟີ ອັນ​ນັນ​ ນັ້ນ.

ພົນ​ຕີ Robert Mood ຫົວໜ້າ​ຄະນະ​ສັງ​ເກດ​ການ ກ່າວ​ວ່າ ພວກນັກ​ສັງ ​ເກດ​ການທີ່​ພັກ​ເຊົາຢູ່ໃນເຂດ Khan Sheikhoun ນັ້ນ ປອດ​ໄພ​ດີ ​ແລະ​ຈະ​ຍ້າຍໜີ​ອອກ​ຈາກ​ທີ່​ນັ້ນ​ໃນ​ວັນ​ພຸດ​ມື້​ນີ້.

ສະຫະ​ປະຊາ​ຊາດ​ກ່າວ​ວ່າ ມີ​ປະຊາຊົນ​ຫລາຍ​ກວ່າ 9,000 ຄົນຖືກ​ຂ້າ ຕາຍ​ໃນ​ເຫດຄວາມ​ຮຸນ​ແຮງ ​ທີ່​ກ່ຽວ​ພັນ​ກັບ​ການ​ລຸກ​ຮື​ຂຶ້ນປະ​ທ້ວງຕໍ່ຕ້ານລັດຖະບານ ​ທີ່​ລະ​ເບີດ​ຂຶ້ນ​ເມື່ອ​ຫລາຍ​ກວ່າ​ນຶ່ງ​ປີຜ່ານມາ. ລັດຖະບານ​ຊີ
​ເຣຍ​ໄດ້​ຖິ້ມ​ໂທດໃສ່​ກຸ່ມ​ກໍ່​ການ​ຮ້າຍ​ປະກອບ​ອາວຸດ ​ກ່ຽວ​ກັບເຫດ​ການກໍ່ ​ຄວາມ​ບໍ່​ສະຫງົບສ່ວນ​ໃຫຍ່ ທີ່​ເກີດ​ຂຶ້ນ​ໃນປະ​ເທດ​ນັ້ນ

XS
SM
MD
LG