ລິ້ງ ສຳຫລັບເຂົ້າຫາ

ທ່ານອັນນັນ ອອກຈາກຊີເຣຍ ໄປແລ້ວ ໂດຍບໍ່ປະສົບ ຄວາມກ້າວໜ້າໃດໆ

  • ສິງ ບູຣົມມະວົງ

ການຢ້ຽມຢາມຂອງທ່ານໂກຟີ ອັນນັນ ທູດພິເສດສະຫະປະຊາຊາດທີ່ຊີເຣຍ. ວັນທີ 30 ພຶດສະພາ 2012.

​ ເຈົ້າ​ໜ້າທີ່​ສະຫະ​ປະຊາ​ຊາດ​ທ່ານ​ນຶ່ງ ກ່າວ​ວ່າ ທ່ານ​ໂກ​ຟີ ອັນ​ນັນ ທູ​ດພິ​ເສດ​ຂອງ​ສະຫະ​ປະຊາ​ຊາດ ​ໄດ້​ເດີນທາງ​ອອກ​ຈາກ​ຊີ​ເຣຍ​ໄປ​ແລ້ວ ​ໂດ​ຍບໍ່​ໄດ້​ຮັບ​ຄໍາ​ໝັ້ນ​ສັນຍາ​ໃດໆຈາກ​ລັດຖະບານ​ຊີ​ເຣຍ ກ່ຽວ​ກັບ​ການ​ເອົາ​ບາດກ້າວ​ເພື່ອ​ຈັດ​ຕັ້ງ​ປະຕິບັດ​ແຜນ​ສັນຕິພາບ​ຂອງ​ທ່ານ​ສໍາລັບ​ຊີ​ເຣຍນັ້ນ.

ທ່ານ​ອັນ​ນັນ​ເດີນທາງ​ອອກ​ຈາກ​ນະຄອນຫລວງ​ດາ​ມັສກັສ​ໄປ ​ໃນ​ວັນ​ພຸດ​ມື້​ນີ້ ​ແລະ​ໄດ້
​ເດີນທາງ​ໄປ​ຮອດ​ນະຄອນຫລວງ​ອໍາ​ມານ​ ບ່ອນ​ທີ່​ທ່ານ​ໄດ້​ພົບ​ພໍ້​ກັບ​ເຈົ້າ​ໜ້າ​ທີ່​ຂັ້ນ​ສູງ​
ຂອງ​ຈໍ​ແດນ.

ໃນຂະນະ​ທີ່ຢູ່​ໃນ​ຊີ​ເຣຍນັ້ນ ທ່ານອັນນັນໄດ້ຮຽກຮ້ອງໃຫ້​ປະທານາທິບໍດີ Bashir al-
Assad ຈົ່ງ​ເອົາ​ບາດກ້າວ​ທີ່​ກ້າຫານ​ເພື່ອ​ສ້າງ​ພະລັງ​ເຄື່ອນ​ໄຫວໃຫ້​ມີສັນຕິພາບ ດຽວນີ້
ບໍ່​ແມ່ນ ​ມື້​ອື່ນ.

ໃນ​ການ​ໂອ້​ລົມ​ກັນ​ທາງ​ໂທລະສັບ​ຈາກ​ກຸງ​ດາ​ມັສກັສ ​ໃນ​ມື້​ນີ້ ທ່ານ​ນາງ Sausan Gho
sheh ​ໂຄສົກ​ສະຫະ​ປະຊາ​ຊາດ ກ່າວ​ຕໍ່​ວີ​ໂອ​ເອວ່າ ທ່ານນາງບໍ່​ໄດ້​ຍິນວ່າ ​ໄດ້ມີການເອົາ
ບາດກ້າວ​ໃດໆ​ໃນ​ຝ່າຍ​ຂອງ​ລັດຖະບານ​ຊີ​ເຣຍ ໃນເວລານີ້.

ແຜນການສັນຕິພາບຂອງທ່ານອັນນັນຮຽກຮ້ອງໃຫ້ລັດຖະບານຊີເຣຍຖອນ ອາວຸດໜັກ
ຕ່າງໆອອກຈາກຂົງເຂດທີ່ພົນລະເຮືອນອາໄສຢູ່ ແລະໃຫ້ປະຕິບັດຕາມສັນຍາຢຸດຍິງ
ກັບພວກກະບົດໃນເດືອນແລ້ວນີ້ ແຕ່ການໂຈມຕີຈາກ ທັງສອງຝ່າຍຍັງດໍາເນີນສືບຕໍ່ມາ.

XS
SM
MD
LG