ພວກທີ່ສົງໄສ ເປັນກະບົດມຸສລິມ ໃນພາກໃຕ້ຂອງໄທ ໄດ້
ໂຈມຕີໂຮງການລັດຖະບານແຫ່ງນຶ່ງ ໂດຍໄດ້ສັງຫານຢ່າງ
ໜ້ອຍສີ່ຄົນ ແລະໄດ້ຮັບບາດເຈັບອີກຫລາຍຄົນ.
ຕຳຫລວດໃນຈັງຫວັດປັດຕະນີ ກ່າວວ່າ ພວກມືປືນພາກັນ
ຍ່າງເຂົ້າໄປໃນໂຮງ ການທ້ອງຖິ່ນຂອງລັດຖະບານ ໃນວັນ
ພະຫັດວານນີ້ ແລະໄດ້ເປີດສາກລະດົມ ຍິງເຂົ້າໃສ່ຜູ້ຄົນ.
ໃນຂະນະທີ່ພວກເຂົາຫລົບໜີອອກໄປນັ້ນ ພວກເຂົາໄດ້
ວາງລະເບີດເວລາສອງລູກ ທີ່ແຕກຂື້ນໃນບໍ່ເທົ່າໃດນາທີ
ຫລັງຈາກພວກໂຈມຕີໄດ້ ພາກັນລົບໜີໄປແລ້ວ. ເຈົ້າໜ້າ
ທີ່ທ້ອງຖິ່ນສາມຄົນ ແມ່ນຮວມຢູ່ໃນບັນດາຜູ້ເສຍຊີວິດ.
ຫລາຍກວ່າ 5,000 ຄົນໄດ້ເສຍຊີວິດ ນັບແຕ່ເລີ້ມມີການກໍ່ກະບົດເມື່ອ 10 ປີກ່ອນ ຢູ່ໃນ
ສາມຈັງຫວັດໃຕ້ສຸດຂອງປະເທດໄທ ຊຶ່ງມີຊາວມຸສລິມອາໄສຢູ່ເປັນສ່ວນຫຼາຍ ໃນປະ
ເທດທີ່ນັບຖືສາສໜາພຸດເປັນສ່ວນໃຫຍ່ນັ້ນ.
ການເຈລະຈາສັນຕິພາບ ລະຫວ່າງພວກກະບົດ ແລະລັດຖະບານ ທີ່ບາງກອກ ໄດ້ພັງ
ທະລາຍລົງໃນປີແລ້ວນີ້. ລັດຖະບານທະຫານຂອງໄທໃນປັດຈຸບັນນີ້ກ່າວວ່າ ຕົນກຳ
ລັງພະຍາຍາມທີ່ຈະເລີ້ມການສົນທະນາຄືນໃໝ່.
