ລິ້ງ ສຳຫລັບເຂົ້າຫາ

ພວກທີ່ສົງໄສ ເປັນແຮັກເກີ້ຈີນ ເຈາະເອົາຂໍ້ມູນ ພະນັກງານ ລັດຖະບານກາງ ສຫລ ຫຼາຍລ້ານຄົນ


ແຜນທີ່ປະເທດຈີນ ທີ່ເບິ່ງຜ່ານແກ້ວຂະຫຍາຍ ໜ້າຄອມພິວເຕີ.

ບັນດາ​ເຈົ້າ​ໜ້າ​ທີ່ ສະຫະລັດ ກ່າວ​ວ່າ ພວກແຮັກເກີ້​ຢູ່ຈີນ ​ໄດ້
ເລີ້ມ​ໂຈມ​ຕີເຈາະ ຂໍ້ມູນ​ທາງອິນ​ເຕີແນັດ​ຂະໜາດໃຫຍ່​ ​ຕໍ່ພະ
ແນກການນຶ່ງຂອງ​ລັດຖະບານ​ກາງ ສະຫະລັດ ທີ່​ຮັບຜິດຊອບ
​ກ່ຽວກັບການ​ເກັບ​ກຳປະຫວັດຂໍ້ມູນ ​ແລະ​ອອກ​ໃບອະ ນຸຍາດ​
ໃນຄວາມ​ປອດ​ໄພ​ ໃຫ້ແກ່ພະນັກງານ​ລັດຖະບານ​ກາງ​ຫລາຍ
​ລ້ານ​ຄົນ.

ຫ້ອງການ​ຄຸ້ມຄອງພະນັກງາ​ນຫຼື OPM ຂອງລັດຖະບານກາງ
ສະຫະລັດ ກ່າວ​ໃນ​ວັນ​ພະຫັດ​ວານ​ນີ້​ວ່າ ອາດມີພະນັກງານ
ຂອງລັດຖະບານກາງທັງໃນປັດຈຸບັນ ແລະອະດີດຫລາຍ​ເຖິງ
4ລ້ານ​ຄົນ​ໄດ້​ຮັບ​ຜົນ​ກະທົບ ໃນອັນທີ່ເປັນການຮົ່ວໄຫຼ ຂອງຂໍ້​
ມູນ​ກ່ຽວກັບ​ພະນັກງານລັດຖະບານທີ່ຮ້າຍແຮງສຸດ ໃນຮອບຫຼາຍໆ​ປີ​.

ບັນດາ​ເຈົ້າ​ໜ້າ​ທີ່ປະຕິບັດກົດໝາຍ ກ່າວ​ວ່າ ​ເຂົາ​ເຈົ້າ​ເຊື່ອ​ວ່າ ພວກ​ແຮກເກີ້ທີ່ມີ ຖານປະ
ຕິບັດງານ​ຢູ່​ໃນປະ​ເທດຈີນ ທີ່​ອາດ​ພົວພັນ​ກັບລັດຖະບາ​ນຈີນ ເປັນຜູ້ຢູ່ ​ ​ເບື້ອງ​ຫລັງ​ການ​
ໂຈມ​ຕີດັ່ງກ່າວເຖິງ​ແມ່ນ​ວ່າ​ເຂົາ​ເຈົ້າ​ຍັງ​ບໍ່ທັນ​ໄດ້​ໃຫ້​ລາຍ​ລະອຽດ​ ເທື່ອວ່າ ​ເຂົາ​ເຈົ້າລົງ
​ຄວາມ​ເຫັນ​ດັ່ງກ່າວ​ນີ້​ຢ່າງ​ໃດ.

​ໂຄສົກ ກະຊວງ​ຕ່າງປະ​ເທດ​ຈີນ ທ່ານ Hong Lei ​ໃນ​ວັນ​ສຸກ​ມື້​ນີ້ ​ໄດ້​ປະນາມ​ການ​ກ່າວ​
ຫາ​ນີ້ວ່າ “ບໍ່​ມີ​ຄວາມ​ຮັບຜິດຊອບ” ​ໂດຍ​ກ່າວ​ວ່າ ການ​ໂຈມ​ຕີ​ແບບນີ້ “ໂດຍທົ່ວໄປແລ້ວ
ເປັນທີ່ລຶກລັບ ແລະມີຂຶ້ນຂ້າມຊາຍແດນ ແລະທີ່ມາຂອງການ ໂຈມຕີນັ້ນ ແມ່ນຍາກທີ່
ຈະນຳຫາຮ່ອງຮອຍໄດ້.”

ໂຄສົກສະຖານທູດຈີນ ທີ່ວໍຊິງຕັນ ທ່ານ Zhu Haiquan ກ່ອນໜ້ານີ້ ໄດ້ກ່າວ ເນັ້ນໜັກ
ວ່າ ຈີນມີພວກແຮກເກີ້ນອກກົດໝາຍ. ທ່ານກ່າວເພີ້ມເຕີມວ່າ “ການ ໂດດອອກມາສະ
ຫລຸບ ແລະກ່າວຫາແບບບໍ່ມີເຫດຜົນ ເປັນການກະທຳທີ່ຂາດ ຄວາມຮັບຜິດຊອບ ແລະບໍ່ສ້າງສັນ.”

XS
SM
MD
LG