ລິ້ງ ສຳຫລັບເຂົ້າຫາ

ສານສູງສຸດ ສຫລ ຈະຮັບຟັງ ເລື່ອງ ພວກຄົນ ເຂົ້າເມືອງ ທີ່ ປ. ໂອບາມາ ໄດ້ສັ່ງການໄປ


ພວກຄົນເຂົ້າເມືອງ ຈາກທະວີບອາເມຣິການກາງ ໃນຂະນະທີ່ພວກເຂົາ ຄອຍຮັບຟັງຜົນ ການໃຫ້ກາານຊ່ວຍເຫຼືອ ຢູ່ທີ່ສູນຕ້ອນຮັບ ຄອບຄົວພວກຄົນຍ້າຍຖິ່ນຖານ ທີ່ຫາກໍໄປຮອດໃໝ່ໆ ພ້ອມກັນກັບພວກລູກເຕົ້າຂອງເຂົາເຈົ້າ ຢູ່ທີ່ໂບດ Sacred Heart Catholic ໃນເມືອງ McAllen ຂອງລັດ Texas.

ພວກຄົນເຂົ້າເມືອງ ຈາກທະວີບອາເມຣິການກາງ ໃນຂະນະທີ່ພວກເຂົາ ຄອຍຮັບຟັງຜົນ ການໃຫ້ກາານຊ່ວຍເຫຼືອ ຢູ່ທີ່ສູນຕ້ອນຮັບ ຄອບຄົວພວກຄົນຍ້າຍຖິ່ນຖານ ທີ່ຫາກໍໄປຮອດໃໝ່ໆ ພ້ອມກັນກັບພວກລູກເຕົ້າຂອງເຂົາເຈົ້າ ຢູ່ທີ່ໂບດ Sacred Heart Catholic ໃນເມືອງ McAllen ຂອງລັດ Texas.

ໃນ​ວັນ​ຈັນ​ຈະ​ມາເຖິງ​ນີ້ ສານສູງສຸດ ສະຫະລັດ ແມ່ນມີໝາຍກຳນົດທີ່ຈະຮັບຟັງຂໍ້ຄຳ​ໃຫ້ ການ​ກ່ຽວ​ກັບ ກໍລະນີ ເລື້ອງຄົນເຂົ້າເມືອງສະຫະລັດ ທີ່ທ້າທາຍຕໍ່ການສັ່ງ​ການ ດ້ານບໍລິ ຫານ ຂອງປະທານາທິບໍດີ ບາຣັກ ໂອບາມາ ທີ່ຖ່ວງເວລາ ຂອງການເນລະເທດ ພວກຄົນ ເຂົ້າເມືອງ ທີ່ບໍ່ມີເອກະສານ ເກືອບ 5 ລ້ານຄົນ ນັ້ນ.

ຄະດີ​ຄວາມລະຫວ່າງ ສະຫະລັດ ກັບລັດ Texas ນັ້ນແມ່ນກ່ຽວກັບສອງຂໍ້​ລິເລີ້ມບັນຍັດ ຂອງ​ລັດຖະບານ​ທ່ານ​ໂອ​ບາ​ມາ ​ທີ່​ມີ​ຊື່ວ່າ Deferred Action for Childhood Arrivals (DACA) ແລະ Deferred Action for Parents of Americans (DAPA) ຊຶ່ງສະເໜີ​ໃຫ້ການປົກປ້ອງໃຫ້ແກ່ ພວກຄົນເຂົ້າເມືອງ ໂດຍການອະນຸຍາດໃຫ້ພວກເຂົາເຈົ້າ ເຮັດ ວຽກ ໄດ້ຢ່າງຖືກຕ້ອງຕາມ​ກົດໝາຍ ໃນໄລຍະເວລາສອງປີ ແລະສາມາດຕໍ່ອາຍຸການໄດ້.

ຄົນເຂົ້າເມືອງ ແມັກຊິກກັນ ກຳລັງລົມກັບ ສະມາຊິກຄອບຄົວ ຜ່ານຮົ້ວ ລະຫວ່າງ ເມືອງ Ciudad Juarez ແລະ ເມືອງ El Paso ຂອງສະຫະລັດ, ວັນທີ 15 ກຸມພາ 2016.

ຄົນເຂົ້າເມືອງ ແມັກຊິກກັນ ກຳລັງລົມກັບ ສະມາຊິກຄອບຄົວ ຜ່ານຮົ້ວ ລະຫວ່າງ ເມືອງ Ciudad Juarez ແລະ ເມືອງ El Paso ຂອງສະຫະລັດ, ວັນທີ 15 ກຸມພາ 2016.

ມາດຕະການຕ່າງໆ ອາດສາມາດປົກປ້ອງພວກຄົນເຂົ້າເມືອງຊາວໜຸ່ມ ຈາກການຖືກເນ ລະເທດ ຖ້າຫາກ​ວ່າພວກເຂົາເຈົ້າ ໄດ້ຖືກນຳເຂົ້າມາໃນສະຫະລັດ​ແບບຜິດກົດໝາຍໃນ ຕ້ອນ​ເຍົາ​ໄວນັ້ນ. ພວກເຂົາເຈົ້າຍັງຈະໄດ້ຮັບການປົກປ້ອງຈາກການຖືກເນລະເທດທີ່​ຍືນ​ເວລາ​ອອກ​ໄປ​ນັ້ນ​ນຳ ຖ້າ​ຫາກ​ວ່າມີພໍ່ແມ່ທີ່ເປັນພົນລະເມືອງສັນຊາດ​ອາ​ເມຣິກັນ ແລະ ເປັນຜູ້ທີ່ອາໄສ ຢູ່ໃນສະຫະລັດຢ່າງຖາວອນ ເປັນເວລາຫຼາຍໆປີນັ້ນ.

ຜູ້ທີ່ໄດ້ຮັບຜົນປະໂຫຍດ ແມ່ນພວກຄົນເຊັ່ນ ນາງ Teresa Garcia ຈາກນະຄອນ Seattle ຂອງລັດ Washington ທີ່​ໄດ້ບອກອົງການຂ່າວ AP ວ່າ ນາງໄດ້ອາໄສ ຢູ່ໃນ ສະຫະລັດຢ່າງຜິດກົດໝາຍເປັນເວລາ 14 ປີ ຫຼັງຈາກທີ່ໄດ້ຢູ່ກາຍວີຊ້າທ່ອງທ່ຽວ. ນາງມີ ລູກສາວອາຍຸ 11 ປີ ຜູ້ທີ່ໄດ້ສັນຊາດອາເມຣິກັນ ແລະ ລູກຊາຍສອງຄົນ ຜູ້ທີ່ໄດ້ຮັບຜົນປະ ໂຫຍດຈາກ ຂໍ້​ບັນຍັດປົກປ້ອງຂອງ DACA ດັ່ງກ່າວ​ນີ້.

ນາງ Garcia ໄດ້ບອກອົງການຂ່າວ AP ວ່າ “ການມີ ບັດ Social Security ນັ້ນ ໝາຍ ເຖິງ ການມີອານາຄົດທີ່ດີສຳລັບຂ້າພະເຈົ້າ. ໃນເວລາທີ່ຂ້າພະເຈົ້າເວົ້າວ່າ ອະນາຄົດ ທີ່ ດີກວ່າ ໝາຍ​ຄວາມ​ວ່າ ພວກເຮົາດິ້ນຮົນ​ເອົາ​ຕົວ​ລອດດ້ວຍການມີເງິນໜ້ອຍດຽວ ທີ່ສາມີ ຂ້າພະເຈົ້າໄດ້ຮັບສຳລັບຄອບຄົວພວກເຮົາ. ມັນເຮັດໃຫ້ການເປັນຢູ່ແຕ່ລະມື້ ຕຶງຄຽດ. ພວກເຮົາດິ້ນຮົນເພື່ອທີ່ຈະຈ່າຍທຸກສິ່ງທຸກຢ່າງ.”

ອ່ານຂ່າວ ເລື່ອງນີ້ ເປັນພາສາອັງກິດ

XS
SM
MD
LG