ລິ້ງ ສຳຫລັບເຂົ້າຫາ

ປ. ໂອບາມາ ກ່າວວ່າ ສານສູງສຸດ ອະນຸມັດໃຫ້ ພວກຮັກເພດດຽວກັນ ແຕ່ງງານໄດ້ ແມ່ນໄຊຊະນະ


ປະທານາທິບໍດີບາຣັກ ໂອບາມາ ໄດ້ກ່າວຊົມເຊີຍ ການຕັດສິນ
ຂອງສານສູງສຸດສະຫະລັດໃນວັນສຸກວານນີ້ວ່າ ເປັນໄຊຊະນະ
ສຳລັບຊາວອາເມຣິກັນ ທີ່ວ່າ ຄົນເພດດຽວກັນມີສິດແຕ່ງງານຢູ່
ບ່ອນໃດກໍໄດ້ ໃນສະຫະລັດ.

ສານສູງສຸດໄດ້ຕັດສິນ 5 ຕໍ່ 4 ໂດຍເວົ້າວ່າ ລັດຖະທຳມະນູນສະ
ຫະລັດໄດ້ຄ້ຳ ປະກັນຂະບວນການທາງກົດໝາຍ ແລະການໃຫ້ ຄວາມຄຸ້ມຄອງເທົ່າທຽມກັນແກ່ທຸກໆການຕັດສິນລຶບລ້າງທີ່ລັດ
ຕ່າງໆພະຍາຍາມ ເຮັດໃຫ້ການແຕ່ງງານ ຂອງຄົນເພດດຽວກັນ ເປັນສິ່ງທີ່ຜິດກົດໝາຍນັ້ນ. ປັດຈຸບັນ ພວກຮັກຮ່ວມເພດຜູ້ຊາຍ ແລະແມ່ຍິງສາມາດແຕ່ງງານໄດ້ຢູ່ໃນ 36 ລັດແລະຢູີທີ່ນະຄອນ
ຫຼວງຂອງສະຫະ ລັດ. ການຕັດສິນດັ່ງກ່າວນີ້ ຈະຂະຫຍາຍສິດທິໃນການແຕ່ງງນ ໄປທົ່ວ ທັງ 50 ລັດ.

ທ່ານໂອບາມາ ກ່າວທີ່ທຳນຽບຂາວ ຫລັງຈາກການຕັດສິນ ທີ່ມີຄວາມສຳຄັນ ຄັ້ງປະຫວັດ ສາດວ່າ “ການຕັດສິນນີ້ຈະເຮັດໃຫ້ຄວາມບໍ່ແນ່ນອນກ່ຽວກັບການແຕ່ງງານຂອງຄົນເພດ ດຽວກັນຫຼາຍຮ້ອຍພັນຄົນ ທີ່ກຳລັງປະເຊີນຢູ່ສິ້ນສຸດລົງ. ມັນຈະເສີມຄວາມເຂັ້ມແຂງ ໃຫ້ ແກ່ປະຊາຄົມຂອງພວກເຮົາທັງໝົດ.

ທ່ານກ່າວຕື່ມວ່າ “ຄວາມກ້າວໜ້າ ມັກມີຂຶ້ນເປັນຂັ້ນໆ ບາງຄັ້ງສອງກ້າວໄປຂ້າງ ຖອຍຫຼັງ ກ້າວນຶ່ງ. ບາງເທື່ອ ມັນກໍມີມື້ແບບນີ້ ເມື່ອມັນຊ້າລົງ ການດຳເນີນ ຄວາມພະຍາຍາມແບບ ໝັ້ນຄົງ ກໍໄດ້ຮັບຜົນຕອບແທນ ດ້ວຍຄວາມຍຸຕິທຳທີ່ມາຮອດຄືກັນກັບຟ້າຜ່າ.”

ທ່ານໂອບາມາກ່າວວ່າ “ອາເມຣິກາຄວນຈະພູມໃຈເປັນຢ່າງຍິ່ງ.”

ນອກນັ້ນ ທ່ານໂອບາມາຍັງໄດ້ໂທລະສັບໄປຫາ Jim Obergefell ເພື່ອສະແດງຄວາມດີ ໃຈຕໍ່ຜູ້ກ່ຽວ ໃນລາຍການທາງໂທລະພາບສົດ.

ຜົນຂອງການຕັດສິນດັ່ງກ່າວ ແມ່ນຈຸດສຸດຍອດໃນການຟ້ອງຮ້ອງຕໍ່ສານສູງສຸດເປັນເວລາ ສອງທົດສະວັດ ກ່ຽວກັບການແຕ່ງງານແລະສິດທິຂອງພວກຮັກຮ່ວມເພດ.

Error rendering storify.

ສະແດງຄວາມເຫັນໃຫ້ເບິ່ງ

XS
SM
MD
LG