ລິ້ງ ສຳຫລັບເຂົ້າຫາ

ການສົມທຽບ ນັກກິລາ Quarterbacks ຂອງສອງທີມ ໃນການ ແຂ່ງຂັນ Super Bowl ຄັ້ງທີ 50


ທ້າວ Cam Newton (ຊ້າຍ) ຈາກທີມ Panthers ຂອງ Carolina ສະເຫຼີມສະຫຼອງ ຫຼັງຈາກການແຂ່ງຂັນຊິງແຊ້ມ NFC ກັບ ທີມ Arizona Cardinals, ທີ່ເມືອງ Charlotte ລັດ North Carolina ແລະ quarterback ທີມ Broncos ຂອງນະຄອນ Denver ທ້າວ Peyton Manning ຍົກມືໃຫ້ທ່ານຜູ້ຊົມ ຫຼັງຈາກການແຂ່ງຂັນຊີງແຊ້ມ AFC ກັບທີມ New England ທີ່ນະຄອນ Denver.

ທ້າວ Cam Newton (ຊ້າຍ) ຈາກທີມ Panthers ຂອງ Carolina ສະເຫຼີມສະຫຼອງ ຫຼັງຈາກການແຂ່ງຂັນຊິງແຊ້ມ NFC ກັບ ທີມ Arizona Cardinals, ທີ່ເມືອງ Charlotte ລັດ North Carolina ແລະ quarterback ທີມ Broncos ຂອງນະຄອນ Denver ທ້າວ Peyton Manning ຍົກມືໃຫ້ທ່ານຜູ້ຊົມ ຫຼັງຈາກການແຂ່ງຂັນຊີງແຊ້ມ AFC ກັບທີມ New England ທີ່ນະຄອນ Denver.

ຜູ້ແກວ່ງບານທີ່ຫຼິ້ນຕຳແໜ່ງກອງຫຼັງ ຫລື Quarterbacks ໃນການແຂ່ງຂັນ Super Bowl ຄັ້ງທີ 50 ຂອງກິລາຟຸດບອລແຫ່ງຊາດສະຫະລັດ ຫຼື NFL ໃນວັນອາທິດມື້ນີ້ ແມ່ນມີອາຍຸແຕກຕ່າງກັນເຖິງ 13 ປີ ແລະ ລີລາໃນການຫຼິ້ນຂອງພວກເຂົາເຈົ້າ ກໍມີຄວາມແຕກຕ່າງ ເຊັ່ນດຽວກັບອາຍຸຂອງພວກເຂົາເຈົ້າ.

Quarterbacks ຂອງທີມ Denver Broncos ທ້າວ Payton Manning ຈະມີອາຍຸຄົບຮອບ 40 ປີໃນເດືອນໜ້ານີ້, ເຊິ່ງກາຍອາ ຍຸຂອງນັກກິລາ quarterbacks NFL ຫຼາຍປີ. ສຳລັບນັກກິລາ Quarterbacks ຂອງທີມ Carolina ທ້າວ Cam Newton ມີອາ ຍຸ 26 ປີ, ຫຼິ້ນໃນທີມ NFL ເປັນປີທີ 5 ຂອງລາວ ປຽບທຽບໃສ່ກັບ ທ້າວ Manning ໃນລະດູການທີ 17​ຂອງລາວ

ທ້າວ Newton ຖືວ່າເປັນໜຶ່ງໃນນັກກິລາທີ່ດີທີ່ສຸດ ແລະ ເປັນນັກກິລາທີ່ໜ້າຕື່ນເຕັ້ນທີ່ສຸດໃນ ກິລາ NFL, ທັງຍັງເປັນນັກກິລາ quarterbacks ຄົນໜຶ່ງທີ່ແລ່ນໄວທີ່ສຸດ ແລະ ກໍໂຕໃຫຍ່ທີ່ ສຸດນຳດ້ວຍ ເຊິ່ງສູງເກືອບເຖິງ 2 ແມັດ ແລະ ໜັກ 111 ກິໂລກຣາມ.

ລາວເປັນຄົນທີ່ໄດ້ທຳແຕ້ມນຳໜ້າໃນການ touchdown 45 ຄັ້ງ, ສົ່ງບານ 35 ຄັ້ງ ແລະ ແລ່ນ ເຂົ້າໄປໃນເສັ້ນໄດ້ 10 ຄັ້ງ ສຳລັບລະດູການນີ້. ແລະ ລາວກໍເກືອບຈະນຳພາທີມ Carolina ແຂ່ງຂັນໂດຍບໍ່ເສຍໄຊຈັກເທື່ອ, ເຊິ່ງທີມຂອງລາວໄດ້ພ່າຍແພ້ພຽງແຕ່ຄັ້ງດຽວເທົ່ານັ້ນໃນ ຕອນທ້າຍຂອງລະດູການ 2015 ນີ້.

XS
SM
MD
LG