ລິ້ງ ສຳຫລັບເຂົ້າຫາ

ແຂກຜູ້ມີກຽດ ລົມຄວາມລັບ ກ່ຽວກັບ ຄວາມສຳເລັດ ທີ່ກອງປະຊຸມ ສຸດຍອດ ຜູ້ປະກອບ ວິສາຫະກິດ


ກອງປະຊຸມສຸດຍອດ ຜູ້ປະກອບວິສາຫະກິດ ຫຼື GES ແມ່ນແນໃສ່ ເພື່ອໃຫ້ມີການຕິດຕໍ່ກັນ ລະຫວ່າງ ພວກນັກທຸລະກິດໜຸ່ມນ້ອຍ ແລະພວກນັກລົງທຶນ ຕະຫລອດພວກຜູ້ນຳທາງທຸລະກິດ.

ກອງປະຊຸມສຸດຍອດ ຜູ້ປະກອບວິສາຫະກິດ ຫຼື GES ແມ່ນແນໃສ່ ເພື່ອໃຫ້ມີການຕິດຕໍ່ກັນ ລະຫວ່າງ ພວກນັກທຸລະກິດໜຸ່ມນ້ອຍ ແລະພວກນັກລົງທຶນ ຕະຫລອດພວກຜູ້ນຳທາງທຸລະກິດ.

ພວກ​ນັກ​ວິສາຫະກິດ​ຈຳ​ນວນ​ຫລາຍ​ຮ້ອຍ​ຄົນ​ຈາກ​ທົ່ວ​ໂລກ​ໄດ້​ໄປ​ເຕົ້າ​ໂຮມ​ກັນ​ຢູ່ ​ລັດ​ຄາ​ລີຟໍ​ເນຍ ​ໂດຍ​ຫວັງ​ວ່າ ​ຈະ​ມີ​ໂອກາດ​ໄດ້​ພົບ​ພໍ້ກັບພວກ​ກຳນົດນະ​ໂຍບາຍ​ທີ່ສຳຄັນໆ ພວກ ນັກ​ລົງທຶນ ​ແລະ​ ພວກ​ຜູ້​ຄົນ ​ທີ່​ໄດ້​ປະສົບ​ກັບ​ຄວາມ​ສຳ​ເລັດ ຂະ ໜາດໃຫຍ່​ມາ​ແລ້ວ ​ໃນ​ສິ່ງ​ທີ່​ພວກ​ເຂົາ​ເຈົ້າພະຍາຍາມ​ເຮັດ.

ລາຍ​ຊື່​ຂອງ​ພວກ​ທີ່​ຈະ​ຂຶ້ນ​ໄປ​ກ່າວ ​ແລະ​ຢູ່​ໃນຄະນະ​ກຳມະການ​ຈາກ​ລັດຖະບານ ສະຫະລັດ ປະຊາ​ຄົມ​ທຸລະ​ກິດ ​ແລະ​ບໍລິສັດ​ລົງທຶນ ທີ່​ກອງ​ປະຊຸມ​ສຸດ​ຍອດ​ຜູຸ້ປະ ກອບການ​ວິສາຫະກິດ ຫຼື GES ​ແມ່ນ​ຢູ່​ໃນ​ຂອບ​ເຂດ ​ທີ່​ກວ້າງຂວາງ. ປະທານາ ທິບໍດີບາ​ຣັກ ​ໂອ​ບາ​ມາ​ ລັດຖະມົນຕີ​ການ​ຕ່າງປະ​ເທດ ທ່ານ John Kerry ລັດ ຖະມົນຕີ​ກະຊວງ​ການ​ຄ້າ ທ່ານ​ນາງ Penny Pritzker ​ແລະ​ຫົວໜ້າ​ຄຸ້ມ​ຄອງ​ທຸ ລະ​ກິດ​ຂະໜາດນ້ອຍ ທ່ານ​ນາງ Maria Contreas-Sweet ກໍ​ຈະ​ເຂົ້າຮ່ວມ. ​ ເຊັ່ນ​ດຽວ​ກັນ​ ກັບ​ບັນດາ​ຜູ້​ກໍ່ຕັ້ງບໍລິສັດ​ຕ່າງໆ ​ເຊັ່ນ Google ​ແລະ Airbnb.

ເບິ່ງນາງ Naomi Tulay-Solanke ຖະແຫຼງ

ຫົວໜ້າ​ດ້ານ​ເທັກ​ໂນ​ໂລ​ຈີ​ຂອງ​ສະຫະລັດທ່ານນາງ Megan Smith ກ່າວວ່າ ພວກ​ເຮົາ ​ມີ​ພວກ​ນັກ​ລົງທຶນ ພວກ​ສະໜັບສະໜຸນ​ ລະບົບ​ນິ​ເວດ​ທັງ​ໝົດ ພວກ​ນັກ​ສຶກສາ ຜູ້ຕາງໜ້າ​ທາງ​ທຸລະ​ກິດ ​ເຈົ້າໜ້າ​ທີ່​ລັດຖະບານ ​ແລະ​ພວກ​ເຂົາ​ເຈົ້າ ທີ່​ຈິງ​ແລ້ວ ​ແມ່ນຕາງໜ້າ​ໂດຍ​ເຕັມ ​ໃຫ້​ແກ່ ພວກ​ທີ່​ມີ​ຄວາມ​ຊ່ຽວຊານ​ໃນ​ການ​ປະກອບ​ວິ​ສາ​ຫະກິດທີ່ມາ​ຈາກ​ພື້ນຖານ​ທີ່​ແຕກ​ຕ່າງ​ກັນ ໃນ​ທົ່ວ​ປະ​ເທດ​ຂອງ​ພວກ​ເຮົາ ​ແລະ ​ ມາ​ຈາກ​ທົ່ວໂລກ. ລະດັບ​ຂອງ​ຄວາມ​ຮູ້​ຄວາມ​ຊ່ຽວຊານ​ແມ່ນ​ຢູ່​ທີ່​ນີ້​ແມ່ນ​ສູງ​ຫຼາຍ​ ທີ່​ມາ​ຈາກຫລາຍໆ​ປະ​ເທດ.

ທ້າວ Steven Ozoigbo ຈາກໄນຈີເຣຍ ກ່າວກ່ຽວກັບ ການເລີ້ມເຮັດທຸລະກິດ

ກອງປະຊຸມ​ຈຳນວນ​ນຶ່ງ​ແມ່ນ​ຈະເພັ່ງ​ເລັງ​ໃສ່​ກ່ຽວ​ກັບ​ວ່າພະ​ແນ​ກການ​ຕ່າງໆ​ ຂອງລັດຖະ ບານຈະເຮັດ​ແບບ​ໃດ​ ຈຶ່ງ​ຈະ​ຫັນປ່ຽນ​ ໃຫ້​ວິ​ສາ​ຫະກິດເປັນ​ຜູ້​ຂັບ ດັນ ​ການ​ເຕີບ​ໂຕ​ຂອງເສດຖະກິດ ໃນ​ແບບ​ດຽວ​ກັບ​ທີ່​ສູນ​ກາງ​ເທັກ​ໂນໂລ​ຈີຂອງ​ສະຫະລັດທີ່ Silicon Valley ມີ ການ​ພົວພັນ​ຫຼາຍຂຶ້ນກັບ​ຕະຫລາດ​ພຸ່ງ​ພົ້ນ​ໃໝ່.

ປະທານາທິບໍດີໂອບາມາ ປະກາດກ່ຽວກັບກອງປະຊຸມ GES ປີ 2016

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG