ລິ້ງ ສຳຫລັບເຂົ້າຫາ

ສຫລ ປະນາມ ການປາບປາມ ພວກປະທ້ວງ ທີ່ຊູດານ

  • ສິງ ບູຣົມມະວົງ

ທ່ານນາງ Victoria Nuland ໂຄສົກປະຈໍາກະຊວງການຕ່າງປະເທດສະຫະລັດ.

ສະຫະລັດ​ໄດ້​ປະນາມ​ອັນ​ທີ່​ກ່າວ​ວ່າ ການ​ປາບ​ປາມ​ຢ່າງ​ຮຸນ​ແຮງຕໍ່​ພວກ​ປະ​ທ້ວງ​ຕໍ່ຕ້ານ​ລັດຖະບານ ​ທີ່​ໄດ້​ແຜ່​ລາມ​ອອກ​ໄປ​ສູ່​ຫຼາຍ​ເຂດຂອງ​ປະ​ເທດ​ທີ່​ຕັ້ງຢູ່ໃນ​ທະວີບອາ​ຟຣິກາ​ຕາ​ເວັນ​ອອກ​ແຫ່ງ​ນີ້.

ການ​ປະ​ທ້ວງ​ໄດ້​ເລີ້ມ​ຂຶ້ນໃນ​ນະຄອນຫຼວງ Khartoum ​ໄດ້​ເກືອບ 2 ສັບປະດາ​ຜ່ານ​ມາເວລາ​ມີ​ແຕ່​ພວກ​ນັກ​ສຶກສາ​ເທົ່າ​ນັ້ນ​ທໍາ​ການ​ປະທ້ວງ​ຕໍ່​ການເອົາ​ມາດ​ຕະການປະຢັດ​ມັດທະຍັດ ທີ່​ໄດ້​ວາງ​ແຜນ​ໄວ້​ຂອງລັດ ຖະບານ ​ແລະ​ລາຄາ​ສິນ​ຄ້າ​ໄດ້​ຖີບ​ໂຕ​ສູງ​ຂຶ້ນ​ຢ່າງ​ໄວ​ນັ້ນ.

ຄວາມ​ວຸ້ນວາຍ​ໄດ້​ແຜ່​ລາມ​ອອກ​ໄປ​ຢ່າງ​ໄວ​ເປັນ​ການ​ປະ​ທ້ວງ​ທີ່​ໃຫຍ່ຂຶ້ນ​ແລະ​ຮຸນ​ແຮງ​ຂຶ້ນ​ໃນ​ທົ່ວ​ນະຄອນຫຼວງ​ ແລະ​ໃນ​ຫຼາຍ​ເຂດ​ຂອງປະ​ເທດ. ພວກ​ກໍາລັງ​ຮັກສາ​ຄວາມ​ສະຫງົບ​ຂອງ​ຊູ​ດານ​ໄດ້​ທໍາ​ການ​ຕອບ​ໂຕ້​ຢ່າງ​ໜັກ​ໂດຍ​ໃຊ້​ລະ​ເບີດນໍ້າຕາແລະ​ໄມ້ຄ້ອນຕໍ່​ພວກ​ປະ​ທ້ວງທີ່​ໄດ້​ທໍາ​ການ​ຕອບ​ໂຕ້​ໂດຍ​ການ​ແກວ່ງ​ກ້ອນ​ຫິນ​ແລະ​ຈູດ​ເຜົາ​ຢາງ​ລົດ​ຢູ່​ຕາມຖະໜົນ​ຫົນທາງ​ສາຍ​ຕ່າງໆ.

ທ່ານ​ນາງ Victoria Nuland ​ໂຄສົກ​ປະ​ຈໍາ​ກະຊວງ​ການ​ຕ່າງປະເທດ​ສະຫະລັດ​ ກ່າວ​ໃນ​ວັນ​ອັງຄານ​ວານ​ນີ້​ວ່າ ​ໄດ້​ມີ​ລາຍ​ງານ​ຂ່າວວ່າ​ພວກ​ປະ​ທ້ວງ​ໄດ້​ຖື​ບທຸບ​ຕີ ພ້ອມທັງ​ຖືກຈັບ​ຂັງ​ແລະ​ທາລຸນ​ຢ່າງຮ້າຍ​ແຮງ​ເວລາ​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ລັດຖະບານ​ນັ້ນ. ທ່ານ​ນາງ Nuland ກ່າວ​ຕື່ມ​ວ່າ ການ​ປາບ​ປາ​ມພວກ​ປະ​ທ້ວງ​ຈະ​ບໍ່​ແກ້​ໄຂ​ວິ​ກິດ ການ​ເສດຖະກິດ​ໃນ​ຊູ​ດານ​ໄດ້. ທ່ານ​ນາງ​ໄດ້​ຮຽກຮ້ອງ​ໃຫ້​ຊູ​ດານ​ປ່ອຍ ໂຕ​ພວກ​ທີ່​ຖືກ​ຈັບ​ກຸມ​ໄວ້​ນັ້ນ​ທັງ​ໝົດ​ໃນ​ທັນທີ.

XS
SM
MD
LG