ລິ້ງ ສຳຫລັບເຂົ້າຫາ

ຊູເເດນ ປະກາດ ພາວະສຸກເສີນ ຢູ່ເລາະຕາມ ຊາຍແດນຕິດກັບ ຊູແດນໃຕ້

  • ວັນນະສອນ​ ແກ້ວດາຣາ

ທະຫານຊູແດນ ລາດຕະເວນໃນເຂດຊາຍແດນລະຫວ່າງສອງຊູແດນ

ຊູເເດນ​ໄ​ດ້ປະກາດ​ສະພາວະ​ສຸກ​ເສີນ ຢູ່​ເລາະ​ຕາມ​ເຂ​ດຊາຍ​ແດນ​ທີ່​ຕິດ​ກັບຊູເເດນໃຕ້
ນັ້ນ ​ຊຶ່ງ​ເປັນ​ການສົ່ງສັນຍານ​ໃນ​ການສືບ​ຕໍ່​ມຸ້ງ​ໜ້າ​ໄປ​ສູ່​ການ​ເຮັດ​ສົງຄາມໂດຍ​ເຕັມ
ຂະນະ​ທີ່​ການ​ເປັນ​ປໍ​ລະ​ປັກ​ກັນ​ທະວີ​ຮຸນ​ແຮງ​ຂຶ້ນ ລະຫວ່າງ​ສອງ​ປະ​ເທດ​ເພື່ອນ​ບ້ານ​ນີ້.

​ອົງການຂ່າວທາງ​ການຂອງຊູ​ເເດນ SUNA ໄດ້ລາຍງານໃນວັນອາທິດວານນີ້ ດໍາລັດ​
ພາວະ​ສຸກ​ເສິນ​ນັ້ນ ອໍານວຍໃຫ້ Khartoum ມີອໍານາດເພີ່ມຂຶ້ນໃນການຈັບກຸມແລະ
ພິຈາລະນາ​ຄະດີພວກຕ້ອງ​ສົງ​ໃສ ໃນແຂດທີ່ມີຄວາມຮຸນແຮງນັ້ນ ​ແລະ​ອະນຸຍາດໃຫ້
ປະທານາທິບໍດີ Omar al-Bashir ແລະຜູ້ໃດກໍ່ຕາມທີ່​ໄດ້ຮັບ​ອໍານາດ​ຈາກ​ທ່ານ ສາມາດ​
ຈັດ​ຕັ້ງ​ສານພິ​ເສດ​ຂຶ້ນ​ມາ​ໄດ້ ເພື່ອດໍາ​ເນີນຄະດີທາງ​ອາຍາ​ຕ່າງໆ​ແລະຄະດີກໍ່ການຮ້າຍ.

ມາດຕາ​ການດັ່ງກ່າວ ຍັງອະນຸຍາດ​ໃຫ້​ງົດ​ໃຊ້​ກົດໝາຍລັດຖະທໍາ​ມະນູນ ໃນເຂດຊາຍ
ແດນ ແລະຫ້າມ​ການຄ້າຂາຍກັບຊູ​ເເດນໃຕ້. ທັງສອງປະເທດດັ່ງກ່າວ ຍັງຜິດ​ຖຽງ​ກັນຢູ່
ກ່ຽວກັບການ​ແບ່ງປັນ​ລາຍ​ໄດ້​ຈາກບໍ່ນໍ້າມັນ ການ​ປັກ​ປັນເຂດຊາຍແດນແລະບັນຫາ
ກ່ຽວ​ກັບສັນຊາດ.

ຊູ​ເເດນໃຕ້ ໄດ້ກ່າວໃນວັນອາທິດວານນີ້ວ່າ ຕົນຈະຖອນຕໍາຫລວດ​ຂອງ​ຕົນ​ທັງ​ໝົດ
ອອກຈາກເຂດ Abyei ທີ່​ຍາດ​ແຍ່ງ​ກັນ​ນັ້ນ.

ໃນວັນອາທິດວານນີ້ເຊັ່ນກັນ ກຸ່ມຊ່ອຍເຫຼືອກຸ່ມ​ນຶ່ງກ່າວວ່າ ຊາວຕ່າງປະເທດ 3 ຄົນທີ່
ຖືກຊູ​ເເດນຈັບ ໃນເມືອງ Heglig ນັ້ນ ແມ່ນກໍາລັງ​ເຮັດ​ວຽກ ເກັບກູ້ລະເບີດໃນເຂດຊາຍ
ແດນ ຊຶ່ງ​ກົງກັນຂ້າມກັບການກ່າວຫາຂອງທາງ Khartoum​ ທີ່ວ່າ ​ເຂົາ​ເຈົ້າເປັນສອດ
ແນມນັ້ນ. ​

ຊູ​ເເດນ ໄດ້ຈັບ ຊາວອັງກິດ, ຊາວນໍເວ, ຊາວອັຟຣິກາໃຕ້ ແລະ ຊາວຊູ​ເເດນໃຕ້​ຄົນ​ນຶ່ງ
ໃນເຂດຜະລິດນໍ້າມັນ Heglig.

XS
SM
MD
LG