ພວກປະທ້ວງໄດ້ປະທະກັນກັບຕໍາຫຼວດ ທີ່ເມືອງຫຼວງຄາທູມ ຂອງຊູດານ ເມື່ອວັນເສົາວານນີ້ ຂະນະທີ່ການເດີນຂະບວນປະທ້ວງຕໍ່ຕ້ານການຕັດການໃຊ້ຈ່າຍຂອງລັດຖະບານໃນຊູດານ ດໍາເນີນສືບຕໍ່ມາເປັນອາທິດທີ່ສອງ.
ກໍາລັງຮັກສາຄວາມປອດໄພ ໄດ້ໃຊ້ລະເບີດນໍ້າຕາແລະໄມ້ຄ້ອນ ເພື່ອທັບ ມ້າງການປະທ້ວງ ທີ່ໄດ້ລາມໄປຍັງຫຼາຍໆຄຸ້ມ. ລາຍງານຂ່າວເວົ້າວ່າພວກປະທ້ວງຈໍານວນນຶ່ງ ຖືກຈັບກຸມ.
ບັນດານັກເຄຶ່ອນໄຫວພະຍາຍາມທີ່ຈະຍຸຍົງໃຫ້ມີການລຸກຮືຂຶ້ນແບບ ລະດູ ບານໃໝ່ອາຫຣັບ ເພື່ອຕໍ່ຕ້ານລັດຖະບານຂອງປະທານາທິບໍດີ Omar Hassan al-Bashir ທີ່ຈັດຕັ້ງປະຕິບັດມາດຕະການປະຢັດມັດທະຍັດ ເພື່ອລົດການຂາດດຸນງົບປະມານໃນຈໍານວນ 2,400 ລ້ານໂດລານັ້ນລົງ.
ບັນດາຜູ້ນໍາຝ່າຍຄ້ານ ແລະນັກເຄຶ່ອນໄຫວຊາວໜຸ່ມ ໄດ້ຮຽກຮ້ອງໃຫ້ມີການເດີນຂະບວນປະທ້ວງຕື່ມອີກ ເພື່ອກົດດັນໃຫ້ມີປະຊາທິປະໄຕຫລາຍ ຂຶ້ນກວ່າເກົ່າ ແລະມາດຕະການຄວບຄຸມລາຄາສິ່ງຂອງຕ່າງໆທີ່ຖີບຕົວ ສູງຂຶ້ນໄປນັບມື້ນັ້ນ. ນອກນີ້ແລ້ວ ພວກປະທ້ວງຍັງຈົ່ມທຸກເລຶ່ອງການວ່າງ ງານ ແລະການສໍ້ລາດບັງຫຼວງຂອງເຈົ້າໜ້າທີ່ລັດຖະບານນັ້ນນໍາ.
ສະພາບເສດຖະກິດຂອງຊູດານໄດ້ຕົກຕໍ່າລົງໄປ ນັບຕັ້ງແຕ່ການແຍກ ອອກໄປຂອງຊູດານໃຕ້ ເມື່ອນຶ່ງປີຜ່ານມານັ້ນ.