ລິ້ງ ສຳຫລັບເຂົ້າຫາ

ປະທານາທິບໍດີຊູດານ ຫຼີກລ່ຽງການຖືກຈັບ ຢູ່ອາຟຣິກາໃຕ້


ປະທານາທິບໍດີຊູດານ ທ່ານ Omar al-Bashir ເຂົ້າຮ່ວມກອງປະຊຸມສຸດຍອດ ສະຫະພາບອາຟຣິກາ ທີ່ນະຄອນ Johannesburg ໃນວັນທີ 14, ເດືອນມິຖຸນາ 2015.

ປະທານາທິບໍດີຊູດານ ທ່ານ Omar al-Bashir ເຂົ້າຮ່ວມກອງປະຊຸມສຸດຍອດ ສະຫະພາບອາຟຣິກາ ທີ່ນະຄອນ Johannesburg ໃນວັນທີ 14, ເດືອນມິຖຸນາ 2015.

ປະທານາທິບໍດີຊູ​ດານ ທ່ານ Omar al-Bashir ​ໄດ້​ກັບ​ຄືນໄປ
ເຖິງນະຄອນ ຫຼວງ Khartoum ຂອງ​ຊູ​ດານແລ້ວ ຫລັງ​ຈາກ​ໄດ້
ທ້າ​ທາຍຕໍ່​ຄຳ​ສັ່ງ ​ຂອງ​ສານອາຟຣິກາໃຕ້ ໃຫ້ທ່ານຢູ່ໃນປະເທດ
ດັ່ງກ່າວຕໍ່ໄປ​ແລະ​ລໍຖ້າຟັງ​ການ​ຕັດສິນ​ວ່າ ທ່ານ​ຄວນ​ຖືກ​ຈະຈັບ
​ໃນ​ຂໍ້ຫາ ກໍ່ອາ​ຊະຍາ​ກຳສົງຄາມ​ ຂອງນາໆຊາດຫຼືບໍ່.

ບັນດາ​ຜູ້​ສະໜັບສະໜູນ ທ່ານ Bashir ​ໄ​ດ້ພາກັນ​ໄປ​ຕ້ອນຮັບ​
ທ່ານ ຢູ່​ເດີ່ນ​ບິນ ນະຄອນ Khartoum ​ໃນ​ຕອນ​ແລງ​ວັນ​ຈັນ​ວານ
​ນີ້ໂດຍ​ໂບກ​ປ້າຍ​ແລະ​ຮູບ​ຂອງ ​ຜູ້​ຊາຍ​ທີ່​ເຂົາ​ເຈົ້າ​ຮ້ອງ​ວ່າ “ສິງ​ໂຕ​
ຂອງ​ອາ​ຟຣິກາ.” ​ໃນ​ຂະນະ​ທີ່​ທ່ານກ້າວ​ອອກ​ຈາກ​ເຮືອບິນ​ ທ່ານ
Bashir ​ໄດ້ທັກທາຍ​ຝູງ​ຊົນ ດ້ວຍ​ການຍົກ​ໄມ້​ເທົ້າໄປມາ ຫລັງ​
ຈາ​ກນັ້ນກໍໄດ້ຢ່າງ​ເຂົ້າ​ໄປ​ໃນ​ລົດ​ເປີ​ດຫລັງຄາທີ່​ແລ່ນ​ຜ່ານ​ຝູງ​ຊົນໄປ.

ທ່ານ Bashir ​ໄດ້​ອອກ​ຈາກອາ​ຟຣິກາ​ໃຕ້​ ໃນ​ວັນ​ຈັນ​ວານ​ນີ້ ພຽງ​ບໍ່​ເທົ່າ​ໃດ​ຊົ່ວ​ໂມງ​ກ່ອນ
​ສານ​ໄດ້​ຕັດສິນ​ວ່າ ທ່ານ​ຄວນ​ຖືກຄຸມຂັງ​ ​ແລະ​ສົ່ງ​ໃຫ້​ແກ່ສານ​ອາຍາ​ສາກົນທີ່ໄດ້ຮັບການ
ສະໜັບສະໜູນໂດຍສະຫະປະຊາຊາດ ​ເພື່ອດຳເນີນຄະດີ.

ສານ Pretoria ​ແລະສານ​ອາຍາ​ສາກົນ ​ຕ່າງກໍໄດ້​ສະ​ແດງ​ຄວາມ​ຜິດ​ຫວັງ ທີ່ ທ່ານ Bashir ບໍ່ເອົາຫົວຊາຕໍ່​ການ​ຕັດສິນ​ຂອງ​ສານ. ຜູ້​ພິພາກສາອາ​ຟຣິກາ​ໃຕ້ ທ່ານ Dunstan
Mlambo ​ໄດ້​ອອກ​ຖະ​ແຫລ​ງການ​ຢ່າງ​ເປີ​ດ​ເຜີຍຕິຕຽນ​ລັດຖະ ບານອາ​ຟຣິກາທີ່​ອະນຸຍາດ​
ໃຫ້ທ່ານ Bashir ອອກ​ເດີນທາງ ​ກ່ອນມີການອອກ ໝາຍຈັບ.

​ເລຂາທິການ​ໃຫຍ່ ສະຫະ​ປະຊາ​ຊາດ ທ່ານ Ban ki-Moon ​ໄດ້​ໃຫ້ຄວາມເຫັນກ່ຽວກັບ
ເລື້ອງນີ້ ​ໂດຍ​ກ່າວ​ວ່າ ອຳນາດ​ຂອງສານ​ອາຍາ​ສາກົນຫລື ICC ຕ້ອງ​ໄດ້ຮັບການ​ເຄົາລົບ.
ຂໍ້​ຫາກໍ່ອາ​ຊະຍາ​ກຳ​ສົງຄາມ ​ແລະ​ຂ້າ​ລ້າງ​ເຊື້ອຊາດເຜົ່າ​ພັນ​ຕໍ່ທ່ານ Bashir ​ໄດ້​ເລີ້ມ​ຈາກ​ບັນຫາຂັດແຍ້​ງ​ໃນເຂດ Darfur ຂອງຊູ​ດານ ​ທີ່ສະຫະ​ປະຊາ​ຊາດກະ ປະມານ​ວ່າ ມີ 300,000 ຄົນ​ໄດ້​ຖືກ​ຂ້າ​ຕາຍແລະ​ສອງ​ລ້ານ​ຄົນ​ຕ້ອງອົບພະຍົບ ຫລົບໄພ.

ສະແດງຄວາມເຫັນໃຫ້ເບິ່ງ

XS
SM
MD
LG