ລິ້ງ ສຳຫລັບເຂົ້າຫາ

ຣັດເຊຍ ເພີ່ມການໂຈມຕີ ທາງອາກາດ ຕໍ່ຕ້ານ ພວກສັດຕູ ຂອງທ່ານ Assad ໃນ ຊີເຣຍ


ແຜນທີ່ ການໂຈມຕີທາງອາກາດ ນຳໜ້າໂດຍ ຣັດເຊຍ ແລະ ສະຫະລັດ ໃນ ຊີເຣຍ.

ແຜນທີ່ ການໂຈມຕີທາງອາກາດ ນຳໜ້າໂດຍ ຣັດເຊຍ ແລະ ສະຫະລັດ ໃນ ຊີເຣຍ.

ຣັດ​ເຊຍ ກ່າວ​ວ່າ​ຕົນ​ໄດ້​ເພີ່ມ​ການ​ໂ​ຈມຕີ​ທາງ​ອາກາດ​ຕໍ່​ພວກຫົວ​ຮຸນ​ແຮງ ລັດ​ອິສລາມ ​ໃນ ຊີ​ເຣຍ, ​ເພື່ອ​ສະໜັບສະ​ໜູນ​ທະຫານ
ຊີ​ເຣຍ ທີ່​ໄດ້​ຍຶດ​ເອົາ​ບ້ານ​ສອງ​ແຫ່ງ​ຢູ່​ທາງ​ພາກ​ເໜືອ​ຂອງ​ເມືອງ Hama ​ຕັ້ງ​ແຕ່​ຕອນ​ແລງ​ວັນ​ສຸກ​ທີ່​ຜ່ານ​ມາ.

​ໂຄສົກ​ກະຊວງ​ປ້ອງ​ກັນ​ປະ​ເທດ​ ຣັດ​ເຊຍ ທ່ານ Igor Konashenkov ກ່າວ​ຕໍ່​ບັນດາ​ນັກ​ຂ່າວ ຣັດ​ເຊຍ ​ໃນ​ວັນ​ເສົາ​ວານ​ນີ້, ​ໄດ້​ເຊື່ອ​ມຕໍ່​ຈຳນວນ​ຕົວ​ເລກ​ການໂຈມ​ຕີ​ທີ່ເພີ່ມ​ຂຶ້ນໃສ່ “ຈຳ ນວນ​ເປົ້າ​ໝາຍ​ຢູ່​ເທິງ​ພື້ນ​ດິນ​ທີ່​ເພີ່ມຂຶ້ນ​ຢ່າງ​ຫຼວງ​ຫຼາຍ” ທີ່​ຖືກ​ຈັບ​ໄດ້​ຜ່ານ​ການ​ອອກ​ສຳ​ຫຼວດທາງ​ອາກາດ ​ແລະ ດາວ​ທຽມ.

ຮູບນີ້ໄດ້ມາຈາກເວັບໄຊທ໌ຂອງ ກະຊວງປ້ອງກັນປະເທດ ຣັດເຊຍ ວັນທີ 6 ຕຸລາ 2015, ເຮັອບິນຮົບ SU-24M ຂອງ ຣັດເຊຍ ບິນຂຶ້ນຈາກຖານທັບອາກາດ Hmeimim ໃນ ຊີເຣຍ.

ຮູບນີ້ໄດ້ມາຈາກເວັບໄຊທ໌ຂອງ ກະຊວງປ້ອງກັນປະເທດ ຣັດເຊຍ ວັນທີ 6 ຕຸລາ 2015, ເຮັອບິນຮົບ SU-24M ຂອງ ຣັດເຊຍ ບິນຂຶ້ນຈາກຖານທັບອາກາດ Hmeimim ໃນ ຊີເຣຍ.

ໃນ​ນະຄອນຫຼວງ ວໍ​ຊິ​ງຕັນ, ​ເ​ຈົ້າ​ໜ້າ​ທີ່​ປ້ອງ​ກັນ​ປະ​ເທດ​ລະດັບ​ສູງ ​ໄດ້​ຈັດການ​ປະຊຸມຄວາມ ປອດ​ໄພທາງ​ວິ​ດີ​ໂອ ກັບ​ຄູ່​ຮ່ວມ​ຕຳ​ແໜ່​ງຈາກ ຣັດ​ເຊຍ​ ຂອງ​ພວກ​ເຂົາ​ເຈົ້າ, ​ໃ​ນຖານະ ການ​ຜັກ​ດັນ​ເພື່ອ​ສົ່ງ​ເສີມ​ປະຕິບັດ​ການ​ຕໍ່​ສູ້ທີ່​ປອດໄພ​ໃນ ນ່ານ​ຟ້າ​ ຊີ​ເຣຍ ທີ່ແອ​ອັດ​ຂຶ້ນ. ໂຄສົກ ທຳນຽບ ຫ້າ​ແ​ຈ ທ່ານ Peter Cook ​ໄດ້​ອະທິ​ບາຍການເຈ​ລະຈາວ່າ​ເປັນດັ່ງ​ກັບ “ມື​ອາຊີບ” ​ແລະ ​ໄດ້​ກ່າວ​ວ່າພວກ​ເຂົາ​ເຈົ້າ​ໄດ້​ເພັ່ງ​ເລັງ​ໃສ່ວິທີ​ດຳ​ເນີນ​ການ​ທາງ​ອາກາດ ​ທີ່​ປອດໄພ​ຢ່າງ​ສະ​ເພາະ​ເຈາະ​ຈົງ.

ບັນດາປະເທດທີ່ເຂົ້າຮ່ວມ ໃນການໂຈມຕີທາງອາກາດໃນ ຊີເຣຍ ແລະ ອີຣັກ.

ບັນດາປະເທດທີ່ເຂົ້າຮ່ວມ ໃນການໂຈມຕີທາງອາກາດໃນ ຊີເຣຍ ແລະ ອີຣັກ.

ກະຊວງ​ປ້ອງ​ກັນ​ປະ​ເທດ​ຂອງ ຣັດ​ເຊ​ຍ ​ໄດ້​ໃຊ້​ພາສາ​ທີ່​ຄ້າຍຄື​ກັນ​ເພື່ອ​ບັນ​ລະຍາຍ​ການ​ເຈລະຈາດັ່ງກ່າວ.

ເ​ຈົ້າໜ້າ​ທີ່ ສະຫະລັດ ​ໄດ້​ວິຈານ ຣັດ​ເຊຍ​ ຢ່າງແຮງ, ຫຼັງ​ຈາກ ມົສກູ ​ໄດ້​ໃຫ້ສັນຍານ​ເຕືອນ ທີ່​ບໍ່​ຊັດ​ເຈນ​ໃນວັນ​ທີ່ 30 ກັນ​ຍາ​ທີ່​ຜ່ານ​ມາ ພຽງ​ໜຶ່ງ​ຊົ່ວໂມງກ່ອນ​ພວກ​ເຂົາ​ເຈົ້າດຳ​ເນີນ​ການ​ໂຈມ​ຕີ​ທາງ​ອາກາດ​ຄັ້ງ ​ທຳ​ອິດ​ໃນ ຊີ​ເຣຍ ​ເພື່ອ​ສະໜັບສະໜູນ​ປະທານາທິບໍດີ Bashar al-Assad ທີ່ຖືກ​ໂຈມ​ຕີ.

ມົສກູ​ ອ້າງ​ວ່າ ການໂຈມ​ຕີ​ສ່ວນ​ໃຫຍ່​ແມ່ນ​ແນ​ໃສ່​ພວກ​ຫົວ​ຮຸນ​ແຮງ ລັດ​ອິສລາມ, ​ແຕ່​ພວກ​ກຸ່ມ​ກະບົດ​ກ່າວ​ວ່າ ການ​ໂຈມ​ຕີ​ສ່ວນ​ໃຫຍ່​ແມ່ນ​ຖືກ​ພື້ນ​ທີ່ໆ​ບໍ່​ມີ​ພວກ​ຫົວຮຸນ​ແຮງ​ອາ​ໄສ​ຢູ່.

XS
SM
MD
LG