ລິ້ງ ສຳຫລັບເຂົ້າຫາ

ຊາວໂຣຮິງຢາ ເປັນບັນຫາທ້າທາຍ ຕໍ່ ລັດຖະບານໃໝ່ ຂອງມຽນມາ


ຊາວມຸສລິມໂຣຮິງຢາ ໃນມຽນມາ ນັ່ງຕິດກັບພື້ນ ທີ່ສູນອົບພະຍົບ Da Paing ທາງເໜືອເມືອງ Sittwe ໃນລັດ Rakhine ໃນພາກຕາເວັນຕົກ ຂອງມຽນມາ.

ຊາວມຸສລິມໂຣຮິງຢາ ໃນມຽນມາ ນັ່ງຕິດກັບພື້ນ ທີ່ສູນອົບພະຍົບ Da Paing ທາງເໜືອເມືອງ Sittwe ໃນລັດ Rakhine ໃນພາກຕາເວັນຕົກ ຂອງມຽນມາ.

ອົງການ​ສະຫະ​ປະຊາ​ຊາດ​ໃຫ້​ເວລາ​ 100 ວັນ ແກ່​ລັດຖະບານ​ພົນລະ​ເຮືອນ​ຊຸດ​ໃໝ່​ທີ່​ຫາ ​ກໍ​ເຂົ້າກຳ​ອຳນາດຂອງ​ມຽນມາພາຍ​ໃຕ້ການ​ນຳພາພັກ​ສັນນິບາດ​ແຫ່ງ​ຊາດຂອງທ່ານ​ນາງ​ ອອງຊານ ຊູຈີ ​ເພື່ອ​ປັບປຸງ​ສະພາບ​ການເປັນ​ຢູ່​ ຂອງ​ພວກປະຊາ​ຄົມ​ກຸ່ມ​ນ້ອຍ​ໂຣຮິງຢາ​ຢູ່​ໃນ​ປະ​ເທດ​ດັ່ງກ່າວ. ​ແຕ່​ຍັງ​ມີ​ຄວາມ​ສົງ​ໄສ​ຢູ່​ກ່ຽວກັບ​ຄວາມ​ສາມາດ​ຂອງ​ລັດຖະບານ​ຊຸດ​ໃໝ່ ​ໃນ​ການ​ທີ່​ຈະ​ດຳ​ເນີນ​ການ​ດັ່ງກ່າວ​ໄດ້.

​ໃນ​ວັນ​ອັງຄານ​ແລ້ວນີ້ ລັດຖະບານ​ເຄິ່ງທະຫານ​ທີ່ຫາ​ກໍ​ພົ້ນຈາກ​ຕຳ​ແໜ່​ງ​ໄດ້​ຍົກ​ເລີກ​ການ​ປະກາດ​ພາວະ​ສຸ​ກ​ເສີນ​ເປັນ​ເວລາ​ເກືອບ 4 ປີ ທີ່​ລັດຣາ​ໄຄ​ນ໌ບ່ອນ​ທີ່ຊາວ​ໂຣຮິງ​ຢາ​ໄດ້​ຖືກ​ປະຕິ​ເສດ​ບໍ່​ໃຫ້​ໄດ້​ຮັບ​ສັນ​ຊາດ​ໃນ​ເວລາ​ນີ້ແລະ​ກ່າວ​ວ່າ​ເຂົາເຈົ້າ​ໄດ້​ຖືກ​ປະ​ຫັດ​ປະຫານ.

ຊາວ​ໂຣຮິງຢາ ​ບໍ່​ສາມາດ​ເດີນທາງ​ໄປມາ​ໄດ້​ຢ່າງ​ເສລີ​ຢູ່​ໃນ​ມຽນມາ ບໍ່​ສາມາດ​ແຕ່ງງານ​ຫຼື
​ມີ​ລູກ​ໄດ້ ຖ້ຫາກ​ບໍ່​ໄດ້​ຮັບ​ອະນຸຍາດ​ຈາກ​ເຈົ້າໜ້າ​ທີ່ແລະ​ສ່ວນ​ໃຫຍ່ແມ່ນ​ໄດ້​ຖືກ​ຫ້າມ​ບໍ່​ໃຫ້​ໄດ້​ຮັບ​ການ​ສຶກສາຂັ້ນສູງ​ ແລະ​ປະ​ເຊີນ​ກັບ​ການ​ຂົ່ມຂູ່ເປັນປະຈຳຕໍ່​ການ​ກໍ່​ຄວາມ​ຮຸນ​ແຮງ ​ໃນ​ຂະນະ​ທີ່​ພວກ​ຊາວ​ພຸດຫົວ​ຮຸນ​ແຮງ​ຈັ​ດ​ໄດ້ຮັບ​ແຮງສະໜັບສະ​ໜຸນ​ເພີ້ມຂຶ້ນ.

ກຸ່ມ​ປົກ​ປ້ອງ​ສິດທິ​ມະນຸດ Human Rights Watch ​ໃນ​ມື້ວັນ​ພຸດ​ຜ່ານ​ມານີ້ ​ໄດ້ຮຽກຮ້ອງ​ໃຫ້​ປະທານາທິບໍດີ Htin Kyaw ຄ້ຳປະກັນ​ວ່າ ການ​ຍົກ​ເລີກ​ພາວະ​ສຸກ​ເສີນຈະ​ໝາຍ​ເຖິງ​ການ​ປັບປຸງ​ທີ່​ແທ້​ຈິງກ່ຽວ​ກັບ​ການ​ເຄົາລົບ​ນັບຖື​ສິດທິ​ຂອງພວກ​ຊົນ​ກຸ່ມ​ນ້ອຍທີ່​ລັດຣາ​ໄຄ​ນ໌ ທາງ​ພາກ​ຕາ​ເວັນ​ຕົກ​ຂອງ​ປະ​ເທດ​ນັ້ນ.

XS
SM
MD
LG