ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ນັກຂ່າວ ໜັງສືພິມ Washington Post ຖືກຕັດສິນ ລົງ​ໂທດ​ໃນ ອີຣ່ານ


ນາງ Mary Rezaian, ຂວາ, ແມ່ຂອງນັກຂ່າວ Washington Post ທີ່ຖືກຈັບກຸມ ທ້າວ Jason Rezaian, ແລະ ພັນລະຍາ ນາງ Yeganeh ຍ່າງອອກຈາກສານປະຕິວັດ ໃນນະຄອນຫຼວງ ເທເຮຣານ, ອີຣ່ານ. 10 ສິງຫາ, 2015.
ນາງ Mary Rezaian, ຂວາ, ແມ່ຂອງນັກຂ່າວ Washington Post ທີ່ຖືກຈັບກຸມ ທ້າວ Jason Rezaian, ແລະ ພັນລະຍາ ນາງ Yeganeh ຍ່າງອອກຈາກສານປະຕິວັດ ໃນນະຄອນຫຼວງ ເທເຮຣານ, ອີຣ່ານ. 10 ສິງຫາ, 2015.

​ໂທລະພາບ​ລັດຖະບານ ອີຣ່ານ ລາຍ​ງານ​ໃນ​ຕອນ​ແລງ​ວັນ ອາທິດ​ວານ​ນີ້​ວ່າ ນັກ​ໜັງສືພິມ Washington Post ທ້າວ Jason Rezaian ​ໄດ້​ຖືກ​ຕັດສິນ​ລົງ​ໂທດ​ເຊິ່ງລວມມີ​ການ​ເຄື່ອນ​ໄຫວສອດ​ແນມນຳ.

ການ​ລາຍ​ງານ​ໄດ້​ອ້າ​ງອີງ​ເຖິງ​ໂຄສົກ​ກະຊວງ​ຍຸດຕິ​ທຳ ທ່ານ Gholam Hossein Mohseni Ejehi, ​ແຕ່​ບໍ່​ໄດ້​ລວມ​ເອົາ​ຂໍ່​ມູນ​ໃດ​ກ່ຽວ​ກັບ​ການ​ການ​ຕັດ​ສິນ​ລົງໂທດດັ່ງກ່າວ ພຽງ​ແຕ່​ບອກວ່າ ທ້າວ Rezaian ​ແລະ ທະນາຍຄວາມ​ຂອງ​ລາວ ​ແມ່ນ​ສາມາດ​ຍື່ນອຸ ທອນການ​ພິພາກສາ​ໄດ້​ພາຍ​ໃນ 20 ມື້​ເທົ້າ​ນັ້ນ.

ທ້າວ Jason Rezaian, ນັກ​ຂ່າວ​ ອາ​ເມຣິກາ ​ເຊື້ອ​ສາຍ ອີຣ່ານ ​ສຳລັບ​ໜັງສືພິມ Washington Post, ຍິ້ມ​ໃນ​ຂະນະ​ທີ່​ລາວ​ເຂົ້າຮ່ວມ​ການໂຄສະນາ​ການ​ເລືອກ​ຕັ້ງ​ໂຄສະນາ​ຫາ​ສຽງ ຂອງ​ປະທານາທິບໍດີ Hassan Rouhani ​ໃນ​ນະ​ຄອນ​ຫຼວງ ​ເທ​ເຮຣານ, 11 ​ເມສາ, 2013.
ທ້າວ Jason Rezaian, ນັກ​ຂ່າວ​ ອາ​ເມຣິກາ ​ເຊື້ອ​ສາຍ ອີຣ່ານ ​ສຳລັບ​ໜັງສືພິມ Washington Post, ຍິ້ມ​ໃນ​ຂະນະ​ທີ່​ລາວ​ເຂົ້າຮ່ວມ​ການໂຄສະນາ​ການ​ເລືອກ​ຕັ້ງ​ໂຄສະນາ​ຫາ​ສຽງ ຂອງ​ປະທານາທິບໍດີ Hassan Rouhani ​ໃນ​ນະ​ຄອນ​ຫຼວງ ​ເທ​ເຮຣານ, 11 ​ເມສາ, 2013.

ທະນາຍຄວາມ​ຂອງ​ທ້າວ Rezaian ຍັງບໍ່​ໄດ້​ຢືນຢັນ​ການ​ພິພາກສາ ຫຼື​ ​ໃຫ້​ຄຳ​ເຫັນ​ກ່ຽວ​ກັບ​ລາຍ​ງາ​ນດັ່ງກ່າວ.

ທ້າວ Rezaian ​ໄດ້​ເຮັດ​ວຽກໃຫ້ໜັງສືພິມ The Washington Post ​ໃນ ອີຣ່ານ ຕັ້ງ​ແຕ່​ປີ 2012 ກ່ອນ​ລາວ​ຖືກ​ຈັບ​ໃນ​ປີ 2014 ​ແລະ ​ໄດ້​ຖືກ​ຈັບ​ໄວ້​ໂດຍ​ບໍ່​ມີ​ຂໍ້​ກ່າວ​ຫາຢ່າງ​ເປັນ​ທາງ​ການ​ໃດໆ. ​ບັນດາ​ເຈົ້າ​ໜ້າ​ທີ່ ອີຣ່ານ ຍັງ​ໄດ້​ຈັບ​ກຸມ​ພັນ​ລະ​ຍາ​ຂອງ​ລາວ, ນາງ Yeganeh Salehi, ​ພ້ອມຄົນ​ອື່ນອີກ​ສອງຄົນ.​ ນາງ Salehi ກໍ​ເປັນ​ນັກ​ຂ່າວ​ເຊັ່ນ​ກັນ, ​ແລະ​ໄດ້​ຖືກ​ປ່ອຍ​ໂຕນັບ​ຕັ້ງແຕ່​ນັ້ນ​ມາ, ​ແຕ່​ວ່າທ້າວ Rezaian ຍັງ​ຖືກ​ກັກ​ຂັງ​ໄວ້​ໃນ​ຄຸກ​ຢູ່.

ບັນນາທິການ​ ບໍລິຫານ​ຂອງ​ໜັງສືພິມ Washington Post ທ່ານ Martin Baron ​ໄດ້​ກ່າວ​ໃນ​ວັນ​ອາທິດ​ວານ​ນີ້​ວ່າ ໜັງສືພິມ​ຂອງ​ຕົນ​ມີ​ຄວາມ​ຮູ້ສຶກ​ດີກ່ຽວກັບ​ການ​ປະກາດ​ຄຳ​ຕັດສິນ​ລົງ​ໂທດ​ ​ໃນເບື້ອງ​ຕົ້ນ​ຂອງ ອີຣ່ານ, ​ເຊິ່ງທ່ານ​ເອີ້ນ​ວ່າ “ບໍ່​ກະຈ່າງ​ແຈ້ງ ​ແລະ ​ສັບສົນ.”

ທ່ານ Baron ​ໄດ້ກ່າວ​ວ່າ “ມັນ​ຍັງ​ບໍ່​ກະຈ່າງ​ແຈ້ງ​ເ​ທື່ອວ່າ ການ​ຕັດສິນ​ໃນ​ຄັ້ງ​ນີ້ແມ່ນ ລວມ​ເອົາ​ຄຳ​ພິພາກສາ ຫຼື ການ​ລົງ​ໂທດ ຫຼື​ ​ແມ່ນ​ກະທັ້ງ​ເນື້ອ​ຫາ​ຂອງ​ພວກ​ເຂົາ​ເຈົ້າ​ໄດ້​ຕິດ​ຕໍ່​ສື່ສານ​ກັບທ້າວ Jason ຫຼື ທະນາຍຄວາມ​ຂອງ​ລາວຫຼື​ບໍ່. ທ້າວ Jason ​ແມ່ນຜູ້​ໄດ້​ຮັບ​ເຄາະ​ຮ້າຍ​ທີ່​ໄດ້​ຖືກ​ຈັບໂດຍ​ບໍ່​ມີ​ສາ​ເຫດ, ຖືກ​ກັກ​ຂັງ​ຢ່າງ​ໂດດດ່ຽວ​ເປັນ​ເວລາ​ຫຼາຍ​ເດືອນ, ​ໂດຍ​ບໍ່​ສາມາດ​ເຂົ້າ​ເຖິງ​ທະນາຍຄວາມ, ​ໄດ້​ຮັບ​ການ​ທໍລະມານ​ທາງ​ຮ່າງ​ກາຍ ​ແລະ ຂົ່ມ​ເຫັງ​ທາງ​ຈິດ​ໃຈ.”

ອີຣ່ານ ​ແລະ ສະຫະລັດ ​ບໍ່​ໄດ້​ມີ​ສາຍ​ພົວພັນ​ທາງ​ການ​ທູດ​ນຳ​ກັນມາ​ຕັ້ງ​ແຕ່​ປີ 1980.

Iran US Journalist
please wait
Embed

No media source currently available

0:00 0:00:53 0:00

XS
SM
MD
LG