ລິ້ງ ສຳຫລັບເຂົ້າຫາ

ລາຍງານ ກະຊວງ ຕ່າງປະເທດ ສຫລ: ການຄ້າມະນຸດ ຢູ່ ສປປ ລາວ, ຕອນທີ 2


ລາຍງານວ່າດ້ວຍການຄ້າມະນຸດ ຂອງກະຊວງການຕ່າງປະເທດ ສຫລ ສະແດງໃຫ້ເຫັນ ປະເທດຕ່າງໆ ທີ່ຍັງໃຊ້ທະຫານເດັກນ້ອຍ.

ລາຍງານວ່າດ້ວຍການຄ້າມະນຸດ ຂອງກະຊວງການຕ່າງປະເທດ ສຫລ ສະແດງໃຫ້ເຫັນ ປະເທດຕ່າງໆ ທີ່ຍັງໃຊ້ທະຫານເດັກນ້ອຍ.

ອັນດັບຕໍ່ໄປ ຂໍເຊີນທ່ານຮັບຟັງຕອນທີ 2 ຂອງລາຍງານປະຈຳປີ
2013 ວ່າດ້ວຍການຄ້າມະນຸດ ຂອງກະຊວງການຕ່າງປະເທດສະ
ຫະລັດໃນພາກສ່ວນທີ່ກ່ຽວກັບ ສປປ ລາວ ຊຶ່ງໃນຕອນນີ້ແມ່ນຈະ
ເວົ້າເຖິງ ການໃຫ້ຄວາມຄຸ້ມຄອງ ຂອງລັດຖະບານລາວ ແກ່ພວກ
ໄດ້ຮັບເຄາະ ຊຶ່ງໄພສານ ຈະນຳມາສະເໜີທ່ານ.


ໃນພາກສ່ວນທີ່ເວົ້າເຖິງການໃຫ້ຄວາມປົກປ້ອງຄຸ້ມຄອງນັ້ນ ລາຍ ງານຂອງກະຊວງການຕ່າງປະເທດສະຫະລັດ ກ່າວວ່າ ເຖິງແມ່ນລັດຖະບານລາວ ສືບຕໍ່ໃຫ້ ຄວາມຊ່ອຍເຫລືອພໍປານກາງ ແກ່ພວກທີ່ຕົກເປັນເຫຍື່ອການຄ້າມະນຸດທີ່ຖືກສົ່ງກັບຄືນໄປ ຈາກໄທ ແລະພວກທີ່ຖືກບົ່ງວ່າເປັນຜູ້ໄດ້ຮັບເຄາະຮ້າຍຢູ່ພາຍໃນປະເທດກໍຕາມ ແຕ່ຄວາມ ພະຍາຍາມໃນການຄຸ້ມຄອງພວກເຄາະຮ້າຍ ໂດຍລວມແມ່ນຍັງບໍ່ເປັນການພຽງພໍ. ຫຼັງຈາກ ທີ່ເດີນທາງ ກັບຄືນມາຈາກປະເທດໄທແລ້ວນັ້ນ ພວກເຄາະຮ້າຍທີ່ຖືກເຈົ້າໜ້າທີ່ໄທ ຫຼືລາວ ລະບຸໂຕວ່າ ເປັນຜູ້ໄດ້ຮັບເຄາະຈາກການຄ້າມະນຸດ ກໍຈະຖືກສົ່ງໄປຍັງບ້ານພັກຊົ່ວຄາວ ຫຼື ສູນກາງໃຫ້ຄວາມຊ່ອຍເຫຼືອອື່ນໆເພື່ອຮັບການປິ່ນປົວພະຍາບານ ຮັບຄຳແນະນຳແລະຮັບ ການຝຶກອາຊີບ.

ລາຍງານຂອງກະຊວງການຕ່າງປະເທດສະຫະລັດເວົ້າວ່າໃນຮອບປີຜ່ານມານີ້ມີພວກທີ່ຕົກ ເປັນເຫຍື່ອຂອງການຄ້າມະນຸດ 193 ຄົນ ໄດ້ຖືກສົ່ງກັບຄືນໄປລາວ ພາຍໃຕ້ລະບົບຈັດສົ່ງ ພວກເຄາະຮ້າຍກັບຄືນປະເທດຢ່າງເປັນທາງການ ແຕ່ແນວໃດກໍຕາມ ການດຳເນີນຄວາມ ພະຍາຍາມທີ່ບໍ່ພຽງພໍຂອງທັງສອງຝ່າຍເພື່ອລະບຸໂຕພວກເຄາະຮ້າຍ ໃນໝູ່ພວກຄົນງານທີ່ ບໍ່ມີເອກກະສານ ເຮັດໃຫ້ພວກເຄາະຮ້າຍຫຼາຍໆຄົນ ບໍ່ໄດ້ຖືກລະບຸໂຕ. ພວກເຄາະຮ້າຍທີ່ ຖືກລະບຸໂຕຫຼືສົ່ງໄປຮັບການຊ່ອຍເຫຼືອໃນໄລຍະທີ່ມີການລາຍງານແມ່ນບໍ່ຮູ້ຈັກຈຳນວນທີ່ ຄັກແນ່ ແຕ່ແນວໃດກໍຕາມ ລັດຖະບານລາວລາຍງານວ່າ ມີຜູ້ເຄາະຮ້າຍທັງໝົດ 302 ຄົນ ໃນກໍລະນີຕ່າງໆ ທີ່ຕົນທຳການສືບສວນ.

ລາຍງານເວົ້າວ່າ ລັດຖະບານລາວຍັງສືບຕໍ່ເພິ່ງພາອາໄສການຊ່ວຍເຫລືອເກືອບວ່າທັງໝົດ ນຳບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານແລະອົງການຈັດຕັ້ງນາໆຊາດເພື່ອໃຫ້ການ ບໍລິການ ຫລືສະໜອງທຶນ ແກ່ພວກທີ່ຕົກເປັນເຫຍື່ອ. ແຕ່ແນວໃດກໍຕາມ ລັດຖະບານກາງ ຂອງລາວໄດ້ບໍລິຫານແລະໃຫ້ເງິນສະໜັບສະໜຸນເປັນບາງສ່ວນແກ່ສູນກາງພັກເຊົາຊົ່ວຄາວ ທີ່ນະຄອນວຽງຈັນບ່ອນທີ່ຜູ້ເຄາະຮ້າຍທີ່ຖືກສົ່ງກັບຄືນມາຈາກໄທໄປພັກເຊົາຢູ່ຂະນະທີ່ເຈົ້າ ໜ້າທີ່ທໍາການຊັ່ງຊາຕີລາຄາ ກ່ຽວກັບການຈັດແຈງຊ່ວຍເຫລືອໃນໄລຍະຍາວນັ້ນ. ສູນກາງ ດັ່ງກ່າວ ຊຶ່ງໃຊ້ເປັນບ່ອນພັກເຊົາສຳລັບພວກເຄາະຮ້າຍແມ່ຍິງແລະພວກທີ່ຖືກລ່ວງລະເມີດ ອື່ນໆນັ້ນ ໄດ້ໃຫ້ການເບິ່ງແຍງພວກທີ່ຕົກເປັນເຫຍື່ອຂອງການຄ້າມະນຸດ 28 ຄົນ ໃນໄລຍະ ທີ່ມີການລາຍງານປີນີ້.

ລາຍງານ ເວົ້າຕື່ມວ່າ ບັນດາອົງການຈັດຕັ້ງ ທີ່ບໍ່ຂຶ້ນກັບລັດຖະບານ ໄດ້ໃຫ້ການສະໜັບສະ ໜຸນໄລຍະຍາວເພີ້ມຂຶ້ນແລະໃຫ້ການຝຶກອາຊີບໃຫ້ແກ່ພວກເຄາະຮ້າຍ. ໃນຂະນະທີ່ລັດຖະ ບານລາວກາງຕໍ່ໃຫ້ບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານຊ່ອຍເຫຼືອທາງດ້ານຊັບພະ ຍາກອນ ໃນຂໍ້ລິເລີ້ມຫຼາຍໆໂຄງການ ກ່ຽວກັບການຄ້າມະນຸດນັ້ນ ການຂາດປະສິດທິພາບ ພາຍໃນ ໄດ້ພາໃຫ້ເກີດມີການຊັກຊ້າໃຊ້ເວລາດົນນານໃນການໃຫ້ການອະນຸມັດຕໍ່ອົງການ ທີ່ບໍ່ຂຶ້ນກັບລັດຖະບານ ແລະອົງການຈັດຕັ້ງນາໆຊາດ ເພື່ອຈັດຕັ້ງປະຕິບັດ ການດຳເນີນ ຄວາມພະຍາຍາມ ໃນການຕໍ່ຕ້ານການຄ້າມະນຸດຢູ່ລາວ.

ລາຍງານເວົ້າວ່າ ຄວາມສາມາດຂອງລັດຖະບານລາວ ໃນການສະໜອງການບໍລິການດ້ານ ການແພດແລະດ້ານຈິດຕະວິທະຍາແກ່ພວກເຄາະຮ້າຍ ແມ່ນໄດ້ເພີ້ມທະວີຂຶ້ນ ຍ້ອນມີການ ລົງນາມເມື່ອຮອບປີທີ່ຜ່ານມາ ໃນຂໍ້ຕົກລົງການຮ່ວມມື ລະຫວ່າງອົງການຈັດທີ່ບໍ່ຂຶ້ນກັບລັດ ຖະບານແລະໂຮງໝໍ ທີ່ບໍລິຫານງານໂດຍລັດຖະບານໃນເຂດນະຄອນວຽງຈັນ. ແຕ່ແນວໃດ ກໍຕາມການຂາດການໃຫ້ຄວາມສະໜັບສະໜຸນຢ່າງພຽງພໍໃນໄລຍະຍາວສຳລັບພວກເຄາະ
ຮ້າຍນັ້ນ ເຮັດໃຫ້ພວກເຂົາເຈົ້າຢູ່ໃນຄວາມຫລໍ່ແຫລມ ທີ່ຈະຕົກເປັນເຫຍື່ອຂອງການຄ້າມະ ນຸດອີກ.

ບັນດາອົງການຕໍ່ຕ້ານການຄ້າມະນຸດລະບຸວ່າ ພາກເໜືອຂອງລາວເປັນເຂດທີ່ຂາດການບໍລິ ການໃນການໃຫ້ຄວາມຊ່ອຍເຫຼືອແກ່ພວກເຄາະຮ້າຍທີ່ມີຄວາມຈຳເປັນ. ຍິ່ງໄປກວ່ານັ້ນເຖິງ ແມ່ນໄດ້ມີການລະບຸໂຕ ໃນຮອບປີທີ່ຜ່ານມານີ້ວ່າ ຫຼາຍກວ່ານຶ່ງສ່ວນສາມ ຂອງພວກເຄາະ ຮ້າຍແມ່ນເປັນພວກຜູ້ຊາຍກໍຕາມແຕ່ສ່ວນໃຫຍ່ຂອງການໃຫ້ບໍລິການຕ່າງໆຢູ່ໃນລາວແມ່ນ ຍັງມີແຕ່ສຳລັບພວກແມ່ຍິງທໍ່ນັ້ນ. ສະຫະພັນແມ່ຍິງລາວຍັງສືບຕໍ່ເປັນຜູ້ກຳກັບນຳເລື່ອງສາຍ ດ່ວນກ່ຽວກັບກໍລະນີຄວາມເປັນຫ່ວງໃນຂອບເຂດທີ່ກວ້າງຂວາງຮວມທັງກໍລະນີທີ່ມີການສົງ ໄສວ່າ ເປັນການຄ້າມະນຸດເຖິງແມ່ນໄດ້ມີການໂທລະສັບແຈ້ງຄວາມ ກ່ຽວກັບເລື່ອງການຄ້າ ມະນຸດກໍຕາມ ແຕ່ກໍບໍ່ໄດ້ມີການຈົດບັນທຶກໂຕເລກໄວ້.

ບໍ່ມີລາຍງານວ່າ ຜູ້ທີ່ຖືກລະບຸໂຕ ເປັນພວກເຄາະຮ້າຍ ໄດ້ຖືກປັບໃໝ ຍ້ອນຄວາມຜິດທີ່ໄດ້ ກະທຳໄປອັນເປັນຜົນເນື່ອງມາຈາກການຕົກເປັນເຫຍື່ອຂອງການຄ້າມະນຸດແລະເຈົ້າໜ້າທີ່ ລັດຖະບານກາງຂອງລາວ ໄດ້ມີຄຳສັ່ງໄປຫາພວກເຈົ້າໜ້າທີ່ ໃນແຂວງຕ່າງໆວ່າ ເຂົາເຈົ້າບໍ່
ສາມາດ ທີ່ຈະປັບໃໝພວກເຄາະຮ້າຍ ຍ້ອນການລ່ວງລະເມີດດ້ານຄົນເຂົ້າເມືອງ. ແຕ່ແນວ ໃດກໍຕາມ ລັດຖະບານລາວບໍ່ໄດ້ດຳເນີນຄວາມພະຍາຍາມຢ່າງພຽງພໍ ເພື່ອລະບຸໂຕພວກທີ່ ຕົກເປັນເຫຍື່ອຂອງການຄ້າມະນຸດຊຶ່ງອາດພາໃຫ້ມີການປະຕິບັດຕໍ່ພວກເຄາະຮ້າຍບາງຄົນ ເປັນຜູ້ລະເມີດກົດໝາຍ. ລັດຖະບານລາວລາຍງານວ່າ ມີພວກທີ່ຕົກເປັນເຫຍື່ອໃນຈຳນວນ ຫຼາຍຂຶ້ນ ໄດ້ໃຫ້ຄວາມຮ່ວມມືໃນການດຳເນີນຄະດີພວກກະທຳຜິດຮວມທັງຜ່ານການໃຫ້ຄຳ ແນະນຳແກ່ຜູ້ເຄາະຮ້າຍສ່ວນບຸກ ຄົນຢູ່ໃນສູນພັກເຊົາຊົ່ວຄາວ ແຕ່ການຂາດສິນນໍ້າໃຈ ໃນ ການເຂົ້າຮ່ວມແມ່ນຍັງບໍ່ພຽງພໍເພື່ອໃຫ້ການຄໍ້າປະກັນຕໍ່ພວກເຄາະຮ້າຍວ່າການດຳເນີນຄະ ດີທາງດ້ານກົດໝາຍຢ່າງເປັນທາງການຊຶ່ງອາດຈະໃຊ້ເວລາຢ່າງຍືດຍາວແລະເສຍເງິນຢ່າງ ຫລວງຫຼາຍນັ້ນ ຈະໃຫ້ຜົນປະໂຫຍດແກ່ພວກເຂົາເຈົ້າ ຫຼາຍກວ່າການປະນີປະນອມ ໂດຍບໍ່ ຕ້ອງມີການດຳເນີນຄະດີ ທີ່ເຄີຍປະຕິບັດກັນມານັ້ນ. ການໃຫ້ບໍລິການໃນການແປພາສາ ທີ່ ສະໜອງໂດຍພວກອາສາສະໝັກກໍມີສຳລັບພວກເຄາະຮ້າຍທີ່ເປັນຄົນຕ່າງປະເທດ. ລັດຖະ ບານລາວບໍ່ໄດ້ໃຫ້ການສະໜອງທາງເລືອກດ້ານກົດໝາຍເພື່ອຈັດສົ່ງພວກເຄາະຮ້າຍທີ່ເປັນ ຊາວຕ່າງປະເທດ ໄປຍັງປະເທດທີ່ພວກເຂົາອາດຈະປະເຊີນກັບການແກ້ແຄ້ນ ຫຼືຈະປະສົບ ກັບຄວາມລຳບາກຍາກແຄ້ນນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG