ລິ້ງ ສຳຫລັບເຂົ້າຫາ

ປະທານາທິບໍດີ ຂອງສຣີລັງກາ ຍອມຮັບ ການປະລາໄຊ ໃນການເລືອກຕັ້ງ


ຜູ້ສະໝັກເປັນປະທານາທິບໍດີ ຂອງສຣີລັງກາ ຈາກພັກຝ່າຍຄ້ານຫຼັກ ທ່ານ Maithripala Sirisena ຍໍມືນົບ ພວກນັກຂ່າວ ໃນຂະນະທີ່ໄດ້ໄປປ່ອນບັດເລືອກຕັ້ງ ຢູ່ທີ່ໜ່ວຍອອກສຽງເລືອກຕັ້ງປະທານາທິບໍດີ ແຫ່ງໜຶ່ງ ໃນເມືອງ Polonnaruwa ປະມານ 200 ກິໂລແມັດ ຫຼື 124 ໄມລ໌ ທາງພາກຕາເວັນອອກສຽງເໜືອ ຂອງນະຄອນຫລວງ Colombo.

ຜູ້ສະໝັກເປັນປະທານາທິບໍດີ ຂອງສຣີລັງກາ ຈາກພັກຝ່າຍຄ້ານຫຼັກ ທ່ານ Maithripala Sirisena ຍໍມືນົບ ພວກນັກຂ່າວ ໃນຂະນະທີ່ໄດ້ໄປປ່ອນບັດເລືອກຕັ້ງ ຢູ່ທີ່ໜ່ວຍອອກສຽງເລືອກຕັ້ງປະທານາທິບໍດີ ແຫ່ງໜຶ່ງ ໃນເມືອງ Polonnaruwa ປະມານ 200 ກິໂລແມັດ ຫຼື 124 ໄມລ໌ ທາງພາກຕາເວັນອອກສຽງເໜືອ ຂອງນະຄອນຫລວງ Colombo.

ຜົນ​ອອກ​ມາທີ່​ບໍ່​ໜ້າ​ເຊື່ອ ​ຂອງ​ການ​ເລືອກ​ຕັ້ງປະທານາທິບໍດີ
ສຣີລັງກາ ນັ້ນກໍຄື ອະດີດ​ລັດຖະມົນຕີ​ ໃນ​ລັດຖະບານ ທ່ານ
Maithripala Sirisena ​ໄດ້ເອົາຊະນະ ຜູ້ນຳເປັນເວລາດົນນານ
ຂອງປະເທດ ທ່ານ Mahinda Rajapaksa.

ທ່ານ Rajapaksa ​ໄດ້​ຍອມຮັບ​ໃນຄວາມ​ປະລາ​ໄຊ ​ແລະ ​ໄດ້​
ອອກ​ໄປຈາກ Temple Tree ຊຶ່ງ​ເປັນທຳນຽບປະທານາທິບໍດີ
​ເມື່ອຕອນ​ເຊົ້າວັນ​ສຸກ​ມື້​ນີ້.

ຄະນະ​ກຳມະການ​ເລືອກ​ຕັ້ງ ກ່າວ​ວ່າ ທ່ານ Sirisena ​ໄດ້​ຮັບ​
ຄະ​ແນນ​ສຽງ​ 51.2 ​ເປີ​ເຊັນ ໃນການ​ເລືອກ​ຕັ້ງ​ເມື່ອ​ວັນ​ພະຫັດ​
ວາ​ນນີ້ ​ແລະ ທ່ານ Rajapaksa ​ໄດ້​ຮັບ 47.5 ​ເປີ​ເຊັນ.

ທ່ານ Sirisena ກ່າວ​ວ່າ “ພວກ​ເຮົາ​ຕ້ອງ​ອະນຸຍາດໃຫ້ຊາວ​ສຣີລັງກາ​ ໝົດ​ທຸກ​ຄົນ
ຊົມ​ຊື່ນ​ກັບ​ໄຊ​ຊະນະອັນ​ນີ້. ​ເພາະສະນັ້ນ ເພື່ອ​ຫລີກ​ລ້ຽງ ຕໍ່ການສ້າງຄວາມ
ເສຍຫາຍ ຫຼືໝິ່ນ​ປະ​ມາດ​ຄົນ​ອື່ນ. ຂ້າພະ​ເຈົ້າ ຂໍໃຫ້ໝົດ​ທຸກ​ຄົນ ສະໜັບສະໜຸນ ​
ເພື່ອ​ນຳ​ເອົາ​ຂະ​ບວນການ​ນີ້ ​ກ້າວໄປ​ໜ້າພ້ອມ​ກັບຄວາມ​ເຫັນ​ອົກ​ເຫັນ​ໃຈ ​ແລະ
ຄວາມ​ຮັກຫອມກັນ.”

ຈົນເຖິງ​ບໍ່​ເທົ່າ​ໃດ​ອາທິດ​ຜ່ານ​ມາ ທ່ານ Rajapaksa ​ແມ່ນຄາດ​ກັນ​ຢ່າງ​ກວ້າງຂວາງ​ວ່າ
ຈະ​ໄດ້​ຮັບ​ໄຊຊະນະ​ ເຂົ້າຮັບຕຳແໜ່ງເປັນສະ​ໄໝ​ທີ 3 ​ຢ່າງ​ງ່າຍດາຍ. ​ແຕ່​ອັນນັ້ນ ​ໄດ້​ປ່ຽນ​
ແປງ​ໄປ​ຢ່າງ​ກະທັນຫັນ ​ໃນ​ເດືອນ​ພະຈິກ​ຜ່ານ​ມາ ເມື່ອ ທ່ານ Sirisena ​ໄດ້​ແຍກ​ໂຕ​ອອກ
​ຈາກ​ທ່ານ Rajapaksa ​ແລະ ໄດ້ຮັບ​ການ​ສະໜັບສະໜຸນ​ຈາກ​ບັນດາ​ຜູ້​ແທນ​ຄົນ​ອື່ນໆ​ທີ່
​ໄດ້​ປ່ຽນ​ພັກ​ ​ແລະ ພວກ​ຊົນ​ກຸ່ມ​ນ້ອຍ​ຂອງ​ປະ​ເທດ ຫຼາຍໆຄົນ ຊຶ່ງ​ໄດ້​ເຮັດ​ໃຫ້ ການ​ເລືອກ​
ຕັ້ງດຸ​ເດືອດຂຶ້ນ ​ໃນ​ການ​ຕໍ່ສູ້ທາງ​ການ​ເມືອງ.

ພວກ​ມີ​ສິດ​ອອກສຽງ ​ໃນ​ສຣີລັງກາ ພາກັນ​ໄປປ່ອນບັດ​ໃນ​ຈຳນວນ​ສູງ​ຜິດ​ປົກກະຕິ ສຳ​ຫລັບ ​ການ​ເລືອກ​ຕັ້ງນີ້ ຊຶ່ງ​ກາຍ​ມາ​ເປັນ​ການ​ລົງ​ປະຊາ​ມະ​ຕິ ​ເລື້ອງ​ການ​ບໍລິຫານ​ງານ​ຂອງທ່ານ Rajapaksa.

ຜົນອອກ​ມາ​ຕ່າງໆ ​ໄດ້​ເນັ້ນ​ໃຫ້​ເຫັນ​ເຖິງ ການ​ຫັນປ່ຽນ​ທິດ​ທາງ​ໃນ​ປະ​ເທດ​ໂດຍ​ມີ ຊົນ​ກຸ່ມ
ນ້ອຍ Tamils ​ແລະ Muslims ຊຶ່ງ​ເປັນ​ຊົນກຸ່ມ​ນ້ອຍ ທີ່​ໃຫຍ່​ທີ່​ສຸດ​ອັນ​ດັບ​ສອງ ທີ່​ທັງ​ສອງ​
ກຸ່ມ​ນີ້ ​ໄດ້​ອອກສຽງ​ຕໍ່​ຕ້ານ​ທ່ານ Rajapaksa.

XS
SM
MD
LG