ບັນດາຜູ້ໃຫ້ຄວາມອຸບປະຖຳຮຽກຮ້ອງໃຫ້ອົງການຄຸ້ມຄອງເຕະ
ບານໂລກຫຼື FIFA ມີການປ່ຽນແປງ ໃນຂະນະທີ່ສະຫະພັນເຕະ
ບານໂລກປະຈຳຂົງເຂດ ອະພິປາຍກັນກ່ຽວກັບອະນາຄົດຂອງ
ຜູ້ນຳອົງການດັ່ງກ່າວ ທີ່ມັກຖືກຕຳໜິຕິຕຽນເລື້ອຍໆ ຫຼັງຈາກສະ
ຫະລັດ ແລະ Switzerland ໄດ້ເປີດເຜີຍກ່ຽວກັບການຄໍລັບຊັ່ນ
ທີ່ສຳຄັນ.
ບໍລິສັດບັດ Credit Visa ໄດ້ອອກຖະແຫຼງການຢ່າງແຂງຂັນ
ຫຼັງຈາກທີ່ກະຊວງຍຸຕິທຳ ສະຫະລັດ ໄດ້ເປີດເຜີຍຄະດີຟ້ອງ
ຮ້ອງ ໃນວັນພຸດວານນີ້ ທີ່ໄດ້ກ່າວຫາເຈົ້າໜ້າທີ່ 14 ຄົນ
ຮວມທັງການຂູ່ເຂັນເອົາເງິນ ສົ່ງຂໍ້ມູນຜິດໆແລະການຟອກເງິນ.
ບໍລິສັດບັດ Visa ໄດ້ສະແດງຄວາມເສຍໃຈ ຢ່າງ “ເລິກເຊິ່ງ” ແລະໄດ້ກ່າວວ່າ ຖ້າຫາກວ່າບໍ່ມີການປະຕິຮູບແລ້ວ ທາງບໍລິສັດຈະຊັ່ງຊາຄືນໃໝ່ ໃນການເປັນຜູ້ໃຫ້ຄວາມອຸບປະຖຳ ຕໍ່ອົງການ FIFA.
ເບິ່ງວີດີໂອ ລັດຖະມົນຕີກະຊວງຍຸຕິທຳສະຫະລັດ ທ່ານນາງ Loretta Lynch ໃຫ້ມີການປ່ຽນແປງ
ບໍລິສັດ Visa ກ່າວໃນຖະແຫຼງການວ່າ “ໃນຖານະທີ່ເປັນຜູ້ອຸບປະຖຳ, ພວກເຮົາຄາດຫວັງວ່າ ອົງການ FIFA ຈະເອົາບາດກ້າວ ຢ່າງໄວວາແລະໃນທັນທີ ເພື່ອແກ້ໄຂບັນຫາ
ຕ່າງໆທີ່ ຢູ່ພາຍໃນອົງການ. ນີ້ເລີ້ມຕົ້ນດ້ວຍການສ້າງສາປະເພນີຄືນໃໝ່ ດ້ວຍການມີ
ຈັນຍາບັນທີ່ມີການປະຕິບັດຢ່າງເຂັ້ມແຂງ ເພື່ອຈະໄດ້ຟື້ນຟູຊື່ສຽງ ກັບຄືນມາໃນການ
ແຂ່ງຂັນຕ່າງໆແລະຜູ້ຊົມໃນທຸກສະຖານທີ່.”
ບໍລິສັດ Coca Cola ກໍກ່າວວ່າ ຕົນໄດ້ສະແດງຄວາມເປັນຫວ່ງເປັນໄຍ ນຳການຟ້ອງຮ້ອ
ແລະຄາດຫວັງວ່າ ອົງການ FIFA ຈະແກ້ໄຂບັນຫານີ້ຢ່າງຖີ່ຖ້ວນ ໃນຂະນະທີ່ບໍລິສັດ Adidas ຮຽກຮ້ອງໃຫ້ອົງການ FIFA “ໃຫ້ມີມາດຕະຖານຄວາມໂປງໃສ ໃນທຸກສິ່ງຢ່າງທີ່ພວກເຂົາເຈົ້າກະທຳ.”
ໃນຂະນະດຽວກັນນັ້ນ ສະຫະພັນເຕະບານເອເຊຍ ໃນວັນພະຫັດມື້ນີ້ ກ່າວວ່າ ການລົງຄະ ແນນສຽງໃນວັນສຸກມື້ອື່ນ ທີ່ມີໝາຍກຳນົດໄວ້ນັ້ນ ເພື່ອເລືອກເອົາປະທານຂອງອົງການ FIFA ຄວນຈະດຳເນີນໄປຕາມແຜນການທີ່ວາງໄວ້ ແລະຕົນໃຫ້ການສະໜັບສະໜຸນທ່ານ Sepp Blatter ປະທານຄົນປະຈຸບັນນີ້.
ທ່ານ Blatter ແມ່ນໄດ້ພະຍາຍາມທີ່ຈະໃຫ້ເຂົ້າກຳແໜ່ງ ສະໄໝທີ 5 ທີ່ມີເຈົ້າຊາຍ Ali Bin Al Hussein ຂອງ Jordan ເປັນຄູ່ແຂ່ງນັ້ນ.
ສະຫະພັນເຕະບານຢູໂຣບ ຫຼື UEFA ໄດ້ຮຽກຮ້ອງໃຫ້ເລື່ອນການເລືອກຕັ້ງນີ້ອອກໄປອີກ
6 ເດືອນຂ້າງໜ້ານີ້ ໂດຍກ່າວວ່າ “ມັນຍັງມີຄວາມຈຳເປັນຢ່າງໃຫຍ່ ໃນການປ່ຽນແປງການເປັນຜູ້ນຳຂອງອົງການ FIFA.”
ທ່ານ Blatter ບໍ່ແມ່ນ 1 ໃນ 9 ຂອງບັນດາເຈົ້າໜ້າທີ່ອະວຸໂສຂອງອົງການ FIFA ທັງໃນ
ປະຈຸບັນແລະອະດີດ ທີ່ໄດ້ຖືກຟ້ອງຮ້ອງໃນວັນພຸດວານນີ້. ທ່ານໄດ້ລະບຸໃນລາຍງານ
ຂອງທ່ານວ່າ ທ່ານປະຕິຍານວ່າ ພວກທີ່ມີສ່ວນພົວພັນໃນການປະພຶດທີ່ບໍ່ຖືກຕ້ອງນັ້ນ ຈະບໍ່ມີສ່ວນກ່່ຽວຂ້ອງໃນການແຂ່ງຂັນຕ່າງໆຕໍ່ໄປ.
